UPS

“Alam mo, Minakels, hanggang ngayon ay hindi ko pa rin alam kung bakit bigla-biglang nagkaanak si Tricia, eh. Alam mo iyon, biglang nagkaasawa nang wala sa oras? Dahil lang may baby? Gosh!”

Lasing si Lily nang datnan ko. Nag-bar daw sila ng dati niyang mga kaibigan kaya heto at bangag ang maldita.

“Ano naman ang problema roon?”

Kinuha niya ang lemon at asin at iyon ang binanatan. Ako ang nangangasim sa ginagawa niya, eh.

“Wala, eh, mas kamukha pa kasi ni—” Tumayo siya at patakbo na pumunta sa kusina. Malamang na susuka na naman ito.

Nang maiwan ako at mapag-isa ay biglang sumagi sa isip ko si Tranz. Normal ba na maawa ako rito sa kabila ng ginawa niya sa akin? Is it okay to forgive him this easy?

Nakagat ko ang labi ko nang maalala ang hitsura niya kanina. Para siyang batang pinabayaan ng magulang niya. Pero kung susumahin ay par