Share

Chapter 4

"Anong nangyari sa kaniya? "

Nagising ako nang marinig ko ang boses ni Daddy malapit lang sa akin.

"Hindi ko rin po alam sir, naabutan ko lang po siya sa waiting shed sa labas ng SEU. Hinang-hina at walang malay" 

Sagot ng taong kausap nito. Iminulat ko ang aking mga mata. Nilibot ko ng tingin ang paligid. Puro puti, nasa ospital ba ako? Ang huling naaalala ko lang ay... 

Wait, tinawag ko ba talaga si Ismael kanina?. What the heck. Napatingin ako sa dalawang taong nag-uusap malapit sa pinto. 

"Salamat sa pagdala sa kaniya at pagtawag sa amin, ijo"

Rinig kong sabi ni papa habang tinatapik ang balikat ni Ismael.

"Dad. " mahinang tawag ko sa kaniya. 

Sabay silang napatingin sa gawi ko. Nagmadali si Daddy na pumunta sa akin. 

"Are you okay Kara? What happened?Hindi ka na naabutan ng sumundo sa 'yo. Buti na lang nakita ka ng kaibigan mo"

Kaibigan? Napatingin ako kay Ismael. He's already near Daddy when he noticed me looking at him. Umasa akong pagtatawanan niya ako dahil naabutan niya ako sa sitwasyong ganoon pero hindi. His face was serious and I can't see any glimpse of happiness.

"Nasobrahan lang ako sa puyat Daddy." 

Napatingin ulit ako sa gawi ni Ismael. Parang hindi niya nagugustuhan ang nakikita niya ngayon. 

"Ah, thank you Ismael" 

Nahihiya ko'ng pagpapasalamat sa kaniya. 'Di ko alam kung nahihiya ba talaga ako o takot sa ipinapakita niya ngayon. Bakit, kasalanan ko ba kung bakit nasa ospital ako ngayon?

Napaisip ako ng kaunti, oo nga pala kasalanan ko. 

Hindi niya sinagot ang pagpapasalamat ko. Humarap siya kay Daddy. 

"Sir, mauuna na po ako. Baka hinahanap na ako sa amin" 

Seryoso siya habang nagpapaalam kay Daddy. Bakit ang sungit nito? 

"Sige ijo, maraming salamat talaga. May susundo ba sa iyo?" 

Simpleng tango na lamang ang sagot niya at kinuha na niya ang bag niyang nakalagay sa isa sa mga sofa ng hospital room ko. Akala ko ay lalabas na siya agad pero humarap pa siya saakin. 

"Magpahinga ka" 

Bumilis ang tibok ng puso ko nang marinig ko ang simpleng paalala niya. Siguro kinabahan ako? Ewan. Lumabas na siya ng room at hindi na lumingon pa ulit. Bakit ba paulit-ulit kaming nagkikita? 

The next two days, pumasok agad ako. Okay na naman daw sabi ni Doc. kaya malaya akong pumasok.

"Girl, buti naman nakapasok ka agad."

Bungad sa akin ni Ely pagkapasok ko pa lang ng room namin. 

"Di naman ako nahulog sa bangin, nasobrahan lang sa puyat. Isang araw na pahinga, okay na 'ko" 

Sagot ko sa kanya habang papunta sa upuan ko. Inilabas ko ang libro namin for Physics pati na rin ang mga highlighters ko at ballpen. 

"Kinokonsensya ako dahil iniwan kita Kara, pasensya na" nagsisising turan ni Alise 

"Huwag mo nang alalahanin 'yon Alise. Okay naman ako" pag-aalo ko sa kaniya. 

"By the way, bakit parang ang ikli ng skirt mo ngayon besh, normally mga 1 inch lng above the knee. Ngayon, mga 2 inches na siguro"

Napatingin ako sa skirt ko. Tumayo pa ako para malaman kung totoo ba talaga. Bakit di ko 'to napansin kanina?

'Yong uniform namin, high waist plaid pleated skirt with glen plaid checkered style and a combination of dark blue and white for its color at above the knee ang haba. Yung top naman, simpleng polo top uniform na may dark blue linings sa collar at sa dulo ng sleeves then may logo lang ng SEU sa left side ng polo. 

Naka tuck in lang kaya maganda tingnan. May knee socks na dark blue din at black shoes. Hinila ko na lang pababa dahil nakaka conscious pala. Umupo na ako ulit, baka 'yong skirt ko pa 'to noong grade eleven. Nasuot ko siguro kanina dahil lutang ako. 

"Hayaan mo na. Di naman sobrang ikli"

Suhestiyon ni Ely saakin, kaya hinayaan ko na lang. 

"May practice game daw yung CCAM at SEU ngayon sa gym!" sigaw ni Justice. 

Hinihingal pa talagang pumasok sa room. Nakipag-karera pa siguro. Nasa 4th floor ang klase namin ngayong hapon at baka tinakbo niya ang hagdan kaya ganyan siya. 

"Sa basketball ba Justice?" 

Tanong ni Mary Joy habang kumakain, pero di naman tumataba. Inayos pa talaga niya ang bag niya. Ready na umalis. 

"Oo girl! Wala daw pasok ngayong hapon! Supportive daw dapat tayo sa pambato natin!" sabay tili ni Justice. Grabe ang adik sa basketball.

'Yong mga kaklase ko, umalis na. Pati sina Jay, Ely, at Alise sumunod din. Iniwan na nila ako dahil alam naman nilang wala akong pakealam sa mga ganyan. 

Iniligpit ko na ang mga libro ko at inilagay sa bag. Magpapasundo na lang ako kay Kuya Alex. 

Habang nagliligpit, naabutan ako ni Justice sa room. 

"Pres! Wag kang kj! Lahat ng kaklase natin nandoon na ikaw na lang ang wala! Bawal 'yan."

Sinermonan pa talaga ako? Wala akong alam sa basketball kaya ayoko. Di ako pupunta dun. 

"Uuwi na ko Justice, mag enjoy na lang kayo. " walang gana kong sagot. 

"Hindi pwede Pres, ang aga pa para umuwi hali ka na!"

Hinatak ako ni Justice palabas. Hanggang sa hagdan hindi na niya ako tinantanan. May elevator naman! 

"Justice, ayoko nga." inis kong sabi sa kaniya

Pero hindi pa rin nagpapaawat. 

"Nandoon si Andrei Gomez! 'Yong ka batch natin'g gwapo sa kabilang section lang!"

Lumalabas ang pagka fan girl ng babaeng to. Di ko nga kilala yung Andrei na 'yan!

"Andami ko pang gagawin Justice. Ayoko. Wala akong panahon diyan" 

Pilit kong binabawi ang siko ko'ng hawak-hawak pa rin niya. Kinakaladkad pa rin ako.

"Wag ka puro aral Pres, magsaya ka din. Kahit ngayon lang" 

Napabuntong hininga na lang ako. Ayaw talagang magpaawat. Ang bilis pa niya maglakad. Nang makarating na kami sa ground-floor, mas binilisan pa niya ang takbo. Ang sakit ng paa ko. May heels pa naman ang suot kong sapatos. 

"Justice, wag mo 'kong hatakin. Sasama na ko"

Pagsuko ko sa energetic na babaeng adik sa basketball. Binitawan din naman niya ako at nagpatuloy sa pagtakbo pero every 10 seconds siguro lumilingon siya para siguraduhing sumusunod ako sa kaniya. 

Medyo malayo pa ang gymnasium pero rinig na rinig ko na ang ingay dulot ng sigawan. 

"Pres! Dalian mo, nag-umpisa na" 

Bumalik sa gawi ko si Justice at hinatak ako ulit. Gosh, kaya ko namang maglakad. Pagkapasok pa lang ay parang mabibingi na ako sa sobrang ingay. Napatakip pa ako sa magkabilang tenga ko. Hinatak ako ni Justice sa unahang parte ng mga benches at pinaupo ako dun sa tabi ni Alise at ng iba pa naming mga kaklase. 

"Oh Kara, akala ko ayaw mo sa mga ganito?" 

Malakas na pagkakasabi ni Alise nang nakita ako sa tabi niya. Sobrang ingay! 

"Hinatak ako ni Justice!" 

Sigaw kong sagot sa kaniya para marinig niya. Kumaway na rin ako kina Jay at Ely nang mapalingon sila sa gawi namin. Ang dalawang abnormal nakapwesto pa talaga malapit sa railings kasama nila si Justice na may nakahanda pa'ng banners. 

Akala ko ba practice game lang? 

Nasa left side kami ng gym. Napatingin ako sa mga estudyanteng nasa right side at napagtanto kong taga CCAM pala sila. Sa uniform pa lang na dominant ang puti, halata na. White polo top with black linings sa collar, white knee-length skirt with black linings sa dulo at black heel shoes.

"GO SEU!" 

Sigaw ng mga schoolmates ko. Muntik pa akong mahulog sa kinauupuan ko dahil sa sobrang talon ng mga kaklase ko sa likod. 

"Sorry pres." 

Nag peace sign pa si Mary Joy. Aba, ang babaeng to ngayon ko lang nakitang masaya. Good influence din pala itong si Justice minsan. 

"3 points for SEU" 

Rinig kong sigaw ng scorer. Ewan di, ko alam kung ang tawag sa kanila basta yung nagbibigay ng score. 

"Wah! Andrei my loves!" 

Nangibabaw sa gitna ng crowd ang boses ni Justice. Nag cheer kay Andrei? 'Yon ba ang sinasabi niyang ka-batch namin? 

"Sino si Andrei sa kanila?"

Bulong ko kay Alise. Dahil nakakahiya namang isigaw ko yun. Napatingin si Alise sa akin na parang di makapaniwala. 

"Kara di mo kilala si Andrei? Jusko naman! Team captain 'yan ng SEU's basketball team. President ka pa naman namin. Member ka ng Student Council dapat alam mo 'yong mga dapat suportahan!"

Mahabang litanya ng babae. Tinanong ko lang naman kung saan si Andrei na 'yan. Bakit parang narinig ko na ang pangalang yan? Di ko lang maalala kung kailan at saan. 

"Kita mo 'yong naka varsity uniform ng SEU diba? 'yong number 11! 'yong gwapo! 'Yan si Andrei!"

Napatingin ako sa sinasabi niyang lalaki. Medyo malayo kaya di ko masabi kung gwapo ba talaga o hindi. 

"Labas muna ako, bibili lang ng tubig sa canteen. Inuuhaw ako, ang init. Madaming tao!"

Hindi ko na hinintay ang sagot ni Alise dahil busy pa naman siya kaka-cheer. Dinala ko na lang ang bag ko palabas para kapag tinamad ako bumalik, uuwi na lang ako. 

Napagpasiyahan ko'ng bumili na lang ng dalawang bottled water para kay Alise 'yong isa. Ewan ko bakit ginanahan ako bumalik kahit di naman ako maka relate. 

Palabas na ako ng canteen nang makita ko si Ismael. Bakit siya nandito? Papasok na siya ng canteen. Napatigil pa talaga ako sa paglalakad. Paano ba ako makakabawi sa pagtulong niya sa 'kin noong nakaraan? 

"Ah. Ismael" nahihiya kong bati sa kaniya. 

Napatingin lang siya sa akin na parang wala siyang pakialam. Anong ginawa ko sa kaniya? 

"Oh?" 

Masungit na pag sagot niya saakin. Nainis ako. Aba, 'yong iba diyan nag-uunahan pa para mapansin ko. Tapos siya, simpleng 'oh' ang sagot?. Wala naman akong ginawa sa kaniya ah. 

Pero dahil mabait at may konsensya ako hindi ko na lang pinansin ang pagka kupal niya. 

"Ililibre sana kita. Pagpapasalamat ko sa pagtulong mo sa akin"

Tiningnan niya lang ako ng seryoso. Na-conscious tuloy ako. Bakit ba ganiyan siya makatingin?. 

"Huwag na." walang emosyon niyang sagot at nilagpasan ako. 

Napatingin ako sa likod niyang kay ganda tingnan. Ngayon ko lang nahalatang bagay pala sa kaniya ang uniform na suot niya. Napagtanto ko kung bakit siya nandito. Nakalimutan kong sa CCAM pala siya nag-aaral. 

At dahil makapal ang mukha ko ngayon, hinintay ko pa siyang lumabas. Hindi ako nakontento sa simpleng pagpapasalamat ko noong nakaraang araw kaya kailangan ko talagang bumawi. 

Nakita ko siyang lumabas ng canteen habang may bitbit na dalawang coke in can at dalawang sandwich. 

"Bakit nandito ka pa? "

Kunot noong tanong niya saakin. Nginitian ko pa siya ulit kahit naiinsulto na 'ko. Bakit ko nga ba hinintay 'to? Di pala worth it hintayin. 

"Ililibre nga kita" 

Pamimilit ko pa sa kaniya. Alam ko'ng pangit mamilit ng tao pero di ako papatulugin ng konsensya ko lalo na at nagkita kami ngayon. Sayang ang pagkakataon. 

"Sabi ko, huwag na" 

Nilagpasan niya ulit ako at naglakad pabalik sa gym. Sinundan ko na lang siya at nagpasyang wag na siya pilitin. Ayaw niya, edi huwag. Consistent akong tao pero kapag ayaw talaga, edi titigil na. 

Nauna siya sa 'kin sa paglalakad kaya naisip kong di niya alam na nakasunod lang ako sa kaniya. Baka isipin pa niyang stalker ako!

Bago pa kami makarating sa gym, tumigil siya at napalingon sa banda ko. Nagulat ako kaya napahinto ako ng wala sa oras. 

"Bakit ka pa nakasunod?"

Nakakunot noo niyang tanong sa akin. Aba, anong problema ng lalaking to. 

"Babalik ako sa gym. Ibibigay ko ang tubig ni Alise"

Pagrarason ko pa sabay pakita ng isang bottled water. Tama naman babalik ako para kay Alise. Di ko naman siya pipilitin kaya bakit siya naiistress jan? 

"Huwag ka nang pumasok sa gym ako na ang magbibigay sa kaibigan mo" 

Seryoso pa talaga siya habang sinasabi niya 'yan. Kanina pa to ah. Nang-iinis ba 'to? Inirapan ko siya at magpapatuloy na sana ako sa pagpasok nang hawakan niya ang braso ko. 

Napatingin ako sa kaniya nang nakakunot ang noo. 

"Ano ba'ng problema mo? Di na kita pipiliting magpalibre saakin. I know how to obey people especially those who said NO." 

Emphasized pa talaga ang NO para maramdaman niyang pinatatamaan ko siya. Ang arte, kaninang gusto ko siya ilibre, halos di ako pansinin tapos ngayong di ko na siya ginugulo, pinagbawalan pa akong pumasok sa gym. Sa kanya ba 'to?

Bago pa ako makahirit ulit, may namataan akong babae na tumatakbo papalapit sa amin. Maputi, matangos ang ilong, black beautiful eyes, curly black hair, impressive body curves at matanggad. Magkasingtangkad siguro kami. Bagay sa kanya ang uniform na suot niya. Ano 'to model? 

"Hey, Mael bakit ang tagal mo? Nagugutom na ako" 

Sabi niya at inilingkis ang kamay niya sa braso ni Ismael. Wow, kaya ba sobrang sungit niya sa akin dahil kasama niya ang girlfriend niya? 

"Chytzy, ba't ka sumumod dito? 'Di ba sabi ko wag ka'ng umalis doon?"

Pagsesermon pa ng boyfriend niya. Napairap na lang ako. 

Sa harap ko pa naglandian. 

"Ang tagal mo eh. Sino siya?"

Nandidiring tanong niya kay Ismael habang nakatingin sa akin. What the hell? Nandiri pa talaga siya sa akin? 

Ganda ka te? 

"She's Kara, kaibigan ko"

Plain na sagot ng walang hiya niyang boylet. Tapos kaibigan? Kailan pa? 'Di ko nga alam buong pangalan mo boy. 

"Alis na ko guys!" 

Plastic kong sabi sa kanila. Bagay sila, meant to be gilitan sa leeg. 

"I told you Kara, hindi ka papasok diyan." 

Pahabol pa ni Ismael. Hinabol niya ako at kinuha ang bottled water na para kay Alise. Nakasunod lang sa kanya ang girlfriend niya. Napahinto na lang ako. Bago ko pa maagaw ang bottle sa kaniya, inilayo na niya ito. 

"Hintayin mo 'ko dito." 

Seryosong saad niya bago niya hinila 'yong Chytzy na girlfriend niya papasok sa gym. 

Napairap ako bakit ko siya hihintayin? Hindi nga siya worth it diba? Umirap pa talaga ako dahil sa inis. 

Paano niya maibibigay ang tubig kay Alise? Hindi naman niya kilala 'yon. 

Bago pa 'ko tumalikod paalis, namataan ko siyang palabas na ulit at may dalang jacket. 

Anong trip nito? Mabilis niya akong nilapitan at ibinigay sa akin ang jacket na dala. 

"Itali mo sa bewang mo."

Seryosong sabi niya. Kumunot lalo ang noo ko. What the hell is wrong with him? Bakit niya ipapatali ang jacket na 'to sa bewang ko?

Dahil nga hindi ko tinanggap ang jacket, siya na mismo ang lumapit saakin. Itinali niya ang sleeves ng jacket sa bewang ko at dahil malaki ang jacket, nalampasan nito ang skirt ko. 

"Kanina ko pa nakikita 'yang skirt mo. Huwag ka nang pumasok ulit. Iuuwi na kita" 

Related chapters

Latest chapter

DMCA.com Protection Status