Kabanata 1

GULO ang isip na nagpalinga-linga si Alyssa. Hindi pamilyar sa kanya ang lugar na kinaroroonan niya.

Nag lakad-lakad siya, may nakita siyang isang malaking puno na hitik sa bunga ngunit hindi niya din kilala kung anong puno ito. May mga nakapaligid na halaman at mgagandang bulaklak naengganyo siyang lapitan ito.

"Ang ganda ng mga bulaklak ang bango-bango," pumikit siya, bumuntong hininga at suminghap ng sariwang hangin. Pumitas siya ng isang bulaklak kulay rosas ito at iniipit niya sa kanang tenga at nag lakad-lakad.

Sa di kalayuan may nakita siya isang magandang upuan kulay puti ito. Kunot noo na tila nag-isip ang dalaga.

"Nasaan kaya ako, anong lugar kaya ito?" tahimik ang paligid parang siya lang ang tao. Nag palinga -linga siya. Nakita niya ang mga nagliliparang mga paru-paro, ibat-ibang hugis at ibat-ibang kulay. 

"Nasa Heaven na ba ako?'' Pakiwari niya nasa paraiso siya. Nag lakad siya palapit sa puting upuan at naupo, medyo nakakaramdam na siya ng antok  dala siguro ng katahimikan ng paligid. Humikab siya at isinandal ang likod sa upuan at nagsimula ng pumikit ang kanyang mga mata, saglit lang at nakatulog na siya.

"ALYSSA gising!" Si Maggie bestfriend niya at kaklase sa isang subject.

Naupo si Maggie sa tabi ni Alyssa at muli nitong niyugyog ang balikat ng kaibigan.

"Uy! grabe ka girl ang sarap ng tulog mo, anong akala mo nasa kama ka? 'Andito ka po sa bench sa basketball court." Sabi ni Maggie sabay dukot sa bulsa ng suot niyang paldang school uniform nila, kinuha ang salamin at suklay. Nagsimula siyang mag paganda.

Sinulyapan muli ni Maggie ang kaibigan. Ang sarap pa din ng tulog nito, tumigil si Maggie sa ginagawa sabay tirik ng mga mata. Nilapitan niya ang mukha ni Alyssa tinapik-tapik ito sa kanang pisngi. 

"ALYSSAAAAAA!" malakas na sigaw ni Maggie sa isang tenga ng kaibigan.

Nagulat ang kaibigan niya at na out of balance ito sa kinahihigaang bench.

"Aray!" Sapo ni Alyssa ang ulo. Nahulog siya sa semento at buti nalang hindi mataas ang bench. Tinulungan siyang makaupo ni Maggie pabalik sa bench. Nag inat-inat siya sabay kurot sa kaibigan.

"Bakit ba naninigaw ka nahulog tuloy ako sa gulat," sabi ni Alyssa habang inaayos na ang mga paint brush na kumalat sa bench.    

"Ikaw naman kasi, tirik ang araw sarap ng tulog mo dito sa bench. Niyaya kita dito sa basketball court para manood ng praktis nila John pero natulog ka lang." Ungos ni Maggie na may pairap irap pa ng mata. "Naku girl, hindi mo napanood maglaro si John, grabe ang galing niya ang gwapo pa! heeeeeee!"

Marahan na binatukan ni Alyssa ang kaibigan.

"Ang landi mo ha," nangingiting turan ni Alyssa. Ngunit natigilan siya nang maalala ang kanyang napanaginipan. Hinawakan niya sa magkabilang balikat si Maggie at nakipagtitigan dito. "Nanaginip ako girl, kakaiba. Hmmm, alam mo 'yon, na parang nasa isang paraiso daw ako. Walang katao-tao kundi ako lang at parang totoo."

"Feel ko nga, nahirapan kasi akong gisingin ka,'' nakaismid na sagot ni Maggie.

"I'm serious Maggie, lagi naman akong nananaginip but this one is different.''

Inalis ni Maggie ang mga kamay niya na nasa balikat nito, tumayo at dinampot ang bag.    

"Naku Alyssa, its just a dream! walang totoo. Buti sana kung may kasama kang pogi sa panaginip baka sumama pa ako sa'yo sa panaginip mo." Natatawang biro nito sa kanya.

"Per-" hindi natuloy ang sasabihin niya nang biglang magsalita ang kaibigan.

"I'm hungry, lets go. Narinig ko kanina sa isang student masarap daw ang meryende ngayon sa canteen. Treat na kita dahil sinamahan mo ako manood ng praktis ng basketball ni John." Mukha pa din itong kinikilig may pa pikit pa ito ng mga mata. "Kahit na natulog ka lang!" biro nito na sinabayan pa ng mahinang tawa.

"Hmp!" ingos niya sabay dampot ng bag at tumayo. "Okay lets go,''

Nagpatiuna na siya maglakad, pero hindi pa din mawala sa isip ang napanaginipan niyang paraiso para sa kanya.

BAKASYON na, masayang nag-uusap sina Alyssa at Maggie. Kasalukuyan nasa loob sila ng isang coffee shop at hinihintay ang kanilang order. Nang may biglang dumaan sa gilid ni Maggie, isang may kaedaran ng lalake. Nasagi ang dalaga kaya napalingon ito sa matanda.

"Ouchie!" mahinang bigkas ni Maggie, sabay lingon sa nakatalikod na matanda. "Buti na lang lolo na, naku kung nagkataon na--" hindi nito natuloy ang sasabihin nang parang may malakas na hangin ang pumasok sa coffee shop sa pagbukas ng pinto ng matanda.

"Ang creepy naman!" Panabay na sambit nilang magkaibigan.

Nakakakilabot naman talaga ang pakiramdam nang biglang may malamig na hangin ang dumaan sa harap nila. Maya-maya lang biglang may punit na newspaper ang pumasok sa coffee shop tuloy-tuloy ito sa kinaroroonan ng magkaibigan at dumapo ito sa mukha ni Maggie. Nandidiring inalis naman ito ng dalaga.

"Sa ganda kung ito ginawa pa na trashcan ang face ko," nakasimangot na turan ni Maggie habang pinupunasan ang mukha gamit ng sariling panyo.

Samantalang panay naman ang tawa ni Alyssa. Mabuti na lang at silang dalawa pa lang ang nasa loob ng coffee shop.

Kinuha ni Alyssa ang newspaper sa kaibigan at tinignan ang mga nakasulat dito.

"Dont tell me may time ka pa na basahin yan? baka galing sa loob ng basurahan 'yan at nilipad lang." Mahabang sabi ni Maggie. Akmang kukunin nito sa kanya ang kapirasong papel.

"Wait!" Pigil ni Alyssa sa kaibigan sabay harang ng isang kamay niya sa mukha nito.

"Gusot na ang mukha ko girl," reklamo ni Maggie sabay tayo. "Puntahan ko na kaya sa counter order natin baka bukas pa dumating," at nag lakad na ito palayo sa table nila.

Inagaw ng isang pahina ang atensyon ni Alyssa.

HEADLINE ngayon. Isang sikat na pintor inanyayahan ang lahat ng kabataan na pumunta sa kanyang mansiyon, upang ipakita ang kanyang mga obra maestra at ibahagi ng libre ang kanyang kaalaman sa pagguhit.

Nandidilat ang mga mata ni Alyssa sa nabasa.

"Oh, my gosh! totoo ba itong nababasa ko?" hindi pa din siya makapaniwala sa nabasa.

Isang kilalang magaling na pintor si Mr. Gregorio Santillan. Halos lahat ng painting nito ang ibinibida sa mga art gallery. Taon-taon itong humahakot ng award. Ngunit noong taong 2016 tumigil ito dahil sa trahedya ng kanyang pamilya.

Bigla nakaramdam ng lungkot si Alyssa para sa artist.