Share

Kabanata 3

INABOT ni Alyssa ang isa pa na handy bag niya kung saan nakalagay ang ilang gamit niya sa pagpipinta gaya ng mga paint brush at pangkulay.

May mga pagkain din silang baon na good for one week, pinagtulungan nilang magkaibigan na buhatin ang isa pang bag na may mga lamang pagkain.

Nagsimula na silang lumakad palapit sa nakasaradong gate. Mula sa labas ng gate makikita ang nakatayong malaking Mansiyon na pagmamay-ari ng pintor na si Mr.Gregorio Santillan. Medyo may kalumaan na pero maganda pa din. Nag doorbell si Alyssa. Saglit lang at may bumukas na ng gate. Isang matandang lalake ang nakita nila.

"Goodevening po," panabay na bati nila ni Maggie. Tumango lang ang matanda.

"Sumunod kayo sa akin." Ang sabi ng matanda at tumalikod na sa kanila.

Nagkatinginan naman sila. Lumapit kay Alyssa si Maggie at may ibinulong ito.

"Ang weird ni manong," bulong ni Maggie sa kanya. Pasimpleng siniko niya ito.

''Sshhhh, baka marinig ka," saway niya sa kaibigan.

Sinundan nila ang matanda at ng nasa harap na sila nang malaking pintuan may dinukot ito sa bulsa at inilabas nito ang kumpol na mga susi.

Pagkabukas ng pinto agad na namangha si Alyssa sa kayang mga nakita. Madaming mga painting na nakasabit sa wall.

"Wow!" bulalas ni Alyssa. ''Ang gaganda ng mga painting." Bakas ang tuwa sa mukha ng dalaga

"Oo nga girl,'' sang-ayon ni Maggie at lumapit ito sa isang nakasabit na painting. "Parang buhay na buhay ang mga nasa larawan," dugtong ng dalaga.

Narinig nila ang mahinang tikhim ng matanda. Sabay silang napalingon.

"Dadalhin ko kayo sa kusina para sabay -sabay na kayong maghapunan." Anang matanda at lumakad ulit ito.

Nagkatinginan ang magkaibigan.

"Kayo daw?" ibig sabihin may mga ibang tao pa na naunang dumating kaysa sa kanila.

"Mukhang exciting yata ang pag punta natin dito, akala ko magiging boring ang buong isang linggo ko dito!" natatawang sabi ni Maggie.

Pagdating sa kusina sinalubong sila ng isang lalakeng may kaedaran na pero mukhang matikas pa din ang pangangatawan nito. Namukhaan ito ni Alyssa.

"Sir, Gregorio?'' paniniguro ni Alyssa. Bakas sa mukha ng dalaga ang tuwa ng makita ito.

Nakangiting tumango ang lalake. Lumapit ito sa kanila.

"Alyssa at Maggie?'' tanong naman nito sa kanila.

"Yes, po!" Panabay na sagot ng magkaibigan. Nakipag kamay sila dito.

"Have a sit," paanyaya ng artist na inalalayan pa sila makaupo. Nahihiyang tumalima naman sila.

"Hi!" Panabay na bati ng ilang panauhin na nakadulog na din sa hapag-kainan.

"Hello!" Nakangiting panabay na bati nilang magkaibigan.

"Kumain na muna tayo mga hija, hijo, huwag natin paghintayin ang grasya." Nakangiting turan ni Gregorio sa mga panauhin niya.

"Oo nga naman mukhang masarap pa naman ang inihanda ni Sir," ani Maggie na kanina pa nagrereklamo kay Alyssa na gutom na. Nauna na itong kumuha ng pagkain at nilagay sa sariling plato.

Sumunod na din ang ibang naroon, kanya - kanyang kuha ng pagkain.

Maganang kumain ang lahat dahil na din sa pagod sa byahe.

PAGKATAPOS  kumain ng lahat kinausap ni Gregorio ang mga estudyante.

"Alam kong pagod ang lahat kaya mas mabuti sigurong magpahinga na muna kayo." Nakangiting sabi ni Gregorio. Sinulyan niya ang katiwala na nakatayo sa gilid nito. "Ito pala si Mang Nestor katiwala ko dito sa mansyon, ituturo niya sa inyo ang magiging kwarto ninyo." Pagpapakilala nito sa katiwala. "Magpahinga kayo at bukas magsisimula na tayo. Magandang gabi sa inyong lahat!" Nakangiting bati pa nito.

"Magandang gabi din po Sir," masiglang panabay na sagot ng mga estudyante.

Sinenyasan ni Gregorio ang katiwala agad naman itong tumalima.

"Sumunod kayo saakin," ani Mang Nestor. Nagsimula na itong humakbang, sumunod naman sila.

Binaybay nila ang kahabaan ng bahay, umakyat sila ng hagdan at bawat isa ay namamangha sa mga nakasabit na larawan sa dingding at iisang salita lang ang namumutawi sa kanilang mga bibig.

"Wow!"

"May apat na kuwarto dito, ang mga babae hiwalay sa mga lalake." Sabi ni Mang Nestor at dumukot ito sa bulsa para kunin ang mga susi.

Siyam silang lahat, anim na babae at tatlong lalake na sa tingin ni Alyssa hindi nagkakalayo ang mga edad nila. Inabot ni Mang Nestor ang susi sa bawat isa.

Sa isang kuwarto tatlo silang magkakasama. Alyssa, Maggie at Daisy na nagpakilala na sa kanila.

Binuksan ni Alyssa ang pinto ng kuwarto at sabay na silang tatlo na pumasok.

Inilibot ni Alyssa ang paningin sa loob ng kuwarto. Maganda! sa isip niya. Babaeng-babae ang dating ng kuwarto. May malaking kama at may mga nakasabit din na painting sa mga dingding.

"Ang ganda ng room," sabi ni Maggie. "Terno lahat, ang kurtena, punda, kumot at kubre kama." Dugtong niya.

"At ang laki ng kama!" Segunda ni Alyssa.

"Hindi ba nakakahiya at naki-share ako sa inyo ng kuwarto?" Si Daisy. Kung ilalarawan ito, mukha itong mahinhin, maganda matangkad at maputi.

"Ano ka ba Diasy, kung may dapat man mahiya dito dapat ako 'yon." Sagot ni Maggie na natatawa. "Dahil kayo may talent at ako wala, saling pusa lang ako dito. Hehehe!" sabay lingon kay Alyssa. "'diba friend?"

"May talent ka naman girl, ang kumain." Sagot niya. Natawa si Daisy sa sinabi niya. "Lagi ka nalang kasing gutom eh." Natatawang dugtong ni Alyssa sa sinabi. Paano ba naman katatapos lang nilang kumain may nginunguya na naman ito.

Lumapit si Maggie sa kama at dumapa ikinawagkawag pa nito ang mga braso at paa na parang lumalangoy sa dagat. "Food is life friend, he he he!"

Lumapit din sa kama si Daisy at naupo. "Nakakatuwa kayong magkaibigan." Sabi nito at sinimula ng ayusin ang mga dalang gamit nito.

"Good choice ka sa piniling kasama sa kuwarto Daisy." Anya. Tumingin ito sa kanya. "Dahil may kasama tayong clown dito sa kuwarto." Tinutukoy niya ang kaibigan na si Maggie at sinabayan niya ng mahinang tawa.

Bumangon sa kama si Maggie at naupo sa tabi ni Daisy.

"Do you have a friend?" tanong nito sa dalaga sabay subo ng junkfoods.

"Meron naman kaso busy sa study niya kaya 'di nakasama," sagot ni Daisy.

"Gusto mo?" alok ni Maggie dito ng kinakain.

"No thanks," tanggi nito. "Nice to meet you nga pala sa inyong dalawa, Alyssa at Maggie." Nakangiting turan ni Daisy at tinapunan sila ng tingin.

"Nice to meet you din Daisy!" Panabay nilang magkaibigan.

Related chapters

Latest chapter

DMCA.com Protection Status