Kabanata 4

NAG simula na din mag-ayos ng gamit sina Alyssa at Maggie habang nagku-kwentuhan silang tatlo.

May malaking kabinet na walang laman, doon nila nilagay ang mga damit nila at ilang gamit. Pareho silang may baon na pagkain pinagsama nilang tatlo iyon sa iisang bag. Nang matapos ang tatlo nag kanya - kanya na sila ng pwesto ng higa, dala ng pagod ay agad naman silang nakatulog.

DAY 1 SA MANSIYON.

"Alyssa....alyssa...! Napadilat ng mga mata si Alyssa. Ikinurap-kurap niya ang mga mata. Tinignan niya ang mga katabi sa kama mukhang tulog pa ang mga ito. Parang narinig niya na may tumatawag sa panganalan niya habang natutulog siya.

Bumangon siya sa kama at naupo. Parang hinihila pa ng antok ang mga mata niya. Bumaba siya ng kama at tinungo ang isang maliit na lamesa kung saan nakapatong ang bottled water nila, parang nanunuyo kasi ang lalamunan niya. Dumampot siya ng isa, binuksan ito at uminom ng tubig.

Pabalik na siya ng kama nang mapansin niya ang isang painting na nakasabit sa wall. Nilapitan ito ni Alyssa at inusisa.

"Wow, ang ganda!" Bulalas niya.

Isang malawak na karagatan ang nasa painting. May mga sirena na nakaupo sa malaking bato, ibat - ibang uri ng isda at halaman dagat. Pakiramdam ni Alyssa nabibighani siya sa nakikita, unti-unting nilalapit ng dalaga ang kanang kamay sa larawan at marahan na ipinikit ang mga mata.

Napasinghap si Alyssa nang may maramdaman na tila mga kamay na humila sa kanya papasok sa painting.

Iminulat ni Alyssa ang mga mata nang maramdaman na may malamig na hangin ang dumapo sa balat niya. Ngunit ganoon na lamang ang pagtataka niya ng sa pagmulat ng mga mata ay iba na ang nasa paligid niya. Nakaupo siya sa malaking bato na nasa pusod ng dagat at tanging liwanag ng buwan ang nagbibigay ilaw sa kapaligiran. Nag palinga-linga siya.

"Nasaan ba ako, anong lugar ba ito?tanong ni Alyssa sa sarili.

Akmang tatayo sana si Alyssa nang mapansin niyang may kakaiba sa mga binti niya, hindi niya agad iyon napansin dahil nakalubog ang kalahating katawan niya sa dagat. Sinubukan niyang e-angat ang mga binti.

"Oh my gosh! oh my gosh!" hintakot na bulalas ni Ayssa. Sa pag angat niya ng mga binti iba ang kanyang nakita. Isang mahabang buntot na nangingintab kapag tinatamaan ng liwanag ng buwan. "P-paanong nagyari ito?" naguguluhan na talaga siya paanong nag karoon siya ng buntot ng isda.

"Isa na ba siyang SIRENA?" Nananaginip na naman yata siya.

Nagulat si Alyssa nang biglang may humatak sa isang kamay niya, pumailalim sila sa dagat.

Isang  sirena ang nakita niyang may hawak sa kamay niya. At may iilan pa na sirena ang sumisisid sa ilalim ng dagat na tila nagpapaligsahan sa paglangoy.

Pinilit niyang mag pumiglas pero mahigpit ang hawak ng sirena sa kanya. Pumasok sila sa isang malaking kuweba, may narining siyang umiiyak pero wala siyang nakikita. Naramdaman niyang binitawan na siya ng sirena at lumangoy ito palayo sa kanya.

Nagtatakang nasundan ni Alyssa ng tingin ang papalayong sirena. Bakit kaya siya dinala nito sa loob ng kuweba?

Kinabahan siya nang maisip na baka ipapakain siya sa isang malaking uri ng isda o kaya sa isang malaking pugita. Kaya siguro may narinig siyang umiiyak kanina kasi nilalapa na siguro iyon ng halimaw sa dagat. Kinilabutan siya sa mga tumatakbo sa kanyang isipan.

"Anong gagawin ko dito?" tanong niya sa sarili. Pinakiramdaman niya ang paligid, mukha naman safe at walang halimaw gaya ng naiisip niya.

"Hu!hu!hu!hu!" Narinig na naman niya ang iyak at tila boses ito ng isang babae.

"Hello, may tao ba dito?!" tanong niya sa malakas na boses pero walang sagot. Mali yata ang pagkakasabi niya dapat siguro taong isda? "May taong isda ba dito?"

Gumapang siya sa mga malalaking bato. Ngayon napatunayan niya na hindi pala biro maging isang sirena. May nakita siya nakatalikod ito sa kanya, base sa histura nito isa itong babae, kulot ang mahaba nitong buhok.

Narinig na naman niyang umiyak ang babae. Nakaupo ito sa isang malaki at malapad na bato sa paligid nito ay mga nag gagandahang mga halamang dagat

Gumapang na nilapitan ni Alyssa ang nakatalikod na babaeng umiiyak.

"Miss, bakit ka umiiyak?" tanong ni Alyssa sa babae.

Tumigil ang babae sa pag-iyak ng marinig nito ang boses niya. Pero hindi pa din ito humaharap sa kanya.

"Alyssa..." Tawag nito sa pangalan niya. Nagtaka siya bakit alam ng babae ang pangalan niya.

"Kilala mo ako?" naguguluhan na tanong niya dito. Marahang itong tumango.

"Umalis na kayo sa mansyon," sabi ng babae hindi pa din ito humaharap sa kanya. "Umalis na kayo sa mansiyon bago pa mahuli ang lahat, kung ayaw mo na tuluyan na matulad sa amin na mga biktima niya." Mahabang sabi nito, muli na naman itong umiyak.

"Hindi kita maintindihan miss, sino ba ang tinutukoy mo?" Tanong niya sa umiiyak na babae.

Bigla itong humarap sa kanya at bigla siyang hinawakan sa mga balikat.Sa gulat ni Alyssa napapikit siya ng mga mata.Hindi niya nagawang pag masdan ang mukha nito.

"Umalis na kayo!" Malakas na sigaw nito.

"HOY!" Marahan na tinapik ni Maggie sa balikat si Alyssa.

Nagising si Maggie dahil sa tunog ng alarm clock ng cellphone niya. Kanina pa niya nakikita na nakatayo sa tapat ng painting ang kaibigan kaya nilapitan na niya ito. "Anong ginagawa mo? kanina pa kita pinagmamasdan,"

"Ha?" gulat na sambit ni Alyssa. Sa pag dilat niya ng mga mata nasa loob na ulit siya ng kwarto.

Natatawang niyakap ni Maggie ang kaibigan mula sa likuran nito.

"Ngayon ko lang nalaman na nag e sleep walking ka pala girl," natatawang biro ni Maggie sa kaibigan. Bumitiw si Maggie sa pagkakayakap dito at humarap sa kaibigan. "Anong napanaginipan mo?"

Naihilamos ni Alyssa ang mga kamay sa kanyang mukha. Nalilitong tumingin siya sa mga mata ng kaibigan.

"Hindi ko alam kung panaginip ang nangyari girl," simula ni Alyssa. Bakas sa mukha ng dalaga ang pagkalito. Naglakad siya pabalik sa kama at naupo sa gilid. Sumunod naman sa kanya si Maggie.

"Anong ibig mo sabihin?" tanong ni Maggie.

Itinuro ni Alyssa ang painting na nasa dingding. Sinundan naman ito ng tingin ni Maggie.