Chapter 6

NANG MAISARA NIYA ang pinto ay kaagad siyang nanakbo patungong restroom at pumasok sa isang cubicle na naroon. Sinara niya ang cover at saka naupo roon.

"Bakit kailangan pa niyang sabihin yun eh alam naman naming hindi niya yun talaga gagawin sa akin! Alam kong hindi naman talaga niya ako hinabol man lang! Ahhhh!" sigaw niya at saka bumuhos na ang mga luhang kanina pa niya pinipigilan.

Hindi na niya mapigilang hindi mapangawa at hikbi ng malakas. Magkakahalong emosyon na naman ang nararamdaman niya ngayon.

Bakit kailangan pa rin ni Silver magsinungaling sa kanya para lang masabing may ginawa ito para sa kanya? Hindi rin naman nun maiibsan ang mga sakit na dinulot pa rin sa kanya ng binata.

"Hindi ko siya mapapatawad!"

Halos nanggagalaiti niyang saad pa habang pilit na pinupunasan ang mga luhang kumakawala sa mga mata niya.

Makalipas ng ilang minuto ay napakalma na rin niya ang sarili niya. Pinunasan niyang mabuti ang mata at mukha niya. Bakas pa ang pamumula ng mata at ilong niya pero sinusubukan niyang mawala na ito.

Lumabas na siya ng banyo at halos mapaatras siya sa nakita. Ang boss niyang si Benjamin na tila nakaabang sa kanya sa may cubicle niya.

"Oh? You're here!" tila naiilang niyang komento rito.

"And good morning to you too. Ayos na ba ang tiyan mo? Parang narinig kitang napasigaw?" tila pagaalala naman nito.

"Ah, oo. Okay naman na. Kaya ko na." mapait na ngiti naman niya rito at saka pumasok siya sa cubicle niya.

"Nabalik na ba ni attorney ang kontrata?" tanong naman din ni Benjamin.

"Ahm, hindi pa nga eh. Pero i-follow up ko na sa kanya ngayon." pagngiti niya pa ulit rito at saka kinuha ang phone na nasa mesa niya.

Pumasok na si Benjamin sa opisina nito at iniwan na siya roon. Tinawagan niya ang company attorney at sinabi nitong ipadadala na ang kontrata nila ngayong araw.

Panay buntong hininga pa rin siya dahil hindi niya malaman kung papaano pa haharap kay Silver. Tama lang din sigurong alam nitong wala na sila dapat pang pagusapan.

Ilang sandali pa ay narinig niyang bumukas ang pintuan ng opisina ni Benjamin kaya napahinto siya sa ginagawa niyang quotations.

"I apologise for this inconvenience, Silver."

"No, Ben. I apologise. I came early because I thought the contract is already done. I thought I could wait for it today but I have an urgent meeting."

"I understand, Silver. I'll give you updates about it."

"Sure. Thank you."

At nagmamadaling naglalakad si Silver patungong elevator. Napansin niyang nakatayo lamang si Benjamin sa gilid niya at minamasdan ang pagalis ni Silver.

Napalingon si Benjamin sa kanya na tila nakapagpabalik ng wisyo niya.

"I'm sorry, I should have followed it up last night if I only knew he needs it to be signed --"

"No, no Evz. Nothing's your fault. I never really expected him to be this early too. He called me earlier and I never thought he will come early at this time."

"Hmm right. I was really surprised too."

"May emergency meeting daw siya eh, hindi na niya maiintay yung kontrata. Sabihan na lang daw natin siya kung narito na."

Napatungo-tungo nalang si Evie at tikom ng bibig niya.

"Sure."

Hapon na ng dumating sa opisina nila ang kontrata. Naibigay na ito ni Evie kay Benjamin para ma-review.

(Evz? Kindly call Mr. Alessandro, ready na ang kontrata at kung free siya bukas, we can do the signing. Thanks)

Saad naman ni Benjamin mula sa intercom nila.

"Copy Sir."

At saka siya napabuntong hinga.

Shit! I have to call him!

Ah tama! Yung sekretarya na lamang niya ang tatawagan ko.

Dinial niya ang number ni Matt, ang sekretarya ni Silver ngunit hindi ito sumasagot. Pagkailang beses niya itong tinatawagan ngunit hindi pa rin sumasagot. Tinext niya ito ngunit alam niyang hindi sapat ito sa work protocol nila. Importanteng work details ito at kung text lang ay baka hindi mabigyang pansin. Kailangan niyang makausap sana ito mismo.

Napapaisip si Evie kung papaano pa kaya ang gagawin niya, ang totoo, alam niya ang contact details ni Silver mula sa direct email at business number nito dahil na-forward rin sa kanya ng boss niya.

Chineck niya ang emails nila at naroon sa baba ng bawat email nito ang contacts niya. There are no excuses of not contacting him.

Nanginginig man na tina-type ang number ni Silver ay wala rin naman siyang choice. Kung hindi lang din naman trabaho niya ito, hindi niya ito kailangang gawin pa.

Dahan-dahan niya pang tinatapat sa kaliwang tainga niya ang phonw niya at nakaramdam siya ng matinding kaba ng mag-ring na ito. Panay siya buntong hininga sa tuwing matatapos ang ring nito. Tila habang tumatagal ang pagsagot ni Silver ay mas lalo siyang kinakabahan.

Ngunit natapos ang calls niya na hindi nasagot ni Silver ang tawag.

Oh, thank God!

Kaagad niyang inilapag ang phone niya at pinapakalma ang sarili sa takot at kabang naramdaman. Tatawagan na lang siguro niya ulit ito mamaya.

NAGPATULOY si Evie sa kanyang gawaing trabaho, nagkaroon din si Benjamin ng meeting sa kanyang mga agents at product specialist tungkol sa protocols nila. Nang matapos iyon ay kaagad siyang nilapitan ni Benjamin sa cubicle niya.

"Hey, gorg! Have you call Silver?" magiliw namang pagbati nito sabay sandal sa cubicle niya.

Tila nakaramdam na naman siya ng kaba at panlalamig ng kamay at paa.

Dahan-dahan namang nilingon ang boss niya sa gawing kaliwa niya. Nakita niyang salubong ang kilay nito habang nakatutok sa phone.

"Ahm, I'll call him again. Hindi kasi sumasagot pati yung sekretarya niya eh." saad naman niya rito.

"Ah, sige. Siya mismo ang tawagan mo ah." hindi naman ito lumingon kay Evie dahil tila may ka-text.

"Of course, I will." napansin naman ni Evie na tila sumisimangot ang boss. "Nagdudugtong na yang kilay mo. May problema ba?"

"Ahm.. Hindi naman. Si Sofie kasi eh."

Napairap naman si Evie at pinaikot na ang swivel chair patapat kay Benjamin.

"Why so?"

"Galit na galit kasi hindi ko na-replyan yan. Nasa meeting kaya ako."

"Does she even know?"

Napatingin naman si Benjamin kay Evie na tila may napagtanto.

"No. But I'm explaining it to her."

"Then it's your fault."

"Ganun?" nagkibit balikat naman si Benjamin.

"Hindi pa yata kayo nagdi-date ulit noh?"

Tila napaisip si Benjamin. "Parang ganun na nga."

"Bakit hindi mo ayain ng dinner ngayon? Baka nagiinarte lang." pangaasar pa ni Evie.

"Eh may --" napapakamot naman ng ulo niya si Benjamin. Kilala ni Evie ito kapag may ayaw gawin, hindi makatingin ng diretso at napapakamot muna ng ulo.

"Hmm? Baka naman pinaaasa mo yan?" pinagikutan naman ni Evie ito ng braso sa harapan niya.

"Hindi naman din sa ganun."

"Bakit hindi mo diretsuhin kung ayaw mo naman talaga sa kanya, kaysa ganyang iniiwasan mo na lang bigla! Hindi maganda yang ganyan." saad naman ni Evie rito.

Napatingin naman si Benjamin sa kanya na tila nagi-guilty.

"Kayo talagang mga lalaki, naturingang may dalawang bayag, pero hindi magamit."

Biglang humagalpak naman si Benjamin ng tawa.

"Hahaha! Ano?!"

Natatawa na rin tuloy si Evie ngunit pinipigilan niya.

"Para kasi kayong walang mga bayag kapag hindi makaamin ng totoo! Ano naman akala niyo sa aming mga babae? Hindi makakaintindi? Kung ayaw niyo na, sabihin niyo lang! Hindi kami mga manghuhula!" tila panenermon nito sa boss.

"Hahaha! Bakit ba nagagalit ka sa akin dyan?"

"Ewan ko sayo Benjamin!" sabay talikod nito sa boss at balik sa pagharap sa desktop niya.

"May mga tatapusin pa kasi ako, hindi ko pinagawa sayo kasi matatambakan ka na naman. Kapag natapos ko kaagad, sasabihan ko siya mamaya."

"Whatever! Paasa ka talaga!"

"Uy hindi ah!"

Sinenyasan naman ni Evie ang boss ng umalis na ngunit hindi man lang nililingon.

"Saka may bayag ako ah, dalawa pa!"

"Liliit na yan!" pagbabanta pa ni Evie na kinatawa muli ng boss niya bago man lang siya iwan.

Maya-maya pa ay nag-ring naman ang phone niya at inabot niya ito.

"Hello, good afternoon!" pormal niyang bati.

(Goo -- good afternoon. I missed your call, may I know who this is?)

Tila nagtaka naman si Evie kaya napasulyap siya sa phone. Unregistered number kaya napataas naman siya ng kilay.

Ako daw ang tumawag?

Nanlaki ang mga mata niya ng may mapagtanto. Napatakip siya ng bibig at minasdan lang ang phone niya. Nakaramdam na naman siya ng kaba at pagkabigla.

(Hello? Are you still there?)

Narinig niyang saad ng kausap kaya kaagad na binalik niya ang wisyo niya. Napaismid na muna siya bago magsalita.

"Ah, ye -- yes. Sorry. This is -- this is Evie of Yu Solar Panels. Mr. Benjamin Yu said the contract is ready to be signed tomorrow. Was it fine with you?" pormal niyang saad sa kausap.

Tila natigilan naman ang kausap niya dahil paghinga lang ang naririnig niya mula rito.

"Ahm, Sir?"

(Ah, yes! Sure.)

"Okay Sir, thank you."

(Wait, Evie!)

Tila pagpigil nito sa kanya na ibaba na ang phone.

"Are there any more concerns about the contract, Sir?" pormal pa rin nitong pakikipagusap.

(Is this your number?)

Si Evie naman ang tila natigilan. Napalunok naman siya muna bago nakasagot.

"Just my business contact."

(I'll save this.)

"Suit yourself. Bye."

(Wait --)

Ngunit pinatay na ni Evie ang tawag.

"Woah!" napabuntong hininga siya ng malakas at napahawak sa dibdib na hindi niya mapigilang kumabog ng malakas.

Pambihira! Si Silver na pala yun!

MAGKAHALONG saya at lungkot naman ang naramdaman ni Silver ng hindi niya inaasahang makausap si Evie. Hindi niya akalaing ito ang unang tumawag sa kanya kahit pa business matters lamang iyon. Sa isip-isip niya ay sa wakas mayroon na siyang direct contact dito maliban sa email address nito na related pa rin sa trabaho.

Hindi niya napigilang hindi mapangiti kahit pa mapait lang. Sa nangyari sa kanila kanina ay kompirmado niyang galit pa rin ito sa kanya dahil sa nangyari. Hindi niya malaman kung kailangan pa ba niya talagang makausap ito pero sa huli ay ito pa rin ang ginawa niya.

Nakakaramdam siya ng kaunting saya sa puso niya sa tuwing nakikita o nakakausap niya ang dating nobya. Kung siguro ay mas pinahalagahan niya ito, baka mas masaya na sila ngayon.

Kinabukasan ay naghanda na si Evie at Benjamin para sa contract signing ng kompanya para sa S.A Constructions. Before lunch ang usapan at saktong 10am ay nakarating na rin sa opisina ang team nila Silver.

Magkaharapan sina Silver at Benjamin habang nakaupo sa conference table. Nasa tabi nila ang kani-kanilang lawyers na magpapatunay sa at magtatago ng kontrata nila.

Matapos ang pirmahan nila ay tumayo na sila at inabot kaagad ni Benjamin ang kanang kamay kay Silver.

"Thank you, Mr. Silver for trusting Yu Solar Panels. Makakaasa kayo sa maganda naming produkto at serbisyo." magiliw namang saad ni Benjamin pagkaabot ni Silver ng kamay din nito sa kanya.

"Thank you too, Mr. Benjamin. Aasahan namin yan."

So, it's settled, official ng kliyente nila si Silver. At tila simula na rin ang stress na naman ni Evie patungkol rito.

"So, let's celebrate! Let's have our lunch outside!" pagaaya naman ni Benjamin sa mga ito.

"Sure."

Habang nagaayos din si Evie ng mga papeles na dala dahil kailangan niya rin maitago ang kopya niya ng kontrata.

"Evz? Join us!" nakangiting saad pa ni Benjamin sa sekretarya.

Napatulala si Evie at tila napanganga.

"Ah.. Sure Sir." alam niyang hindi papayag si Benjamin na hindi siya kasama kaya pumayag na lang din kaagad siya.

Saglit siyang napalingon kay Silver na nakatingin na rin pala sa kanya kung kaya't kaagad naman siya umiwas.

Si Evie ang nagmaneho ng sasakyan ni Benjamin na BMW. Katabi naman niya ang boss sa passenger's seat. Nasa likuran nila sina Fe at Atty. Davion. Samantalang nasa bukod na kotse ang mga engineers nilang sina Gio at Kyle.

Kasunod ng sasakyan nila ang Rover ni Silver at isa pang sasakyan kung saan doon din nakasakay ang mga engineers niya.

Nagpunta sila sa S Maison mall sa likod ng MOA at doon na lamang maghahanap kung saan sila kakain.

"Do you have any prefer foods to eat, Silver?" tanong naman ni Benjamin habang silang dalawa ang sabay na nangungunang maglakad. Kasunod naman nila ang mga sekretarya nila at mga lawyers.

"None. Anything you want. How about you?" tugon naman din ni Silver kay Benjamin.

Napaisip si Benjamin at saka pumaling ng tingin kay Evie habang naglalakad pa rin sila. Napatingin naman din si Evie sa kanya.

"Do you have any suggestions where can we eat here?"

Tila napaisip rin si Evie.

"Ahm, I know where."

Nanguna naman si Evie sa paglalakad at sinundan naman siya ng lahat.

"Good afrernoon Ma’am. Table for how many?" bati ng receptionist nang makalapit si Evie sa podium nito.

"Do you have a private table for 12?"

"Yes Ma’am."

"I'll take that."

Sandali pa ay sumenyas na si Evie kay Benjamin na okay na ang table nila kaya lumapit na sa kanya ang mga ito.

Ni-lead naman na sila ng receptionist sa kanilang table.

Napansin na naman ni Silver na pinaghila ni Benjamin si Evie ng silya. Pero hindi niya ito katabi kundi ang lawyer nito. Hindi niya maiwasang magduda rin sa kinikilos ng dalawa sa isa't isa.

"This place is nice."

"Chinese cuisines here are great. Must try their house specialty, the Shao Long Bao." Evie said.

Nag-order sila na good for larger pax. Nag-order din sila ng ilang pang mga putahe na personal nilang gusto.

"Evz? Okay ba 'tong beef brisket, o etong chicken lauriat?" tanong pa ni Benjamin habang hawak ang menu.

"Beef brisket is better for me." sagot naman ni Evie sa boss.

"Alright, I'll take it."

"Eh ito Miss Evie? Anong mas masarap na tea?" pagturo rin ni Atty. Davion na mas malapit sa tabi ni Evie.

Napalingon naman si Evie sa hawak nitong menu.

"Camomile suits you. Madalas ka nagkaka-migrane di ba?"

"Ah, naalala mo pa ah?" natuwa naman ang attorney na katabi. Nasa middle 30s palang din naman ito.

"Of course." sabay ngiti pa ni Evie sa kanya.

Nang dumating na ang mga orders nila ay nagsimula na rin silang kumain.

Napansin ni Silver na inaabutan ni Evie si Benjamin ng mga pagkain at naglalagay naman ito sa plato niya. Napasalubong naman siya ng makakapal niyang kilay at umiiwas ng tingin sa mga ito.

"Sir, pansit?" pagabot naman din ni Matt ng platter ng pansit.

Inabot naman din yun ni Silver at naglagay sa plato niya.

Nagpatuloy sila sa pagkain at paguusap patungkol pa rin sa project nila. Pagpasok ng bagong taon, kaagad na nila sisimulan ito.

"Ah, Miss Evie oh? Shao Long Bao?" biglang alok ng isa sa mga engineer ni Silver.

Halos sabay napatingin sina Benjamin at Silver sa kanila ngunit hindi nagpahalata ang mga ito.

"Ah, thanks. Mamaya na lang."

"Eh itong chicken, Miss Evie oh." abot din ng isa pang engineer na nasa tapat rin nito.

"Sure, later." pagngiti pa ni Evie rito.

Sinisiko naman ni Fe si Evie dahil mukhang type ng mga ito si Evie.

Napalingon naman si Evie kay Benjamin na mukhang seryoso ang tingin sa kanya ngunit nang magtama ang mga mata nila ay umiwas naman ito sa kanya.

Aalisan na rin sana ito ni Evie ng tingin ngunit akmang ibabalik na niya ang tingin sa kinakain ay nakita niyang gayun din ang reaksyon ng mukha ni Silver na nakatingin sa kanya. Umiwas din ito ng tingin sa kanya at uminom sa baso niya.

Pinagtakahan naman ni Evie ang mga tingin at reaksyon ng mga ito ngunit pinagsawalang bahala na niya.

MATAPOS ng lunch out nila ay nauna ng umalis ang team nila Benjamin. Naiwan naman sa may parking ang team ni Silver dahil nagbibigay pa siya ng instructions sa mga ito.

"Sure Sir. Update ka po namin kaagad."

"Okay sige."

"Uy, sige naman na Matt. Pahingi nung number ni Miss Evie."

Rinig ni Silver na bulong ng isa sa mga site engineer niya.

"Loko! Bakit?"

"Sige na!" pagpupumilit nito sa sekretarya ni Silver.

"That's not upon our business. Please take this seriously kung ayaw niyong palitan ko kaagad kayo! " seryosong saad naman ni Silver sa mga empleyado niya at sumakay na siya ng kotse niya.

"Yan kasi! Puro kayo kalokohan!" sumunod naman si Matt sa pagsakay sa kotse ng boss niya.

Pilit mang itago ay halata pa rin ang biglang paginit ng ulo ni Silver. Kung kay Benjamin ay medyo napipigilan pa niya ang sarili, ngunit kapag sa ibang tao ay labis kaagad siyang naiinis.

Hindi niya nagustuhan ang tila pagdiskarte kay Evie ng sarili niya mismong empleyado. Hindi niya mawari kung selos ba ito o kung ano pa man. Mabuti na lamang din ay hindi ito pinapansin ng dalaga kahit pa napapansin niya rin kanina ang paglapit-lapit ng mga ito kay Evie.

Nang makabalik ng opisina sina Evie at Benjamin, bumalik na rin muna sila sa kanya-kanya nilang trabaho.

(Miss Evie?)

Pagtawag sa linya niya ng intercom.

"Yes?"

(Vintage ang theme natin sa Christmas party.)

"Wut?! Di ba hirap humanap costume nyan?!" pagreklamo naman niya na parang hindi makapaniwala.

(Eh yun daw para maiba naman.)

"Pwede namang hawaiian, hiphop, bohemian or even fairytale! Bakit vintage pa talaga?" natatawa pa niyang saad.

(Hahaha! Yun napagkasunduan nila Miss Evie eh. Approved na daw ni director.)

"Wut?! Why I didn't know about this?!"

'Langyang Benjamin toh, hindi man lang ako in-inform!

(Hahaha I don't know, Miss Evie. Oh, sya sige. 1k ulit exchange gift natin. Bukas kukunin ko wishlist niyo para makapagbunutan na tayo.)

"Okay sige."

(Pakitanong na lang din yung kay director ah? Salamat! Bye!)

Napailing-iling naman si Evie na natatawa. Ano na naman kaya ang magiging itsura niya sa costume niya?

Noong unang taon niya sa kompanya ay Villains ang theme, nung sumunod na taon ay Vampires naman, at parehong nanalo siya ng best in costume sa magkasunod na taon na iyon kaya paniguradong aabangan ng lahat ang costume niya ngayon. Pressure naman ito sa kanya ngayon.

*Tok.. Tok...

At binuksan naman na ni Evie ang pinto ng opisina ni Benjamin. Dinungaw niya ang ulo niya at nasilip niyang nakaupo ito sa swivel chair ngunit nakatalikod. Mukhang may kausap sa phone.

Pumasok na siya at lumapit rito, inilapag na niya ang mga papel na hawak upang mapapirmahan sa boss.

"Ahh, okay. Bye." tila mabilis nitong pagtapos sa usapan. Umikot na si Benjamin paharap kay Evie at aware siyang narito ito. "Hey!"

"Aprubado mo na pala yung theme sa Christmas party? Ang daya, hindi mo man lang ako tinanong!" pagtatampo naman nito sa boss, pinaikot pa niya ang dalawang braso sa harapan at natawa naman ng kaunti si Benjamin dahil sa sinabi niya.

"Ayoko nga! Kapag nalaman mo kaagad, baka mag-suggest o magpumilit ka pa ng theme na madali mong makuhanan ng costume." tila pangaasar pa nito habang binabasa-basa ang mga papel sa harapan ng mesa niya.

"Ayt! Grabe siya!"

"Maganda yung surprise at challenging." nakangiti pa rin ito sa sekretarya na sinusungitan naman siya.

"Fine! Vintage na!"

Napahinto naman si Benjamin sa ginagawa at napatingin kay Evie.

"Ikaw na rin bahala sa costume ko ah?" pagngiti pa nito ng malapad at taas baba ng dalawang kilay.

"Ayoko nga rin! Dun ka kay Sofie mo magpahanap ng costume mo noh!" at si Evie naman ang nangasar rito. Nagpipigil pa siya ng tawa niya.

"Ayt! Ayoko nga! Baka gawin pa kong bakla nun!"

"Woo! Oh ano? Okay na ba kayo?"

"Okay naman na." patungo-tungo pa ni Benjamin.

"Hmm? Bakit parang hindi ka masaya? Nako, tumatanda ka na Benjamin! Magseryoso ka na sa babae! Paano ka makakahanap ng matinong babae kung ikaw mismo ayaw magpakatino?!" panenermon na naman nito sa boss niya.

Napangiti na lang din ito sa kanya na tila may naalala.

"Oh? Ngisi-ngisi mo dyan? Sinabi ko na sayo noon pa, kapag hindi ka sigurado sa babae, leave them alone!" pag-irap pa nito sa boss niya.

Hindi naman womaniser o playboy si Benjamin, kapag may girlfriend ito o dini-date, doon lamang siya nakikipagusap at nakikipag-date. Never siyang nagloko o may pinagsabay sa karelasyon. Yun nga lang, mukhang hindi pa talaga siya ready na seryosohin o mapunta sa next level ang relasyon niya. Parang may hinahanap siyang katangian ng babae na kapag hindi niya makita, nawawalan na siya ng gana. Nakikipaghiwalay na siya o hinahayaan niyang hiwalayan na lang siya ng mga ito.

"Masama paglaruan ang feelings ng tao. Sige ka, digital na ang karma ngayon."

"Ang dami mong alam noh? Parang may boyfriend ka?" sarkastiko ngunit pangaasar pa nito sa sekretarya.

Sinimangutan naman siya ni Evie.

"Wala nga, but I've been into relationships. And I know why it fails."

"Why?"

"Walang bayag ang mga lalaki!"

At natawa na naman si Benjamin sa mga words of wisdom ni Evie.

"Hahaha! Meron kaya! Dalawa pa!"

"Pero hindi alam kung saan at kung kailan dapat gamitin!" pagtataray pa rin ni Evie.

"Aside sa hand o oral style? Saan pa ba dapat?" nagpipigil na tawa pa ni Benjamin.

Halos hindi naman makapaniwala si Evie sa sinabi nito. Tila naasiwa siya. "Kita mo na? Aside sa kalaswaan, wala kang alam!"

At tumawa na lamang ulit si Benjamin dahil naaasar niya si Evie.

"Ah basta! Kung ako sayo, huwag na huwag kang pumasok sa relasyong hindi mo kayang panindigan!"

"Kaya ko naman manindigan. Sa tamang panahon lang din siguro." kalmadong saad naman na ni Benjamin sabay ngiti kay Evie.

Napatulala naman saglit si Evie sa boss niya na tila hindi niya maunawaan ang sinabi nito. Parang laman ang bawat salita nito sa kanya.

"Diyan ka na nga! Landi mo!" sabay alis na ni Evie sa opisina ng boss.

Napapailing na lamang habang natatawa pa rin si Benjamin bago bumalik sa gawain.