Chapter One: Jaxon Azrael

Stella

"AYOKONG ikasal, Stella," mahinang sambit ng Ate habang inaayos ko ang wedding gown niya. Pinatigil ako sa ginagawa ko at malakas na bumuntong hininga. Nang tingnan ko siya ay parang maiiyak ito at gusto ng tumakas sa mahalagang araw ngayon. 

"Pero Ate, kailangan na kailangan natin ng malaking share ng kumpanya ngayon. Malapit na tayong malubog sa utang. Bakit ngayon ka pa aatras?" Naguguluhan tanong ko pero imbis na sagutin niya ako ay nagulat ako sa sunod na ginawa niya. Bigla na lamang siyang napahawak sa tiyan niya at humagulgol ng iyak. 

"Ate," pagtawag ko dahil nag-aalala na ako sa kinikilos niya. "Masakit ba ang tiyan mo?" Pagtatanong kong muli pero umiling siya at inangat ang mukha niya dahilan para magtama ang mata naming dalawa.

"Stella, buntis ako." Pag-amin niya at parang bombang sumabog sa pandinig ko ang sinabi niya. Napailing na lamang ako at mahinang natawa. Bakit ngayon pa mismo? Bakit sa mismong kasal pa nila ng nag-iisang anak ng mga Buenaventura.

Napailing na lamang ako at mahinang natawa. Bakit ngayon pa mismo? Bakit sa mismong kasal pa nila ng nag-iisang anak ng mga Buenaventura.

Paano na ang kumpaniya namin? Alam kong lubog na kami sa utang dahil sa pagkakalulong sa bisyo ni Papa pero bakit ngayon pa kung kailanga na kailangan na namin siya?

Alangan naman ako ang papalit? Paano na ang modeling career ko? Ang tagal ko ng pinangarap na matupad ang isa sa mga pangarap tapos bigla na lang maglalaho na parang isang bula kapag ako ang ipinalit.

"Ate, bakit ngayon mo lang sinabi? Anong gagawin natin?" Natataranta na ako dahil naririnig ko na ang boses ng mga magulang namin na papasok sa kwarto. 

Kaya ang ginawa ni Ate ay hinubad niya ang wedding veil niya at isinuot sa akin. At dahil sa ginawa niyang 'yon ay nanlamig naman ako dahil alam ko ang ipinapahiwatig niya. 

"Stella, nagmamakaawa ako. Ikaw na lang ang pag-asa ko. Kahit ngayon lang, please…" Pagmamakaawa niya at lumuhod sa harapan ko at sa puntong 'yon bumukas ang pinto ng kuwarto at naabutan kami sa ganoong sitwasyon ng mga magulang namin. 

"Ariela! What is happening? Bakit kayo nag-iiyakan ng kapatid mo?" Bakas sa boses ni Mama ang pag-aalala at pagkabahala sa nakita. Habang ang Papa naman ay seryoso lamang ang hitsura at naghihintay sa susunod na mangyayari.

Habang ako naman ay malakas na binaklas ang pagkakahawak niya sa kamay ko at umiling ng marahas.

"Ayoko! Hindi ko gagawin ang gusto mo! Ayoko, ayokong pumalit sa'yo." Nanghihina kong saad at napaupo sa kama. 

Dahil sa sinabi kong 'yon ay nagulat ang Papa at marahas akong hinawakan sa braso para patayuin at magpaliwanag.

"Anong pinagsasabi mo, Stella? Anong ikaw ang papalit?" Bakas sa boses ni Papa ang iritasyon dahil sa narinig niya. 

Ako naman ay nakatitig sa kaniya at tinatantiya ang magiging reaksyon niya sa oras na marinig niya ang sikreto ni Ate. Napatingin kaming lahat sa kapatid ko na ngayon ay mas lalong lumakas ang paghagulgol kaya pinapakalma siya ni Mama.

"Buntis po ako," pag-amin niya at kitang-kita ko ang galit sa mukha ni Papa at hindi sinasadyang masampal si Ate ng pagkalakas-lakas. Lahat kami ay napasigaw at hinawakan ko na si Papa sa braso dahil muli niyang susugurin ang Ate. 

"Isang malaking kahihiyan ang ginawa mo sa pamilya natin, Ariela! Ikaw ang panganay pero bakit ganito ang ginawa mo?!" Galit na saad ng Papa at napahawak sa noo niya.

"Pa, ayokong gawin ang pinapagawa niyo! Nandyan naman si Stella para pumalit sa akin, ayokong ikasal!" Pagsagot niya kaya marahas naman akong napailing.

"Stella, anak. Malapit ng magsimula ang kasal. Pakiusap gawin mo ito para sa pamilya at kumpanya natin. Ayaw mo naman sigurong mawala bigla ang career mo, 'diba?" Nakangiti ngunit mariing pagtatanong ni Papa sa bandang huli kaya hindi ko na maiwasang ang umiyak. 

Miski si Mama ay umiiyak na rin dahil sa kaguluhang nagaganap ngayon. Alam kong tutol ako pero pinagbantaan ako ni Papa kaya wala siyang magawa para pigilan ito. Hindi ko alam pero nagkaroon ako ng sama ng loob dahil ako na lang lagi ang magsasakripisyo para sa pamilya ko. 

Gusto ko tuloy itanong sa kanila kung pinanganak ba nila ako para magsakripisyo at hindi gawin ang gusto kong gawin sa buhay. Pero ayoko naman dahil anak lang nila ako at sila pa rin ang magulang ko. Siguro, mahabang pasensya lang talaga ang kailangan ko para maunawaan ko pa sila. 

"Stella." Muling pagtawag ng Papa kaya napatingin ako sa kanya at kay Ate na ngayon ay punong-puno ng pagmamakaawa ang mga mata niya. Kaya umiwas ako ng tingin at tumango na lamang.

I hate them. I hate you all.

Nang makita nila ang isinagot ko ay dali-dali nilang pinagpalit ng damit si Ate, habang ako naman ay pinipigilan ang sarili kong umiyak dahil sa sama ng loob. Kung hindi lang masisira ang career ko ay hindi ako papayag. 

"Salamat Stella. Isang taon, isang taon lang ang titiisin mo sa kasal na ito. Pagkatapos no'n ay makakalaya ka na," saad ng Mama at niyakap ako.

Dahil sa ginawa niyang 'yon ay hindi ko na mapigilan ang sarili kong humagulgol. Hinaplos naman ng Mama ang buhok ko at pilit akong inaalo dahil masisira raw ang make up ko. 

"Ma, natatakot ako. Paano kung hindi kami magkasundo ng lalaking 'yon?" Kinakabahan pagtatanong ko kaya ngumiti si Mama at hinaplos ang pisngi ko para pakalmahin ako. 

"Cassiopeia, kilala ko ang anak ng mag-asawang Buenaventura. Hindi ka pababayaan lalo't pribado naman ang kasalang magaganap ngayon," sagot niya dahilan para maguluhan ako. 

"What do you mean, Ma? Private ang kasal? Parang Arrange marriage?" Paninigurado ko kaya marahang tumango si Mama at ako naman ay napakagat-labi sa narinig.

Maganda naman ang ideyang naisip nila pero sa kabilang banda ay mahihirapan kami dahil magtatago kami sa mga media. Kilala ako bilang isang sikat na model sa bansa pero ang lalaking makakasama ko ay isa pang bilyonaryo na grabe ang pagiging pribado sa buhay kaya marami ang gustong alamin ang buhay na tinatamasa niya.

Pero nawala lahat ng alalahanin ko ng marinig ko ang mahinang pagkatok ng kung sino. Nang abangan ko kung sino ito ay isa pa lang wedding organizer na ngayon ay nakangiti na sa amin.

"Ma'am, hinihintay na po ang bride sa baba. Naiinip na po ang pamilyang Buenaventura," saad niya kaya napahigpit ang pagkakakapit ko kay Mama at muling tumingin sa kaniya. 

"Ma." Pagtawag ko kaya ngumiti siya at sinabayan na ako sa paglabas ng kwarto. 

Habang bumababa kami ay grabeng nerbiyos ang nararamdaman ko ngayong araw. Nang mapatingin ako sa disenyo ay tipid akong napangiti.

Garden wedding pala ang theme at natuwa ako dahil ito talaga ang pangarap kong wedding ceremony. Pero muling namuo ang luha ko dahil hindi naman ako sa lalaking mahal ako magpapakasal. 

Arrange marriage ito dahilan para maisalba lang ang kumpanya namin. Palihim akong lumanghap ng hangin para mabawasan ang bigat na nadarama ko. Isang taon, isang taon lang naman ang titiisin ko. Babalik ulit sa dati ang buhay mo, Stella.

"Anak nasa harapan na tayo ng mapapangasawa mo." Bulong ni Mama kaya nabigla ako at hindi mapigilan tumitig sa taong kaharap ko ngayon. 

Hindi ko maiwasang suminghap ng makita ko ang mukha niya. Those dark eyes that you want to stare forever, his perfect lips, everything about him is perfect. 

So, he is Jaxon Azrael Buenaventura? The handsome billionaire.