Share

Chapter Nine

"Allison, doon na lang kaya tayo maupo?" nakangiti kong sabi sa kanila habang bitbit namin ang mga tray ng pagkain. 

Itinuro ko gamit ng bibig ang bakanteng upuan malapit sa tabi nila Zack. Kailangan ko pang makahagilap ng impormasyon tungkol sa napag usapan nila kanina. 

"Sige," payag na sabi nila, palibhasa ay nakita nilang malapit lang 'yon kila Zack. 

Palihim akong ngumisi. Sa loob ko ay gusto ko nang magtatalon sa tuwa. Naunang umupo sila Abby kasama si Kio, sumunod naman ako kasama si Allison at Almira. 

Habang kumakain ay naka focus ang pandinig ko sa pinag-uusapan nila Atasha at Zack. Nakabaling naman ang mga mata ko sa mga kaibigan kong nag-uusap para hindi mahalata. 

"Yow!" Hindi ko maalala kung kaninong boses ang bigla na lang sumingit sa usapan nila Zack. 

"Hey, Seth! Zack will go." May halong excitement sa boses ni Atasha. 

"Alam ko namang hindi 'yan tatanggi lalo pa't kasama ka," sabi ni Seth. 

"Yeah, right." Sagot ni Atasha

So sya 'yung kahapon? 'Yung nakatama sa akin ng bola. Wait, may namamagitan ba kay Atasha at Zack? Ang sabi kasi sa info ay magkaibigan lang sila? 

Palihim akong tumingin sa gawi nila nang makahanap ng tiyempo dahil palagi akong pinapasang ayon ni Allison sa mga sinasabi nya. 

Halos tumalon ako sa upuan ko nang makitang nakatitig na agad sa akin ang brown na mga mata ni Zack. Nanlaki ang mata ko dahil hindi ko iyon inaasahan. Inilihis ko kaagad ang paningin ko at ibinalik ang atensyon kila Allison. 

"Oh? Anyari sa 'yo 'teh? Para kang tinakasan ng dugo," natatawang sabi ni Allison sa tabi ko. 

"Nakakita ako ng multo eh," nasabi ko na lang. 

"Ha? 'Di nga?" Naniwala si Almira sa sinabi ko. 

Napatampal na lang ako sa noo. 

Pero peste! Palihim na nga lang akong sumilip ng tingin ay nakita nya pa rin? Ano kaya ang iniisip nya ngayon? Hindi ko alam pero unti-unti akong tinablan ng hiya na dapat ay hindi ko naman sana nararamdaman. 

Natapos na rin kaming kumain ngunit hindi ko pa rin nalalaman kung saan sila pupunta. Wala na akong ibang choice kundi ang lagyan ng tracing device si Atasha. Habang nagkaklase ay humahanap ako ng tiyempo para kausapin si Atasha at palihim na ilagay sa kanya ang maliit na tracing device. 

"Atasha." Banggit ko sa pangalan nya. 

"‘Wag mo nga akong kausapin," mariin nyang sabi sa akin na may kasama pang sama ng tingin. 

Halatang iritado kaagad sya. 

"Okay, si Zack na lang ang kakausapin ko." Kaagad nya akong binalingan ng masamang tingin. 

"What is it?" Iritado nyang sambit. 

"Pwede mo bang ituro sa akin 'to? Hindi ko kasi magets eh." Kumamot ako kunwari sa ulo ko para mas effective ang pag arte ko. 

"God! You're so stupid." Napangiti ako nang lumapit sya sa upuan ko para ituro ang isang subject na hindi ko kuno makuha. 

Habang nagsasalita sya ay umupo naman ako ng tuwid at mariing hinawakan ang maliit na device. Ilalagay ko na sana sa kanyang likuran para idikit sa kanyang damit ay natigilan sa ere ang kamay ko dahil napatingin si Zack sa mata ko, sumunod ay sa kamay ko. 

Nanatiling inosente ang muka ko nang magpanggap akong pinunasan lang ang damit ni Atasha. 

"Madumi," sabi ko nang iritableng napatingin si Atasha sa ginawa ko. 

Ibinaba ko ang kamay ko. Napatingin akong muli kay Zack na ngayon ay nakakunot na ang noong nakatingin sa harap. Bakit parang ang lakas naman yata ng pakiramdam ng isang ito? Pansin ko ay lagi syang nakamasid sa lahat ng galaw at ginagawa ko. 

"Nakikinig ka ba?" Iritableng tanong ni Atasha. 

"Ah, oo! hehe sorry," wika ko at nagpeace sign. 

Inirapan nya lang ako at ipinagpatuloy ang paliwanag. Nang matapos sya ay ngumiti ako sa kanya ng malapad nagkunwaring sobra akong natuwa sa kanyang ginawa kaya niyakap ko sya at tinap ang likuran nya. 

Ngayon ay prente nang nakadikit ang tracing device ko sa kanyang likurang damit. 

"Sinabi ko bang yakapin mo ako?" Iritableng iritable ang muka nya. 

"Ay, bawal ba?" inosenteng tanong ko. 

Siguro naman ay hindi napansin ni Zack ang ginawa ko. Nang tignan ko naman sya ay ganon pa rin ang emosyon at hindi nagbago. Kunot noo pa rin syang nakatingin sa nagdidiscuss na prof sa harapan. 

Lumapad ang ngiti ko dahil tagumpay ang ginawa ko. 

Nang mag-uwian ay nagpaalam na kaagad ako sa tatlong slow na kaibigan ko. Bumenta naman ang  palusot ko dahil pinaniwalaan agad nila ako. Sinabi ko kasing dadalaw si Alfredo kaya hindi na muna ako makakasama sa kanila.

Tinignan ko ang phone ko na nakakonekta sa tracing device na inilagay ko sa likod ng damit ni Atasha. Nasa school pa sya. Sinulit ko ang pagkakataong iyon para makapag palit ng damit sa apartment. Sabi ko na nga ba't kakailanganin ko ang motor ko. 

Tinawagan ko si Alfredo na kapag dinalaw nya ako ay gamitin nya ang motor ko papunta sa apartment dahil kailangan ko iyon para sa misyon ko. Sinabi ko rin ang plano ngayon at nagpaalala syang mag iingat ako. Nagpresinta pa sya na sumama pero tumanggi ako dahil may trabaho rin syang inaasikaso ngayon. 

Nagsoot ako ng itim na v-neck shirt na pinatungan ko ng itim na leather jacket, ganoon din ang suot kong jeans at itim na rubber shoes. Itinali ko ang buhok ko at siniguradong walang takas na buhok. Nagsuot ako ng itim na ball cap at salamin. Pati ang pekeng mustache ay kinareer ko na. Maging totoong lalaki lang ako sa paningin ng lahat. 

Lumabas ako mula sa apartment nang handa. Tinignan ko ang phone ko, paalis na si Atasha sa university. 

Dali akong pumara ng taxi upang masundan si Atasha. Alam kong pupunta pa sya sa bahay nila para makapag palit ng damit. Ibig sabihin ay hindi ko na sya mate-trace kapag naka-uwi sya ng bahay nila. Kaya ko lang naman ginawa iyon ay para malaman ang bahay nila at para paglabas nya ay susundan ko na lang ang pupuntahan nila kahit hindi ko na kailanganin ang tracing device upang matunton kung saan sila. 

Huminto ang kotse nya sa isang kilalang Village at pumasok doon. Pinahinto ko ang taxi sa labas ng at naghintay sa muling paglabas nya. 

Ilang oras pa ay may dumaan din na kotse at pumasok sa Village kung saan pumasok ang kotse ni Atasha. Nanliit ang mata ko nang makilala ang itim na BMW. Sino kaya ang tarantadong driver noon? 

Tinignan ko ang phone ko at nakitang naka stay na lang ang tracing device sa isang tabi. Siguro ay nakapagpalit na ng damit si Atasha. Padilim na rin ay wala pang kotseng lumalabas. 

"Ser, dito na lang po ba tayo?" Tanong ni manong driver. 

"Teka po manong-" Nanlaki ang mata naming dalawa ni manong nang magboses babae ako kaya agad akong tumikhim upang panatilihing malaki at malalim ang boses ko. 

"Sandali na lang po iyon," sabi ko na tinanguan nya naman. 

Maya-maya pa'y may nakita na akong umilaw at palabas na kotse. Umupo ako ng tuwid at sinabihan si manong na maghanda na rin. 

Napansin kong isang kotse lang ang lumabas at iyon ang itim na BMW. Kumunot ang noo ko nang tumunog ang phone ko. 

How come? Nasa loob ng kotseng BMW ang tracing device na ginamit ko kay Atasha. Pero kanina lang ay steady na iyon at hindi na gumagalaw. Paano? Napakaliit noon at para lang isang langaw, imposibleng napansin nya iyon? 

"Manong, 'yung itim na kotse na lang ang sundan natin," utos ko rito. 

Hindi ko inaalis ang paningin sa itim na kotseng iyon. Maaring kaibigan sya o boyfriend ni Atasha. Hindi ko alam kung ano ang nangyari pero 'yun ang aalamin ko. 

Sakto lang ang patakbo ng kotse at may kutob akong alam ng driver na sumusunod ako. Hindi naman pwedeng mag iba kami ng daan dahil baka itapon na lang kung saan ang tracing device at hindi ko na sya matrace pa. 

Huminto ang kotse sa isang kilalang bar. The fvck? Dito talaga? Sabagay ay ano nga ba ang ginagawa ng mga kabataan ngayon? Kundi ang mag bar. 

Pinanatili ko ang malaking distansya ng taxi nang magparking ang itim na BMW. 

"Dito na lang po manong, salamat." Nagbigay ako ng pambayad at dinagdagan ko pa dahil sa abala. 

Lumabas ako ng taxi at pumamulsa sa isang banda. Hinintay kong lumabas ang taong nasa loob ng BMW. 

Ganoon na lang ang pagkalaglag ng panga ko nang makilala kung sino. Si Zack?! Sumunod na lumabas si Atasha. 

Kumunot ang noo ko. So sino sa kanilang dalawa ang may hawak ng tracing device? Kung si Zack ay malamang alam na kaagad nya kung ano ang pakay ko. Sa nakikita ko kasi ay hindi sya tatanga tanga. Malaki ang tsansa na mabisto nya kaagad ako. 

Sumunod ako sa loob matapos kong makipag negosasyon sa nagbabantay na bouncer sa labas. Hinanap ko kung saan naka-upo sila Zack, at ayun sapul. Nandoon na rin ang iba pa nilang kaibigan, pero si Seth lang ang tangin kilala ko. 

Cool akong naki table sa mga babaeng katabi ng table nila Zack.

Related chapters

Latest chapter

DMCA.com Protection Status