16

   Hindi nya na alam kung paano sya nakapasok sa kwarto nya pero alam nyang pagkatapak nya pa lang sa labas nang kwarto ni Aled ay tumulo na ang mga luha nya na kanina pa nagbabadyang bumuhos.

   Paano’ng ganoon ang nangyari? Ang akala nya ay okay na okay na sila nang asawa. Napapatawa nya na ito at napapa ngiti. Hindi na sya nito sinusungitan at hindi na rin ito nagsusuplado.

   Pero malayo pala sa katotohanan ang mga naramdaman nya. Sa bibig na mismo ni Aled nagmula na binigyan lamang sya nito nang pabor. Tila ayaw tumigil sa pagbuhos ang kanyang mga luha. Patuloy lamang iyon sa paglabas. Dalawang oras na syang umiiyak at namumugto na ang kanyang mga mata ngunit tila wala pa rin iyon balak na huminto.

   Kanina pa sya kinakatok nila Lisa at Aileen. Nagtatanong ang mga ito kung ano ang nangayri pero hindi sya sumasagot. Gusto nyang isipin nang mga ito na natutulog lamang sya