Chapter 23

Isang linggo ang nakalipas at madalang ko na lang din makita si Jairus. Maayos naman siya no'ng huli namin pagkikita. Natapos ang klasi namin sa maghapong ito pero hindi ko pa rin siya nakita. Pupuntahan ko ngayon si Teddy sa school nila, nagpatulong ako kay Gail kaya magkasama kami ngayon na naglalakad. 

Ilang kilomentro lang naman ang layo ng school nila Teedy kaya naglakad na lang kami.

"Masaya ako na naging maayos na rin tayo," sabi ko habang naglalakad kami.

"Ako rin, kumusta kayo ni Jairus?"

"Maayos lang naman pero madalang na lang kami nagkikita e."

"Bakit hindi mo siya tawagan o kaya i-text?"

Ginawa ko na ang sinabi ni Gail pero wala, walang reply at hindi siya sumasagot.

"Ikaw ba? Nakita mo na ba siya sa school?" tanong ko.

"Hindi, baka busy lang? Malapit na finals natin 'di ba?" Tumango ako sa sinabi niya.

Busy? Kahit weekend? Hindi ko talaga alam ang dahilan niya. Nahihiya rin kasi akong magtanong kay Mis