Chapter 5 (Bethy's realization)

Magha-hating gabi na nang hindi pa rin makatulog si Bethany habang tahimik na natutulog ang mga kasama nito sa kwarto ni Franchesca. Siya ay nagmumuni-muni sa kabila ng nangyaring alitan sapagkat napagtanto nito ang pangungutya at masasakit na salitang binitawan ni Xyra na tumusok sa kanyang dibdib na patungkol sa cyberbullying na kung saan kabilang ang kanyang nakakatandang kapatid na si Ken. 

Bumangon siya sa kama na noo'y magkatabing natutulog kasama si Franchesca habang sa kabilang kama naman ang kambal. Binuksan nito ang pinto habang dala nito ang laptop at ang naka-shut down niyang cellphone na noo'y hindi man lang nahawakan at ginamit sapagkat nagpokus na lamang ito sa thesis. Iniwanan nito ang kwarto habang mahimbing na natutulog ang kambal subalit naidilat naman ni Franchesca ang kanyang mata dahil sa bahagyang kalantog ng pinto.

Tuluyang naggising si Franchesca, mga ilang minuto ang lumipas, bumangon din ito sa kama at sinundan si Bethany kung saan siya naroroon. Naabutan nitong nag-i-encode sa laptop na nakapatong sa mesa kasama ang cellphone nito na naka-shut down. 

"Beshy, ba't gising ka pa?"  pasulpot na tanong ni Franchesca. 

"Beshy, ikaw pala 'yan. Tinatapos ko lang 'tong thesis natin" mahinahong tugon ni Bethany bagamat bahagyang nagulat noong biglang lumitaw si Franchesca. 

"Ipagbukas mo na 'yan, Beshy. Kasi hating gabi na. May pasok pa tayo bukas," pag-aalalang wika ni Franchesca at bahagyang lumapit kay Bethany. 

"Okay lang Beshy, mabilis lang 'to." Mabilis na nag-encode si Bethany. 

"Beshy, may sasabihin sana ako sa 'yo, sana 'wag kang magalit."

"Ano 'yan, Beshy?" tanong ni Bethany. 

"Regarding sa nangyari kanina, sana magkasundo na kayo ni Xyra kasi hindi magiging organized 'yong thesis natin 'pag may misunderstanding sa grupo," paki-usap ni Franchesca. 

"I'll try, Beshy. After what she said to my Kuya, it is not easy to forgive," nanlulumong wika ni Bethany. 

"Actually... I watched a video from your channel. I suggest na sana... i-delete mo na 'yan, Beshy. Kasi... Cyberbullying can cause depression. Concerned lang naman ako sa 'yo pati sa kuya mo. Alam ko na nasasaktan ka sa tuwing nakikita mong may nang-aapi sa kuya mo dahil magkapatid kayo at pamilya. I know you will defend them no matter what happens. So that, aan'hin mo naman 'yong fame mo if your family is down?" pagpapayo ni Franchesca. 

Tila binuhusan ng tubig si Bethany mula sa mga payo at sinabi ni Franchesca. Unti-unting nabunutan ng tinik nang mapakinggan niya ito subalit tumango na lamang siya at hindi kumibo. 

"Sige, Beshy. I will go to my bed na. Kung gusto mo ng midnight snacks, may natira pa do'n sa refrigerator 'yong snacks kaninang inorder ko. Pwede kang kumuha. Goodnight," wika ni Franchesca at tumungo na patungong kwarto nito. 

"Sige, Beshy. Goodnight rin," mahinahong tugon ni Bethany. 

Bagama't naiwang mag-isa na lamang sa Terrace si Bethany at napagtanto nito ang sinabi ni Franchesca kaya naisipang buksan nito ang kanyang channel, nakita nito na umabot ng mahigit kalahating milyong views ang ginawa nitong prank. Binalikan niya ang video at nakonsensya nang mapanood nito ang karumal-dumal niyang ginawa na noo'y kasama si Jerry upang pagkatuwaan ang kanilang kuya. Halos maluha-hula niyang binasa ang ibang negatibong komento at hindi siya nagdalawang isip na tanggalin ang video sa kanyang channel. 

Samantala hindi mawari ang labis na pag-aalala ni Elizabeth kay Bethany habang nakaupo itong naghihintay sa sala sa loob ng kanilang bahay. Naka-ilang ulit nang tumawag ngunit hindi pa rin sumasagot ito. 

"Ano ba namang batang 'to? Ayaw sumagot! Na pa'no na kaya 'yon?" di mapakaling bulong ni Elizabeth sa sarili at tumungo sa ikalawang palapag upang puntahan si Ken. 

Samatala si Ken ay nagsusulat sa mesa sa loob ng kwarto nito, at nabigla ito nang may biglang kumatok at sumigaw. 

"Ken! Ken! Paki bukas ng pinto!" nambubulabog na tawag ni Elizabeth sabay katok nito sa pinto. 

"Sandali lang, Mommy!" mariing sigaw ni Ken sa loob ng kwarto nito at di kalauna'y binuksan na ang pinto.

"Bakit po, Mommy? Hating gabi na... Ba't kayo nagsisigaw?" saad ni Ken sabay kamot sa ulo. 

"Ano ba namang klaseng tanong 'yan, Ken? Nag-aalala lang naman ako sa kapatid mo kasi wala man lang paramdam... Makapagsalita ka naman parang wala na akong karapatang mag-alala sa kapatid mo kung kumusta na s'ya!" mataas na boses ni Elizabeth. 

"Sorry na,  Mommy. E,  nabigla lang naman po kasi ako."

"May balita ka na ba sa kapatid mo?" nag-aalalang tanong ni Elizabeth. 

"Sandali lang, Mommy. Check ko lang 'yong messenger ko kung active s'ya," tugon ni Ken at sandaling kinuha ang cellphone nito.

"Ano ba naman 'yang kapatid mong 'yan? Di man lang tumawag ni magreply sa text at tawag ko! Di ko alam kung thesis ba talaga 'yong inaatupag n'yan. Malaman ko lang talaga na puro kalandian 'yong inaatupag n'yan! Ay naku!" nayayamot na hayag ni Elizabeth. 

"Walong oras nang hindi nagbubukas ng f******k si Bethy, Mommy," wika ni Ken habang nag-o-online sa cellphone nito.

"Diyos ko! Baka kung ano na namang kababalaghang ginawa n'yang babaeng 'yan! Baka sumama na naman sa barkada n'yan! Ginagamit na naman 'yong thesis para makapaggala naman kahit saan!  Sakit talaga sa ulo 'tong kapatid mo!" lubhang pag-aalala ni Elizabeth. 

"Relax lang, Mommy. Try mo kayang tawagan 'yong classmate n'ya. Si Franchesca... Di ba may number ka ni Franchesca? Confirm mo lang kung saan s'ya at kung anong ginagawa n'ya," mahinahong wika ni Ken. 

Di agad naisip ni Elizabeth na may cellphone number siya ni Franchesca bagama't hinanap niya ito at tinawagan. "Krrring! Krrring!" naririnig nitong tunog sa cellphone. 

Nakaidlip si Franchesca at nagising mula sa kumiriring niyang cellphone. Naalipungatan siya at agad sinagot ang tawag. 

"Hello. Sino po sila?" mahinang boses ni Franchesca. 

"Hello! Si Tita Beth mo 'to."

"Ikaw pala 'yan, Tita...  Bakit po pala kayo napatawag?" mahinahong sabi ni Franchesca. 

"Ah, kinakamusta ko lang si Bethy. Kasi wala pa ring reply sa chat ko maging sa tawag ko."

"Ah, gano'n po ba. Nabanggit po kasi no'n sa 'kin na off muna daw n'ya 'yong cellphone n'ya para walang maka-istorbo kasi rush na kami sa thesis... Tulog na po 'yong iba sa 'min. Si Bethy na lang po 'yong gising. Nando'n po sa terrace, tinatapos lang po 'yong thesis. Sabi ko nga po sa kanya ipagbukas na lang," pahayag ni Franchesca.

"Ah, gano'n ba. Pasensya na kayo, ah. Naka-istobo tuloy ako sa Inyo," wika ni Elizabeth. 

"Okay lang po. Nando'n po s'ya sa terrace, Tita. Kausapin n'yo po?" saad ni Franchesca at agad bumagon sa kama. 

"Ah sige. Salamat."

"Wait lang po." Lumabas si Franchesca sa kanyang kwarto at tumungo sa terrace upang iabot ang cellphone nito kay Bethany. Nadatnan niya pa rin itong abala sa pag-i-encode. 

"Bethy, Mommy mo!" mariing pagtawag ni Franchesca at ibinigay ang cellphone. 

"Hello, Mommy," mariing pagtawag ni Bethany sa cellphone at nakita nitong nagpapahiwatig si Franchesca sa pamamagitan ng paggalaw at kumpas ng kamay dahil tutungo na daw ito ng kuwarto subalit tumango na lamang siya. 

"Hello, Bethy. Kamusta ka na?" bungad na wika ni Elizabeth. 

"Okay naman po."

"Ba't di ka man lang nag-reply sa chat at text ko? Nag-alala ako sa 'yo nang sobra," mataas na tono ni Elizabeth. 

"Ah? Sorry po talaga, Mommy. Sinadya ko talagang i-off 'yong cellphone para walang obstruction kasi rush na po kami ngayon."

"Wag mo nang uulitin 'yan, ah. Aatakihin ako sa 'yo sa nerbyos n'yan," wika ni Elizabeth. 

"Opo, Mommy... Si kuya po pala, kumusta?"

"Galit s'ya sa 'yo... Sa inyo ni Jerry no'ng malamang pinost mo pala 'yong ginawa n'yong prank dahil do'n pinagpiyestahan s'ya ng mga bashers at bullies sa school! Ano ba naman kasi 'yong ginawa n'yo. Dahil do'n, pinahamak n'yo 'yong kuya. Binu-bully na tuloy s'ya ngayon. 'Wag na nga nating pag-usapan 'yan kasi naha-highblood na naman ako sa tuwing naririnig ko 'yan," saad ni Elizabeth. 

"Sorry na po, Mommy. Plano ko lang naman po kasi na i-promote 'yong channel ko, at paramihin 'yong subscribers at viewers pero na-realize ko na mali po pala. Pero...  No problem na po, Mommy kasi dinilete ko na 'yong video, " aniya Bethany. 

"E, mabuti naman kung gano'n. Pero ano pa bang magagawa natin? E, nangyari na at kahit dinelete mo na 'yan. Sigurado ako, bukas pag-iinitan pa rin ang kuya mo sa school," pahayag ni Elizabeth. 

"Sorry po talaga, Mommy. Di ko na po uulitin."

"Dapat lang... Hating gabi na. Di ka pa ba matutulog?," aniya Elizabeth. 

"Kauting paragraphs na lang naman 'to, Mommy," wika ni Bethany. 

"Sige, Bethy. Good night. 'Wag kang magpupuyat, ah?"

"Opo, Mommy. Good night rin."

Natapos na ang tawag at binaba na ni Elizabeth ang kanyang cellphone. Nakita nitong nagsusulat pa rin si Ken na noo'y narinig nito ang buong usapan nila sa cellphone. 

"Ken, humihingi ng sorry si Bethy. Sana kalimutan mo na 'yong nangyari," wika ni Elizabeth at bahagyang lumapit sa mesa ni Ken subalit di man lang ito umimik. 

"Ba't an' daming note book? An' dami mo yatang sinusulat?" nagtatakang tanong ni Elizabeth. 

"Ah... E... An' dami po kasi naming assignments, " nagkukunwaring tugon ni Ken sabay tiklop ng notebook dahil ang totoo, hindi sa kanya ang mga notebook na 'yan kundi sa alpha team. Binantaan lang naman siya para gawin ang assignments no'n. 

"Ah, gano'n ba. An' dami kong sinabing hindi maganda sa kapatid mo. Napaghinalaan ko pa naman ng masama," nanlulumong saad ni Elizabeth. 

"Di mo naman po kasi alam, e," tugon ni Ken. 

"Sa bagay. Ah, sige. Hating gabi na... 'Wag ka ring magpupuyat, ah?" mariing bilin ni Elizabeth at lumabas sa kwarto ni Ken. 

"Opo, Mommy. Good night."

Kay ganda ng umaga bagama't tila pinuno naman ng pagkayamot si Bethany habang nakasakay sa kotse kasama ang mga kagrupo nito sa thesis patungong paaralan ng Marymount Academy. Nasa unahan si Franchesca katabi ang tsuper nito na nagmamaneho, at sa likod naman si Xyril na pumapagitna sa kanila Bethany at Xyra. Walang imik ang bawat isa maliban sa isang tagalog na musika, ang anak, kanta ni Freddie Aguilar na noo'y pinatugtog ng tsuper.

 Naka-headset si Bethany at pinatugtog nito ang kanta ng blackpink na "Boombayah" habang nagre-review sa cellphone nito habang ang ilan nama'y abala rin sa kaba-browse sa social media. Matapos ang maikling oras ng pagmamaneho at medyo bumagal din dahil sa daloy trapiko ay nakarating din sa parking area ng Marymount Academy. 

Naunang bumaba si Franchesca pagkatapos si Bethany habang bitbit nito ang naglalakihang bagpack, at sumunod na rin sila Xyril at Xyra. Wala pa ring imik nang lumabas ng kotse ang bawat isa ngunit di kalauna'y binasag ni Franchesca ang katahimikan nila. 

"Let's go girls. We're going to enter na sa klase, " yaya ni Franchesca at lumakad patango sa kanilang silid aralan subalit huminto si Bethany sa may study area. 

"Sige, girls. Una na kayo. Hintayin ko lang sina Aliyah at Patricia," aniya Bethany. 

Bagama't tumigil  si Franchesca at Xyril, at lumingon habang si Xyra ay deretso na. "Ah, Okay. Ikaw ang bahala. Sunod ka na lang," aniya Franchesca at tumungo na ng classroom. 

Tumango na lamang si Bethany at umupong naghihintay sa kanila Aliyah at Patricia. Kinuha nito ang cellphone sa clutch bag at sandaling nag-selfie sabay post na may hash tag "Feeling pissed". Maikling minuto ay biglang dumami ang likes nito.

"Hayyys. I am so popular. So pretty. So bright, " pagpupuri nito sa sarili. 

Di kalauna'y dumating na rin sina Aliyah at Patricia, at lumapit kay Bethany. 

"Hi, Beshy. Ano 'tong balitaan ko na feeling pissed ka daw?, " saad ni Patricia. 

"Saan?"

"E, saan pa nga ba? E di sa I*******m... Updated ako, Beshy. Finollow kita," saad ni Patricia.

"Kahapon lang inis na inis ka, ngayon naiinis ka na naman," sabad ni Aliyah. 

"Paano kasi nag-away kami ni Xyra kagabi," naiinis na wika ni Bethany. 

"Bakit naman kayo nag-away?" tanong ni Aliyah.

"Binash niya kasi 'yong kuya ko regarding sa post. An' dami niyang sinabing masasakit," maluha-luhang pahayag ni Bethany. 

"Kahit kailan talaga may pagka-demonyita 'yan. Maldita! Kung ako naka-away n'yan, Ay naku! Ingongodngod ko 'yong pagmumukha n'yan sa sahig!" mataas na tono ni Patricia. 

"Hayaan na natin 'yan. Baka may makarinig sa 'yo," aniya Aliyah. 

"E, ano na lang 'yong reaction ni Franchesca?" aniya Aliyah. 

"Iyon. Naiinis. Frustrated."

"Hayyys. Para wala ng buwesit sa araw na 'to. Selfie na lang tayo. Hash tag feeling happy," nagtitimping wika ni Patricia sabay selfie kasama ang dalawa "Atras!"

Bagama't may biglang nakisama sa kanilang tatlo. 

"Ay! Impakto!" bulalas ni Patricia. 

"Ano ka ba, Jerry? Bigla ka na lang sumusulpot," bulalas ni Bethany sabay tapik sa braso nito. 

"Baon mo daw," aniya Jerry at iniabot kay Bethany bagama't di napigilang humalikhik sabay alis. 

"May pagka-sweet din pala 'yong kapatid mo kahit pasaway," wika ni Patricia. 

"Tsss! " mahinang tunog ni Bethany sabay irap ng mata. 

"May quiz pala mamaya sa science, nakapag-review ba kayo?" tanong ni Patricia. 

"Tamang review lang kasi gumawa kami ng thesis," aniya Bethany. 

"Ikaw, Beshy?" saad ni Patricia.

 "Oo, tamang review rin. Ikaw, nakapag-review ka rin ba?" wika ni Aliyah. 

"Tsssk... Slight lang. Di kasi ako tulad n'yo, biniyayaan ng galing at talino. Buti nga kayo, kasama sa top samantalang ako... Si Beshy Bethy, top 5... Ikaw, top 6... Kayo na!" saad ni Patricia. 

"Tara na, pasok na tayo sa classroom," yaya ni Bethany at sinaklay ang bagpack na puno ng binihisang damit. 

"An' dami mo namang dala?" wika ni Aliyah. 

"Ah, e. mga binihisan kong damit at laptop ang laman nito."

"Ako na lang magdala n'yang clutch bag mo, " wika ni Aliyah habang yakap-yakap nito ang dalang libro. 

"Wag na, Beshy. Kaya ko naman. Baka maglaglagan 'yang dala mong libro."

"Sige, ako na lang magdadala, " aniya Patricia. 

"Ah. Sige Salamat, Beshy." 

Bagama't laking gulat ng tatlo nang biglang sumulpot si Kyle.

 "Hi, girls! Hi, miss beautiful!"

"Ay! Si Crush," kinikilig na saad Patricia sabay hampas sa braso ni Aliyah. 

"Aray! Makahampas naman... Ang sakit, a!" bulalas ni Aliyah. 

"Halika na!" natutuwang saad ni Patricia at hinawakan nito sa braso si Aliyah sabay alis. "Beshy, mauna na kami."

Di mawari ni Bethany ang kaba at bilis ng tibok ng puso nito nang makita ang maaliwalas na mukha ni Kyle. Di natigil ang pag-irap nito sa kanya no'ng sabay pumako ang kanilang paningin subalit, 

"Akin na 'yong bag mo. Ako na magdala," maginoong sabi ni Kyle.

Natigil ang pag-irap ni Bethany at mahinhing inipit ang buhok nito sa taynga na para bang isang dalagang filipina. 

"Akin na 'yong bag mo, " pag-uulit na sabi ni Kyle. 

"Ah.. E... Wa...  Wag na, ako na lang, " di maibulalas na saad ni Bethany na may kaunting pagkamataray nitong boses. 

"Ah, sige. Bahala ka. Mabigat 'yan. Minsan lang ako maging gentleman tapos tatanggi ka pa, " wika ni Kyle. 

"Sige, ikaw ang bahala, " tugon ni Bethany. 

"Talaga! Sa wakas pumayag ka din. Sabi ko na e, magiging close din tayo, " natutuwang saad ni Kyle. 

Bagamat binigay ni Bethany ang bag dito na noo'y nakasaklay sa kanyang braso subalit, 

"Di porket pinagbigyan kita. Ibig sabihin no'n, close na tayo... Asa ka!"