Kabanata 14

Halos dalawang linggo na simula noong nanligaw sa akin si Calvin. At sa dalawang linggo na 'yon ay lalo ko siyang nagustuhan. I didn't know that he's much better than what I expected. Sa nakikita ko kasi sa iba, ang mga lalaking nanliligaw sa babae ay binibigyan sila ng bulaklak at chocolate.

Calvin is different. Araw-araw, naghihintayan kami sa bench malapit sa field para sabay kaming kumain bago umuwi. Halos sakalin ko na nga siya dahil ayaw niya akong pagbayarin. Araw-araw din niya akong hinahatid sa amin kahit na mahirap ang byahe.

At ngayon, nandito ako sa condo niya dahil may napanood daw siyang bagong recipe sa YouTube na mukhang masarap. Gusto niyang matikman namin pareho.

"Gawain mo bang manood ng ganiyan kapag bored ka? Akala ko pa naman subsob ka sa pag-aaral," sambit ko habang nakasandal sa counter at naka-krus ang dalawang kamay.

Humarap siya sa akin saglit at ngumiti bago ibinaling ulit ang paningin sa niluluto. "Minsan. Nakita ko lang 'to s