Kabanata 15

"Tang ina, natapos din ang final exam," sigaw ni Nam at nag-inat-inat ng katawan. Kumpleto kaming apat ngayon na nakasilong dito sa ilalim ng puno malapit sa gymnasium para tumambay.

"True! Wala nang iisipin na review," sabat ni Ynna. "Magsaya naman tayo after this hell week. I feel like I don't have social life na. I was so focus on my acads this past few weeks," dugtong niya.

Tumango si Nam. "I like that idea. Tara't magsunog tayo ng atay," masayang sambit niya.

"Ulol, mga lasinggera," biglang sabat ni Steph na ikinatawa ko.

"Feeling mabait ang gago. Sige na, 'di ka rin naman makakatiis, e! Marupok ka nga sa lalaki, sa alak pa kaya," nakangising usal ni Nam.

Steph made a face. "Ha-ha ang funny mo,"

Tumawa naman kami sa reaction niya. Kahit kailan talaga, napaka-iksi ng pasensya nitong babaeng 'to. Mabilis din mapikon kaya palaging inaasar ng dalawa. Nawala ang atensyon ko sa kuwentuhan namin nang naramdaman kong nag-vibrate ang phone ko. I