Kabanata 18

"Malapit mo nang matapos 'yong pinapagawa ni Sir sa lab?" tanong ni Steph.

Natigil ako sa paglalaro sa phone ko at napalingon sa kaniya. "Alin do'n? Tatlo ang ginagawa natin, day!"

"Iyong kay Sir Anton, 'yong dapat mag-connect 'yong dalawang program,

"Ah, 'yon? Ang hirap-hirap no'n, sa tingin mo matatapos ko 'yon kaagad?" sagot ko.

Bumuntong-hininga siya at sumandal sa kaniyang upuan. "Sukong-suko na ako sa programming na 'yan. Gusto ko nang mag-shift,"

"At anong course, aber? Walang course na madali, bonak!"

"Sabagay! Ganiyan din ang sinabi ng kausap ko no'ng nag-complain ako sa kaniyang nahihirapan ako sa course natin,"

Kumunot ang noo ko. "Sino na naman 'yan? Halos linggo-linggo na lang ay paiba-iba ka ng kausap,"

"Kagabi lang 'yon nakilala ko sa Tinder. Civil Engineering, taray 'di ba?" Nakangiting saad niya.

Umirap ako. "Tapos next week ibang lalaki na naman 'yan. Sarap mong kurutin sa singit, bruha ka!"

"Tan