Chapter 1

Vera’s Point of View

"Kasalukuyang naghahanap ng taong magiging bodyguard ang anak ni Mayor," wika ni Captain sa amin, dahil kagagaling niya sa ospital para makausap ang Mayor. 

Agad akong tumaas mula sa aking pagkakaupo nang sabihin niya iyon, kaya agad na dumapo ang paningin niya sa aking kinalulugaran. 

"First Lieutenant?" patanong na saad niya, dahil mukhang nagtaka siya sa ikinilos ko. 

"I volunteer for this mission," saad ko na nagpataas ng kilay niya. Sabi na eh, nagtaka nga talaga siya.

"Sigurado ka ba? Balak ko sanang magbigay ng mas magandang misyon sa 'yo," wika niya, pero umiling ako agad sa nais niyang i-offer. 

"I need to do this, Captain," wika ko at napasinghap sabay na napatango na lamang siya at napasinghap muli bago sumagot.

"Well if you insist," bulalas niya, sabay abot sa akin ng mga papeles na kailangan kong aralin. 

"Dismissed na ang meeting, maiwan ka muna Verania. I need to talk to you," saad ni Captain, kaya nagsilabasan na ang mga kasamahan ko at naiwan na nga ako. 

"Verania, this work isn't the work that you think it is," panimula ni Captain nang maupo siya sa upuan niya na hindi kalayuan sa akin. 

"Yes, Captain. I already know this mission will be hard," sagot ko, pero napa-halakhak siya na nagpakurba pataas sa kilay ko. 

"No, alam ko na alam mong delikado ang pinapasukan mo. Wala naman tayong misyon na hindi naging delikado. Ang sinasabi ko lang ay hindi lamang pagba-bodyguard ang gagawin mo." 

Agad na lumukot ang noo ko sa narinig.

"I will be a nurse for him, I bet?" panghuhula ko dahil, ang kasalukuyan na kalagayan niya ngayon ay hindi pa maayos kaya naman, sigurado akong kailangan niya ako bilang nurse, dahil isa rin naman akong nurse.

"Yeah that's right, First Lieutenant. But you will also become his personal driver. Dahil nga hindi pa niya pwedeng maigalaw ang mga paa niya, he will need a driver. Dapat ikaw 'yon, dahil mas siguradong ligtas siya isa pa, malalaman mo lahat ng patutunguhan niya dahil, ikaw ang kasama niya." 

"Iyon na ba lahat, Captain? Walang problema kung ganoon, everything will be just fine—" magsasalita pa sana ako, nang itaas ni Captain ang kamay niya na kusang nag-patigil sa mga winiwika ko. 

"May isa pang bagay, Verania. Alam kong ito ang parte na kung saan ay maaari kang mahirapan..." seryoso si Kapitan na siya mismong nagpasara sa bibig ko. 

I want to hear clearly what he will tell me, para naman maging ready.

"You will also become his fake fiancée." Tuluyan na ngang lumabas sa bibig ni Captain ang mga salitang iyon at iyon din mismo ang nagpamulagat sa mga mata ko. 

Ang mga salitang iyon ay ilang beses nag-echo at umulit sa aking tenga, bago tuluyang na-realize ang sinabi ni Captain. 

"Huh, Kapitan? Seryoso ka?" gulantang na usisa ko at dahan-dahan siyang napatango. 

Imposible, sino naman ang nakaisip ng planong ito? Pang-telebabad naman!

"I am serious, Verania. Iyan ang dahilan kung bakit ko sinabi na, mahihirapan ka sa trabahong ito. Kailangan natin ng plano na babago sa target ng kalaban natin. Dahil ang target nila sa kasalukuyan ay si Ares, kailangan mong sumali sa picture." 

"Para maging pain ako 'di ba? Gagawin niyo akong pain, dahil kung makikita ng kalaban na mahal ako ni Ares bilang fiancée niya, ako ang ta-target-in nila. At kung mangyari nga iyon, pwede natin silang ma-trace nang dahil sa akin. Tama ba iyon, Captain?" Napasinghap ako habang ang kamay ko ay nasa aking baba.

"Exactly." 

"But what if malaman nilang nagtatrabaho ako rito? Hindi gagana ang ganoong plano kung sakali," pahayag ko at muling ngumiti kay Captain. 

"They will never know anything about you, trust me we have everything under control. No one will get caught."

"Okay, sabi mo eh Kap!" saad ko na nagpasaya sa aking damdamin, mukhang wala naman na pala akong alalahanin.

"Unless..." dagdag ni Kapitan na nagbura ng kasiglahan sa akin.

"Unless?" 

"Unless, ipaalam mo na kasapi ka namin, masisira talaga ang plano." 

"Walang problema riyan!" masiglang sagot ko at napatango si Captain, mukha namang nagtitiwala siya sa akin.

"Does anyone know about the fake fiancée thing?" tanong ko naman. 

"Yeah, the Mayor and some of our workmates knows that part kaya naman, pagdating mo sa kanila, ipapaalam niya agad na kayo ni Ares ay ikakasal." 

"Woah…that's fast." Dahan-dahan akong umiling habang nakatitig kay Captain. 

"Yeah it is fast, pero kailangan na talaga natin maging mabilis dahil, magalaw na ang kalaban." 

"So I will be a bodyguard, nurse, driver and a fake fiancée so that meansz I will have to lie right?" Tumango lamang si Kapitan sa akin.

"Yeah, even to Ares. I know he is your friend, but we should be professionals here," saad ni Captain sabay dalo ng kanyang paa sa sahig at naglakad papalapit sa akin para tapikin ako sa balikat at i-abot ang envelope na sigurado akong tungkol sa trabahong gagawin ko.

It is just a job, I should be calm even though something about the one who shot Ares' car seems so familiar to me.

Wala akong sinayang na oras kaya naman agad akong umuwi para mag-impake at para magpaalam sa aking pamilya sa panibago kong misyon. 

Dahil nga kailangan bantay sarado ako kay Ares, kailangan kong manatili sa bahay nila, pansamantagal lang naman, hehe.

Hindi ko na nagawang magpaalam kay Mama at Papa dahil, wala sila sa bahay at nasa trabaho kaya, itinext ko na lamang sila. Panigurado, kapag nabasa nila ang message ko, sermon na naman ang aabutin ko, kahit na over the phone pa, hindi nila patatawarin.

Kusang nagbukas ang gate nina Ares nang makarating ako roon sakay ng aking kotse. Ito ang dinala ko dahil medyo marami ang nadala kong gamit. Hindi naman kasi nagkasya sa aking motor ang mga dala ko dahil, mabigat at malalaki sila. 

"Miss Verania, hinihintay ka na po nila sa loob," salubong sa akin ng isang kasambahay, kaya napatango ako agad at dumiretso sa compartment ng sasakyan para, kuhanin ang mga dala kong gamit pero, binawalan ako ng mga kasambahay na ang sabi, sila na raw ang bahala roon na magdala sa aking magiging kwarto. Wala na akong nagawa sa kakulitan nilang bitbitin ang gamit ko. Pinipilit ko man na kuhanin mula sa kanila para ako na lamang ang magdala, ay hindi ko magawa. 

Pointless naman kasi ang pagpilit sa taong ayaw o sa taong ilang beses ng umayaw. Tsaka simpleng bagay nalang naman 'yon.

"Verania, I mean First Lieutenant!" salubong na bati sa akin ni Mayor Stanley kaya, nagmano ako sa kanya, well ka-close kasi siya ng parents ko at ganoon ang nakasanayan kong gawin, every time na makikita ko siya. 

"Verania nalang po, Mayor," saad ko na may nakapintang ngiti sa aking labi. 

"Ikaw rin, Tito na lang," saad niya at bahagyang lumapit para bumulong. 

"Isa pa parang magiging pekeng biyenan mo rin naman ako n'yan kaya Tito nalang talaga," saad niya kaya sabay kaming napatawa ni Tito.

"Okay po!" masiglang sagot ko. 

"Aling Lita, pakitawag na sina Charlotte pati ang dalawa kong anak. Kailangan kong ipakilala ang bagong-bago nating guest," may ngiti sa labi na binalingan ni Tito ang kasambahay.

Fake fiancée, bakit ba kasi kailangan pa ng gano'n! Pakiramdam ko tuloy parang makakasal na ako, which is wala pa sa utak ko. Ayoko pang makasal, pero dahil sa gagawin ko ngayon, mukhang kailangan kong gawin kahit na peke lang. Anyway, kailangan ko talagang tapusin agad ang bagay na 'to, lalo na at may tao na akong pinaghihinalaan. Kung 'siya' nga iyon, next time ko na lamang problemahin ang gagawin ko, ang mahalaga, malaman ko kung sino pa ang nasa likod ng mga pangyayaring ito. 

--

snsp