05

NAGPAHINGANG muli si Cielo matapos ang kanilang paglalaro ni Ross habang ang lalaki naman ay nagpaalam na lalabas raw muna saglit. Pero isang oras na ang nakakalipas ay hindi pa rin ito bumabalik. 

Sa isip-isip ni Cielo ay mabuti na ring wag muna itong bumalik dahil hindi nya alam kung paano nya ito pakikitunguhan matapos ang kagagahang ginawa nya. 

Matagal na katahimikan ang namagitan sa kanilang dalawa matapos nyang tanungin ang lalaki. At nang makabawi sa pagkabigla ay agad naman itong nagpaalam para umalis. 

Alas-singko na ay wala pa si Ross. Nag-presinta pa naman itong sya ang magluluto pero hanggang ngayon ay hindi pa dumadating. 

Napabuntong-hininga na lang sya kasabay ng pagtayo upang buksan ang tv sa sala. Sobrang tahimik at napaka-lungkot ng paligid. 

Umuulan pa rin pero paunti-unti na lang ang patak nito. Hindi katulad kanina na sobrang lakas. 

Nakaramdam sya ng gutom kaya nagtungo sya sa kusina para magtingin kung ano ang makakain nya sa loob ng ref. Hindi naman sya nabigo dahil may mga chocolates doon. Kumuha sya ng sapat na dami bago bumalik sa sala. 

Naghanap sya ng nakakatawang panoorin upang pansamantala syang malibang. 

NABIGLA si Ross sa naging tanong ni Cielo. Hindi agad ma-proseso ng kanyang utak ang mga biglaang kilos ng babae. 

Pakiramdam nya ay namumula sya sa hiya kaya napagdesisyonan nyang lumabas muna upang magpahangin. 

Nakarating sya sa lobby ng hotel. Doon muna sya nagpalipas ng oras habang hinihintay na tumila ang ulan. 

Pero, mahabang sandali na ang inilagi nya roon ay hindi pa rin tumitila ang ulan. Napagdesisyonan nyang bukas na lang nila simulan ang kanilang trabaho. Baka sakaling maganda na ang panahon bukas. 

Paakyat na sana sya nang maalala nya ang pangako nyang sya ang magluluto ng dinner. 

Bumalik muli sya upang magtanong sa mga staff ng hotel kung nasaan ang pinaka-malapit na grocery store. 

"We have a grocery store inside this hotel, Sir." Nakangiting imporm nito sa kanya. 

"Oh, saan?" Pag-usisa nya. 

"Diretso lang po kayo, Sir, tapos pagdating nyo po doon ay kumaliwa kayo. Nandon po ang grocery store." Turo nito sa daan. 

"Okay, thanks." Paalam nya bago naglakad palayo. Hindi naman sya nagkamali dahil agad nyang narating ang grocery store. 

Marami ang mga tao sa loob. Siguro, kagaya nya ay bibili rin ito ng lulutuin para sa dinner. 

Bago pumasok ay humigit muna sya ng cart dahil marami syang bibilhin. Napagdesisyonan nyang magluto ng beef steak para sa hapunan. 

Una syang nagtungo sa meat section para kumuha ng beef. Pagkatapos ay ng mga rekado. Bumili rin sya ng mga chips at ibang mga pagkain. 

"Thank you for shopping, Sir." Iniabot nito sa kanya ang kanyang sukli. Tumango lang sya bago hinigit na ang cart nya. Marami kasi ang kanyang pinamili at hindi nya kayang bitbitin lahat. 

Abot-abot ang kanyang kaba nang makasakay na sya sa elevator. Hindi nya maintindihan kung bakit kailangan nya itong maramdaman. At isa pa sa ikinakabahala nya, si Cielo lang ang babaeng nakapagparamdam ng ganito sa kanya. 

Iwinaglit nya ang kanyang mga isipin kasabay ng pagbukas ng elevator. Pareho silang gulat ni Cielo nang magsalubong ang kanilang mga tingin. 

"Where are you going?" Nagtatakang tanong nya at saka lumabas mula sa elevator. 

"Uh, pupuntahan kasi sana kita." Napakamot ito sa kanyang ulo. Lihim naman syang napangiti sa simpleng mga kilos nito. 

"Nagaalala ka?" Bigla ay naitanong nya. 

"Hindi, 'no. Ano kasi, gabi na, sabi mo ikaw ang magluluto ng dinner." Nag-iwas ito ng tingin.

"Akala ko pa naman, nami-miss mo agad ako." Kunwari pa syang ngumuso. 

"Tara na nga." Nahihiya itong tumalikod at nauna ng naglakad. 

"Cute." Naibulong nya sa sarili at saka sumunod na sa babae. 

Tahimik lang sila pareho hanggang sa makarating sila sa loob ng kanilang hotel room. Dumiretso ang babae sa sala habang sya naman ay sa kusina upang maumpisahan na ang pagluluto. Mabuti na lang at mayroon ng mga gamit-pangluto rito sa hotel hindi na nila kailangan pang bumili. 

Pinanood nya ang bawat kilos ng babae. Binuksan nito ang tv at saka prenteng naupo sa sofa. Mabilis syang nag-iwas ng tingin nang lingunin sya nito. Inabala na lang nya ang sarili sa pagluluto dahil matagal rin ang pagluluto ng beef steak.

He sliced the beef into cubes first. Pagkatapos ay inilagay nya ito sa isang bowl kasama ang lemon, toyo, paminta at garlic powder. Pinaghalo nya ito pagkatapos at ibinabad sa loob ng kalahating oras. 

Habang pinapalipas ang oras ay napagdesisyonan nyang magbasa ng iba pang mga dokumento na hindi nya natapos kanina. 

Paminsan-minsan ay sinusulyapan nya ang babae at abala pa rin talaga ito sa pinapanood. Para bang mag-isa lang sya at hindi nag-eexist ang kahit na sino. 

Makalipas ang kalahating oras ay inumpisahan na nya ang pagluluto. Nagpainit muna sya ng mantika sa kawali bago ginisa ang sibuyas. 

Nang maluto ang sibuyas ay tinanggal nya muna ito muli sa kawali dahil magpi-prito muna sya ng karne. Pagkatapos nitong maluto ay tinanggal nya rin ito mula sa kawali. 

Naggisa sya ng bawang at ibinuhos dito ang marinate sauce. Nang kumulo na ay inilagay na nya ang karne at hinintay itong lumambot. Inilagay na rin nya ang sibuyas na ipinrito nya kanina. 

Napansin nyang nagluto na rin pala ng kanin ang babae. Siguro ay habang wala sya ay ito ang inasikaso nito. 

"Uhm, dinner's ready." Anunsyo nya nang makapag-hain ng kanin at ng beef steak. 

Mabilis naman itong lumingon. Napailing na lang sya, basta talaga pagkain. 

"Mukhang masarap." She commented. 

"Hindi lang mukha. Masarap talaga." 

"Talaga ba? Patikim nga at ng mahusgahan." Biro nito at tumikim ng sabaw. "Masarap nga." Naibulong nito maya-maya. 

"I told you." Sabi naman nya habang ipinaghihigit ito ng upuan. 

"Thanks." 

Tahimik silang nagsimula sa pagkain. Animo'y parehong ninanamnam ang sarap ng pagkain. 

"Uh, tungkol doon sa kanina. Pasensya na, nabigla lang ako talaga." Pagbukas nito sa usapan. 

"No worries." He smiled and she reflects. 

Sa huli ay natapos ang kanilang dinner na puro kwentuhan lang silang dalawa. Nag-presinta itong maghuhugas pero hindi sya pumayag kaya sa huli ay silang dalawa na lang rin ang naghugas. 

"Grabe ka!" Reklamo nito nang pahidan nya ito ng bula sa pisngi. "Akala mo, ha!" Pinahidan din sya nito sa kanyang pisngi. 

"What?" Natatawang saad nya bago pinahidan din ito sa itaas ng sarili nitong labi. Nagmukha tuloy bigote. 

"Isa lang, gaganti lang ulit ako." Pagmamakaawa nito.

"Ayaw ko. Dadamihan mo, eh." Pagtanggi naman nya. 

"Daya mo naman, eh. Dali na." Pilit pa rin nito.

"Sige na nga." Pagpayag nya. Tuwang-tuwang naman itong kumuha ng bula at ipinahid sa buong mukha nya.

Matagal bago sila natapos sa paghuhugas dahil panay ang laro nilang dalawa. 

Pagkatapos ay dumiretso na agad ito sa paliligo habang sya ay tumambay muna sa sala. Nang matapos ito sa pagliligo ay sya naman ang pumalit. 

HINDI mawala ang ngiti sa mga labi ni Cielo hanggang sa paliligo. Pakiramdam nya ay nasa ibabaw sya ng mga ulap dahil sa kakaibang kiliti na nararamdaman nya. 

Sa isang kisap-mata ay naglevel-up ang pakikitungo sa kanya ni Ross. Ang mga ginagawa nito ay sapat na upang makapagpa-ligaya sa kanya. 

Nakangiting mukha nito ang bumungad sa kanya pagkalabas nya ng banyo. Napatulala sya sa gwapong mukha ng lalaki. Kung ganito ang tanawin nya araw-araw ay hindi sya magsasawa. 

"Shower lang ako." Paalam nito. 

Napagisip-isip nyang dapat nyang ipagpasalamat ang pagpayag nya sa alok nitong pagpunta rito. Dahil doon ay nagkalapit ang loob nila ng lalaki. 

Naisipan nyang tawagan ang matandang mayordoma upang balitaan ito. Hindi naman nagtagal ay sumagot agad ito. 

"Hello, hija? Kamusta dyan?" Bungad nito. 

"Sobrang lamig po dito pero kaya naman." Biro nya at pareho silang natawa. 

"Si Ross kamusta? Hindi ka ba sinusungitan?"

"Hindi po. Sobrang bait nga nya. Para syang ibang-tao, Manang." Pag-kwento nya. 

"Baka naman may nararamdaman na para sa iyo." 

"Sana nga po." Sakay nya sa mga biro nito. 

"Naghapunan na ba kayo, hija?" 

"Opo. Nagluto po si Rosa ng bistek." Imporma nya. 

"Aba'y ipinagluto ka pa talaga. Nakakatuwa naman ang batang iyan." Komento nito. 

"Sobrang sarap po ng bistek. Nakalimutan ko nga pong hindi pa pala nya ako jowa." Pagbibiro nya. 

"Aba'y gusto kong matikman 'yan. Kaya lang ay baka makalimutan ko ang Manong Jun mo." Biro rin nito at malakas syang napahagalpak ng tawa. 

"Hayaan nyo po, kapag bumalik na kami dyan, pipilitin ko po si Ross na magluto ulit."

"Hindi na ako makapaghintay. Oh sya, baka nakakaabala na ako. Mag-iingat kayo dyan."

"Kayo rin po. Si Lolo baka hindi nakakainom ng maintenance nya. Makakalimutin pa naman 'yon." Nag-aalang sabi nya. 

"Lagi ko ngang sinasabihan at minsan nga ah nakakalimutan na. Oh sige na, ibaba ko na."

"Sige po. Goodnight, Manang." Aniya pa bago patayin ang tawag. 

"Si Manang?" 

Halos mapatalon sya dahil paglingon nya ay naroon na agad si Ross. 

"Kanina ka pa?" Bigla ay namula ang kanyang pisngi dahil sa hiya. 

"Kakarating ko lang." Sabi nito habang pinupunasan ang sariling buhok.

"Uh, may suggestion lang ako." 

"What is that?" Itinigil nito ang ginagawa upang harapin sya. 

"Ano kasi, kung ayos lang naman sa'yo. Gusto ko sanang mag-series marathon. May bago kasing Korean series na sikat na sikat ngayon."

"May I know the title?"

"Squid Game Series. Maganda raw kasi 'yon sabi ng mga friend ko sa f******k."

"Okay. Pero saan? Meron ba sa tv?" Usisa nito. 

"Oo. May Netflix akong nakita kanina. Meron pa pala akong isa pag suggestion."

"Tell me." Umupo ito sa tabi nya. 

"Pagkain." Nahihiyang bulong nya at natawa ito. 

"Ano ba'ng gusto mo?" Nakangiting tanong nito. 

"Uh, gusto ko sana ng fries tapos siomai ulit." 

"You really like siomai, huh?" 

"Medyo." Napakamot sya sa sariling ulo. 

"Okay. Bibili tayo sa baba. Ako na lang ang magluluto." Sabi nito at tumayo. Nagulat sya nang ilahad nito ang mga palad. 

Gulat pa rin nya itong inabot. Lihim syang napangiti. Doon na lang nya idinaan ang kanyang kilig dahil hindi nya ito pwedeng ipakita sa lalaki. 

Magkahawak-kamay silang lumabas ng hotel room. Hindi sila nagbitaw hanggang sa makarating sila sa grocery store sa baba. 

Pinagtitinginan na sila ng mga tao pero parang walang pakialam si Ross. Sya naman ay halos tumago na sa likod nito dahil sa hiya. 

"Are you shy?" Tanong nito ay humarap sa kanya. 

"Nakatitig kasi sila sa akin, eh."

"Syempre, gwapo ako, eh." Biro nito na ikinagulat nya. Hindi nya inaasahan na ang kilala nyang Ross na masungit ay kayang magbiro. Corny pero hindi baduy. 

At mas hindi nya inaasahan nang akbayan sya nito bago sila muling naglakad upang maghanap ng kanilang bibilhin. 

Tulala lang sya hanggang sa makabalik sila sa kanilang kwarto. 

"Cielo, inaantok ka na ba?" Tanong ng lalaki na ikinabalik nya sa kanyang diwa. 

"Uh, hindi. May naisip lang."

"Ako ba?" 

"Hindi, 'no. Magluto ka na nga lang dahil nagugutom na ako." Taboy nya rito at mabilis naman itong sumunod. 

Nakakatuwa dahil parang sya na ang amo sa kanilang dalawa. Nauutos-utusan na nya ito samantalang noon ay hindi.

Habang nagluluto ito ay binuksan na nya ang tv para maihanda na nya ang kanilang panonoorin. 

Nagutom na naman sya nang maamoy ang niluluto ng lalaki. Tumayo sya at lumapit rito. Pasimple syang kumuha habang nakatalikod ang lalaki. 

"What are you doing?" Bigla ay tanong nito. Napa-peace sign naman sya. 

"Nagutom ako, eh." Pag-amin nya. Natatawa nitong pinisil ang kanyang pisngi bago ulit ipinapagtuloy ang ginagawa. 

Hindi naman nagtagal ay natapos rin ang pagluluto nito. Inahon na rin nito ang steamed siomai. Sya na ang naglagay ng cheese sa fries pero ang lalaki ang gumawa ng sawsawan para sa dalawa nilang pagkain. 

Dinala nila ito sa sala. Binuksan nya ang tv at itinutok ang atensyon sa panoorin habang kumakain ng fries at siomai. 

Tahimik lang silang dalawa hanggang sa makaramdam na sya ng antok. Alas-dose na kaya pagod na ang kanyang mga mata. 

"Inaantok na ako. Ikaw, tutulog ka na rin ba?" Mahinang tanong nya. 

"What? Ikaw ang nag-aya nito tapos ikaw agad ang susuko?" Asar nito sa kanya.

"Pasensya na, ha? Hindi kasi ako mahilig magpuyat." Medyo masungit na aniya. 

"Wala ng pagkain, eh, kaya tutulog ka na." Patuloy na pang-aasar nito. 

"Hindi kaya. Bahala ka kung ayaw mong maniwala basta tutulog na ako." Tumayo na sya at naglakad papunta sa kama. 

Humiga na sya at handa na sanang matulog nang maaalala ang lalaki. At kung saan ito matutulog. Mabilis syang napabangon at binalikan ito. 

"Uh, saan ka pala matutulog?" Nahihiyang tanong nya. 

"Dito na lang ako." Sagot nito na ikinabigla nya.

"Doon ka na sa kama. Sanay naman ako sa matigas na higaan." 

"Doon ka na. I can manage." Tanggi nito. 

"Nakakahiya. Doon ka na." Matigas na aniya. 

"Para walang away, tayong dalawa." Pinal na sabi nito at pinatay ang tv. Naglakad ito patungo sa kusina upang dalhin ang mga plato. 

"Bakit andyan ka pa? Inaantok ka na, diba?" Tanong nito nang makitang hindi sya gumagalaw sa kanyang pwesto. 

"Dito na lang ako."

"Ayaw mo ba akong katabi?" Nakangusong tanong nito.

"Hindi 'yon ganon. Basta dito na lang ako." 

"Come here." Mas seryosong pahayag nito. Napabuntong-hininga na lang sya bago naglakad na palapit. 

Pinatay na nito ang ilaw at naiwan lang ang liwanag na nagmumula sa lamp shade. Wala syang nagawa kundi ang mahiga na sa tabi nito. 

Naaninag nyang nakatalikod ito sa kanya kaya nakahinga sya ng maluwag. 

"Ayos lang ba kung maglagay ako ng boundary?" Tanong nya. 

"What?" Natawa ito. 

"Unan. Boundary." Mas maliwanag na sabi nya. 

"If you want to." 

Mabuti na lang at marami ang extra'ng unan ng hotel. Inilagay nya ito sa pagitan nila ni Ross. Pagkatapos ay humiga na syag muli at ipinikit na ang kanyang mga mata. 

"Cielo?" Tawag nito sa kanya. 

"Hmm?" Inaantok ng sagot nya. 

"Goodnight." Malambing na anito. 

Just then, she closed her eyes with a smile in her lips. 

MALALIM na sa gabi pero hindi pa rin nakakatulog si Ross. Nakahiga lang sya pero hindi sya dinadalaw ng antok. 

Naririnig na nya ang hilik ni Cielo na marahil ay dumadagdag sa dahilan kung bakit hindi sya makatulog. 

Idagdag pa ang katotohanang binabagabag sya ng nararamdaman nya para kay Cielo. Alam nyang mali, at kahit saang anggulo tingnan, hindi sila pwedeng dalawa. 

Hindi rin nya inaasahan na sa sandaling panahon na magkasama sila ay agad syang mahuhulog para sa babae. 

Hanggang sa hindi nya namalayang nakatulogan na nya ang malalim na pag-iisip.

Kinabukasan ay nauna syang nagising kumpara kay Cielo dahil gusto nyang magluto ng breakfast. Bukod doon ay maaga silang pupunta sa site. 

Sinulyapan nya ang babaeng sobrang likot matulog. Naalala nyang kagabi ay makailang-beses syang nagising dahil nasisipa sya nito. Minsan naman ay bigla na lang itong magsasalita na labis nyang ikinagugulat. 

Bumangon sya at nagtungo sa banyo upang maghilamos at mag-sepilyo. Pagkatapos ay lumabas na sya upang umpisahan ang pagluluto. 

May natira silang kanin kagabi kaya naisipan nyang gawing fried rice. Pagkatapos ay nagluto sya ng itlog at tocino. 

Tatawagin na sana nya si Cielo pero nakita nyang nakaupo na ito sa dining table. 

"Gising ka na agad?" Nagtatakang tanong nya pero nagkibit-balikat lang ito. Natawa na lang sya dahil sobrang cute nito kapag magulo ang buhok. 

Umupo na rin sya at sumandok ng sariling pagkain. Tahimik na naman sila habang kumakain. 

Pagkatapos ay ang babae na ang nag-presinta upang maghugas. Sya naman ay inihanda ang kanyang mga dadalhin papunta sa construction site. 

Narinig nyang pumasok ito sa banyo maya-maya. Siguro ay maliligo na. 

Hindi rin naman nagtagal ay lumabas na ito kaya sya naman ang naligo. Hindi na rin sya nagtagal dahil baka tanghaliin na sila. 

Paglabas nya ay bihis na rin si Cielo at nagsusuklay na. Lumipas pa ang sampong minuto at pareho na silang gayak. 

Kinuha nya ang kanyang mga dala-dala at sumunod na kay Cielo. Mabilis silang nakarating sa sasakyan dahil sa hindi alam na dahilan. 

Nang pareho ng nakaayos ang seatbelt ay pinaharurot na nya ito patungo sa site. Hindi rin naman ito kalayuan sa hotel na inuokupa nila kaya nakarating sila agad. 

Inalalayan nya pababa si Cielo hanggang sa marating nila ang office ng engineer na humahawak dito. 

"Mr. Arevalo, nice to see you. Biglaan yata ang pagdalaw mo?" Bungad sa kanya ng lalaki. 

"Hindi ka sinabihan ni Lolo? Actually, he sent me here dahil nagkaroon raw kayo ng conflict dito."

"Conflict? Wala naman pong conflict dito. At saka, bumisita ang Lolo mo dito noong nakaraang linggo lang." Kwento nito at hindi nya napigilang magtaka. 

"But... Wait, I'll call him." Paalam nya. "Anyway, this is Cielo." Pakilala nya sa kasama at saka ito sinulyapan. Tumingin naman dito ang lalaki bago inilahad ang mga palad. 

"Girlfriend? Hi there, Cielo. Nice meeting you." 

"Iwan ko muna kayo. I'll call my Lolo." Lumabas muna sya saglit. Naka-ilang ring pa bago ito sumagot. 

"Hello, apo? Kumusta?" Mukhang masayang bungad nito sa kanya. 

"Lo, andito kami ngayon sa site. And according to the engineer, wala naman daw problema dito. Then, why did you send us here?" Hindi nya napigilang ipakita ang kanyang inis. 

"Okay, okay. The truth is, I send you there together with Cielo so you can have time to know each other." Pag-amin nito sa ginawang kalokohan. 

"Lo? You know, I have a lot of work left there. No time to this kind of set-up."

"Please. Just this, Ross. Do this for your Lolo." Pagmamakaawa nito sa kanya. "Treat Cielo the way she deserved to be treated." Dagdag pa nito. 

"Lo, that's not the point. The point is you didn't tell me about this."

"Kung sinabi ko sa'yo, hindi ka papayag. I'm sorry, apo, I just want you to be happy." 

"But, Lo, not in this kind of way!" Hindi nya napigilang magtaas ng kanyang boses. "I'm sorry. Nabigla lang ako." Paghingi nya agad bg paumanhin dahil baka masaktan nya abg damdamin nito. 

"Hijo, alam mo namang gusto ko si Cielo para sa'yo. Matanda na ako at bilang na ang mga oras ko kaya gusto kong tuparin mo ang hiling ko."

Napabuntong-hininga na lang sya dahil mukhang wala na syang magagawa pa. 

"Fine." Pagsuko nya. 

"And, there's another one." Dagdag nito. 

"Meron pa?" Reklamo nya habang nakabusangot ang mukha. 

"Make yourself fall inlove with her. I want you to end up being together."

To be continued. . .