Chapter 5

Engagement party 

"Hija. Ikaw ba ay may nobyo na? "

Nanglaki naman ang mga mata ko sa biglang tanong ni nanay

"A-ako ho?  Wala po bakit? "

Actually i didn't even think about that thing.  I don't see myself with someone.

"Ganun ba?  Ibig sabihin may pag asa ang apo ko? " 

Here we go again! Lagi akong inaasar ni nanay kay renz.  Pero sanay na ako.  Hindi naman nakakailang kasi alam namin pareho ni renz kung hanggang saan lang kami pwede. 

Jusko!  Kada bisita ko ata lagi kay nanay lagi niya kaming inaasar! So i already use to it

"Nay naman!" biglang sigaw ni renz. Pareho naman kaming natawa ni nanay.

Marami pa kaming pinagkwentuham habang kumakain. Napuno ng tawanan naming tatlo ang lamesa.  Masaya ako dahil ok naman ang kalagayan ni nanay yuna. 

Matapos ang ilang oras ay napag pasyahan namin ni renz na umuwi na dahil may pasok pa kami kinabukasan. Kailangan pa naming magpahinga.

KINABUKASAN ay nagising nalang ako dahil sa tumatawag sa cellphone ko nang tignan ko iyon ay hindi naka register ang number sa cellphone ko. Nagtatakang sinagot ko na lamang ang tawag para malaman kung sino yun. 

"Hello?" 

"Hey! It's me your best friend!" napahawak naman ako sa dibdib ko dahil sa bigla ng sumigaw sya. Grabe naman to ang aga aga energetic!

Si iya 

"Kanina pa ko tumatawag sayo! Bakit ngayon mo lang sinagot?" 

"Kakagising ko lang kasi" sagot ko habang hinihilot ko pa ang sintido ko. 

"Hala sorry!Anong oras na huh! Naistorbo ba kita?" nag aalalang tanong niya 

" Hindi naman. Buti nga tumawag ka" mula sa kabilang linya ay narinig ko siyang tila nakahinga ng maluwag

"Are you free today?" aniya at maririnig mo sa boses nya ang umaasa

"Hindi ehh! May trabaho pa kasi kami" simpleng sabi ko at narinig ko naman siyang napabugtong hininga

"I see. Cge next time nalang. Babye!" aniya at maririnig sa boses nya ang panghihinayang

"Bye" simpleng sabi ko at nang matapos ang tawag ay dun ko nakita na ang dami na niyang missed call. 

6 missed called

At 10:43 am na

Inayos ko muna ang kama ko bago naligo at lumabas ng kwarto para magluto ng makakain 

Ang napili kong lutuin ay hotdog at egg tsaka sinangag ko nalang ang kanin

Pagkatapos kong magluto ay inayos ko na ang lamesa para magsimula ng kumain ngunit susubo ko palamang ang pagkain ko nang biglang bumukas ang pinto ng unit ko at pumasok dun si renz na abot tenga ang mga ngiti. Naka suot ng puting plain t-shirt, faded jeans at naka itim na sapatos 

Hindi naman ganun ka laki ang unit ko kaya kita ko agad. 

"Oh hindi kapa ayos? " nakakunot ang noo niyang tanong habang lumalapit sa direksyon ko at tinitignan ako mula ulo ang hanggang paa

"Bakit? Mamaya pa naman yung pasok natin huh? " tinaasan ko sya ng isang kilay ng umupo siya sa bakanteng upoan sa harap ko

"Ay oo nga pala" aniya at napakamot pa siya sa tenga niya

"ikaw? Bakit ang aga mo? " 

"Wala naman akong gagawin sa unit ko edi tatambay muna ako dito" walang ganang sagot niya at kumuha rin siya ng isang kutsara at plato tsaka nag lagay ng mga pagkain sa plato nya

"Bakit ka kumukuha ng pagkain ko? " nakunot noo kong tanong sa kaniya

Ginawa na ngang tambayan tong unit ko, ginawa pang kainan? 

"Makikikain na din" aniya at natatawang sumubo ng pagkain, pabiro ko naman syang inirapan at nagpatuloy nalang sa pagkain

"Ang sarap nitong niluto mo huh" aniya habang puno ng pagkain ang bibig nya

"Wala namang hindi masarap sayo kapag ako ang nagluto" sabi ko at sabay naman kaming natawa. Inubos nya muna ang laman ng bibig nya bago ulit sya magsalita

"Oo nga pala tumawag sakin kagabi si boss" aniya at nakikinig lamang ako habang kumakain

Si Boss Franz. Yung boss namin sa pinag tratrabahuhan naming bar. May ari sya ng bar pero minsan lang namin makita dahil minsan lang din yun pumunta sa bar

"Sabi nya nag hahanap daw siya ng waitress para sa engagement party ng kapatid niya" pagpapatuloy niya at uminom muna ako ng tubig bago nagsalita at nagtanong

"Bakit sayo nag sabi? Asan ba si manager?" tanong ko sa kaniya kasi mailap si boss saamin at laging ang manager lang ang kinakausap nya kay nakapag tataka na si renz yung tinawagan niya. Siguro no choice na 

"Ewan ko. Basta kung ano yung sinabi ni boss yun na yun wala ng explanation" simpleng sabi nya at sumubo ulit ng kanin 

Kung sasama ako dun, Siguradong extra income yun dahil hindi naman kuripot si boss. Kapag sumali ako dun may pangdagdag ako sa ipon para sa kaso ng mga magulang ko. At may pang bili ako kahit papaano ng gamot ni nanay. 

"Sge sabihin mo pwede ako ikaw hindi kaba pupunta dun?" Bakit ako lang? Dapat dalawa kami para hindi ako maboring dun. Hindi ko pa naman ka close yung mga babaeng yun kahit na matagal na kaming magkakatrabaho

"Naku love walang matitira na gwapong bartender sa bar kung sasama ako sainyo" aniya at tumataas taas pa ang dalawang kilay niya habang naka ngiti. 

Ang lakas talaga ng kumpyansa nya sa sarili niya kahit kelan

Inirapan ko naman siya at natawa siya "Sino sino ba kasama? "

"Si Mariel, Andy, Elaine at ikaw"

"Kami lang? "

"Oo madami na naman silang maid dun kinulang lang ng apat kasi yung ibang maid daw ay buntis kaya hindi makakagalaw ng masyado" aniya at tumango na lamang ako at nag patuloy sa pag kain.

Pagkatapos namin kumain ay nagpresinta si renz na sya nalang daw ang mag huhugas dahil ako naman daw yung nag luto pumayag nalang ako kesa mangulit pa sya sakin

Nang dumating na ang oras para pumasok sa trabaho ay nag ayos na ako ng mga gamit ko at inayos ko na din ang sarili ko. At sabay kaming pumasok ni renz

Pagpasok na pagpasok palang namin ay nilapitan agad ako ni mariel

"Airi, Tara na sa opisina ni boss kakausapin niya daw tayo"

"Sge aayusin ko lang muna tong mga gamit ko sa WR susunod ako" Sabi ko sa kaniya at pumunta na ng WR para maayos ko na ang mga gamit ko. Hindi na niya ako hinintay kaya naman ako nalang mag isa ang pumunta sa office ni sir. Pagka pasok ko ay nakita ko silang lahat na naka upo na habang naka harap kay sir. Si sir naman ay napatingin sa direksyon ko kaya wala sa sariling napa ngiti ako

Ang gwapo kasi ni sir! Para syang angel na nahulog dito sa lupa para sakin! Charoott!!

Pero totoo, matangos na ilong, mapupulang mga labi, hindi ganoong ka kapalan ang kilay, at kulay kayumanggi na mga mata. Ang light lang ng awra ni boss franz at pala ngiti hindi katulad nung kapatid ni iya na si V na akala mo dala ang problema ng buong mundo kung magsalubong ang mga kilay

Walang imik naman akong umupo sa bakanteng upoan sa gitna dahil yun nalang ang natirang upuan 

"So alam nyo na kung bakit ko kayo gustong kausapin ngayon." aniya habang nakahilig sa kanyang upuan at may hawak na baso na may lamang mainit na kape

"Sa Friday na ang engagement party 6:30 pm. May susundo sainyong van dito sa club ng 1:00 pm kaya dapat 12:30 ay ready na kayo" pagpapatuloy niya pa habang naka ngiti at sumimsim sa kape niya

"And babayadan naman kayo para sa engagement kaya don't worry.Yung sa uniform naman meron na kayo dun kaya wala na kayong aalalahanin sa uniform " sabay sabay naman kaming napa tango at may iba pang pinaalala saamin si boss habang kami naman ay nakikinig lang hanggang sa matapos ang sinasabi ni boss. 

Lahat kami ay nagsitayuan at nag paalam kay sir 

Nang makalabas na kami ng office ni sir ay dumeretsyo ako sa WR or waitress room para mag ayos ng susuotin ko ngayong uniform nag apply din ako ng light makeup kasi ayoko ng masyadong makapal. 

Pagkalabas ko ng WR ay nagtungo na ako sa counter para maghatid ng mga order sa kani kanilang mga table. Pagdating ko sa counter ay nakita ko agad si renz na nag hahalo halo ng mga alak, nginitian ko naman sya ng mapatingin sya sa direksyon ko

"Love anong sabi ni boss? " kuryosong tanong niya ng makalapit ako sa kaniya at kinuha ang isang tray na may mga alak at tinawanan ko naman siya

"Ngayon talaga tayo mag kwe-kwentuhan?" sarkastikong tanong ko sa kaniya

"Sabi ko nga mamaya na pag uwi" natawa naman kaming dawala 

"Table 6 yan love" aniya at tumango na lamang ako at nagtungo na sa table 6 para ihatid ang order. 

Katulad ng nakasanayan ay nilapag ko na lamang ang order nila at nag pasalamat bago umalis.

Buong oras akong nag trabaho at paulit ulit lamang ang ginagawa ko na mag seserve at kukuha ng order minsan ay nag papahinga ako ngunit saglit lang dahil maraming om-order at marami kaming kostomer at kalabanan ay mga business man at mamayaman.

Nang matapos na ang work hours ay nag tungo na ako sa WR para mag ayos ng gamit at maalis ko na ang make up ko. 

Habang inaalis ko ang make up ko ay bigla akong kinausap ni mariel habang nag sasalamin kaming pareho at tinitignan nya lamang ang repleksyon ko sa salamin

"Excited na ko sa Friday! Ikaw? " aniya at bakas sa boses nya na masaya sya at talagang excited 

"Hindi naman" simpleng sagot ko tsaka kumuha ulit ng wipes para linisin yung mukha ko

"Bakit hindi? Marami tayong makikitang mga gwapo dun at mayayaman pa" aniya habang naka ngisi

"Hanggang tingin nalang naman tayo sa kanila dahil hindi naman nila tayo mapapansin"

"Ito naman ang nega mo" aniya at inirapan ako, hindi ko nalamang pinansin yun at nag patuloy lang sa sasabihin ko 

"Nagsasabi lang ako ng totoo. Wala tayo sa isang libro o kwento na mapapansin tayo ng mga mayayaman. Nandito tayo sa reality na iba ang mundo ng mayayaman sa mundo natin. Na ang mayayaman ay para lamang sa mga mayayaman at ang mahihirap ay para lamang sa mahihirap" mahabang pag explain ko sa kaniya 

"Ang lalim nun huh! Alam mo ba first time kitang makausap ngayon na mahaba ang sagot mo! Kasi dati kapag kinakausap kita tango, iling at kung anong tanong ko sayo yun lang din yung sasagutin mo. Para bang isang tanong isang sagot, ganun ka! " 

Napailing nalang ako tsaka tinapos na ang ginagawa ko para makaalis na dahil alam kong nag hihintay na sakin sa labas si renz 

Totoo naman ang sinabi ko. Masyadong matataas ang tingin ng mga mayayaman sa sarili nila at nasa mindset na nila yung mayayaman ay para lang sa mayayaman. Ewan ko nga ehh! May sukatan ba yung pag ibig? May sukatan ba yung pag mamahal? Yung iba nga may pa arrange marriage pa! Paano kung hindi naman nila mahal yung ipapakasal sa kanila? Ok lang?para sa trabaho? Para sa business? 

Minsan nagpapasalamat din ako na hindi kami naging mayaman dahil hindi ako makakasal sa taong hindi ko naman mahal para lang sa business. Kasi ang gusto ko ay ang pakakasalan ko ay koreano.

Charoot! 

Ang gusto kong pakasalan ay ang taong mahal ko, yung taong mahal din ako. Para maging masaya yung marriage life ko. 

"Love ang lalim ng iniisip mo huh" aniya ng makarating na ako sa harap niya. Inirapan ko na lamang siya at binigyan niya naman ako ng ngisi