Share

CHAPTER 2

Location: Red District Urvularia City

“I heard that another fight will happen tonight. Are you coming?” Lumapit sa kanya si Torn.

Uminom muna si Zyrex sa hawak na beer habang pinagmamasdan ang papalubog na araw.

 “I thought you're busy. Why are you here?” tanong niya nang hindi tinatapunan ng tingin ang kaibigan.

“Drinking with you?” natatawang sagot nito. Tinaas pa nito ang isang can sa kanya bago uminom. This building is owned by Torn, his only friend. “So... Are you coming?”

“I have something else to do,” sagot niya.

Lumipat ang tingin nito sa kanya mula sa harapan.

“New mission?”

Hindi siya sumagot si Zyrex pero alam niyang may hinala na ito sa gagawin niya.

 “Ayaw mo ba talagang makuha ang posisyon niya?” muli nitong tanong.

“Bullshit fight.” Hindi niya maiwasang magngitngit dahil sa nangyayaring palaro sa loob ng kanilang Organisasyon. “Nagsasayang lang sila ng buhay at lakas. Kailanman hindi nila makukuha ang titulo niya,” sambit niya habang mahigpit na kinuyom ang kamao.

Napatingin naman si Torn sa kamay nito nang mayupi ang lata ng beer. Huminga ng malalim si Torn bago inubos ang laman ng hawak na beer.

“We need to move on...”

“I want revenge not moving on,” matigas niyang sagot.

“Zyrex, nabigyan na ng hustisya ang pagkamatay niya. Palayain mo na rin ang sarili mo sa pagkawala ni Tyrex.”

“You know me Torn. May sarili akong paraan para malaman ang katotohanan.”

Muling bumuntong hininga si Torn. Alam niyang hindi na ito mapipigilan sa gustong gawin.

“Do what you want. Iwasan mo lang ang naging kapalaran ng kakambal mo.” Tinapik pa nito ang balikat ng kaibigan bago umalis.

Tahimik lang na umiinom si Zyrex pagkaalis ng kaibigan. Kinuha niya ang pendant ng suot na necklace sa ilalim ng damit. It is a twin golden blade inside a crystal ball.

“Tyrex... I swear makukuha ko ang hustisya para sayo,” bulong niya habang nakatingin sa kwintas.

...

...

Pinagmasdan ni Zyrex ang napakalaking hukay na lumitaw 3 years ago sa gitna ng kagubatan ng Red District. Alam niyang ito ang lokasyon ng misteryosong UnderGround na lingid sa kaalaman ng iba.

Hindi malinaw sa kanya kung bakit pinagtatakpan ito ng buong Urvularia. Isa ang kakambal niya sa nasawi dito at tatlong taon na rin niyang hinahanapan ng hustisya ang kakambal. Hindi lingid sa kanya ang trabaho ng kakambal at dahil sa pagkamatay nito, pinasok na rin niya ang delikadong trabaho nito. Tyrex is the Class S Assassin in Havoc Organization kung saan siya nagtatrabaho ngayon. Havoc is now searching for a potential Class S, kaya't may nagaganap na palaro sa Organization. Anyone from different districts and low rank assassins may join.

Isang tingin muli ang kanyang iniwan sa malaking hukay bago nilisan ang lugar.

...

...

Location: Black District Urvularia City

Kasalukuyan siyang nasa Black district para isagawa ang bagong misyon. Ex-Class A assassin from their Organization is making a headache to the whole Havoc. Kinakalaban nito ang Organisasyong humasa sa kakayahan nito bilang Assassin.

Sa loob ng ilang taong pagtatago nito, nalaman na rin nila ang pinagtataguan ng Assassin. Walang duda na tumagal ng ilang taon bago matunton ito. Black District is not easy to enter. All sinful, delinquent, evildoer and criminals are here. Dito pinapatapon ng Urvularia ruler ang mga lawbreaker. Kapag natunugan ng ibang kriminal na hindi pangkaraniwan ang pumasok sa Black District, ginagawa nito ang lahat para maging kasapi o di kaya ay kanilang pinapatay.

Hindi lahat ng naninirahan sa Black district ay kriminal. May mga simpleng mamamayan din pero nasa mababang estado ng pamumuhay. Ang Black District ang pinakamahirap at pinakamagulong distrito sa buong Urvularia.

Sa ngayon alam niyang payapang pagmasdan ang mga tao sa labas ng kanilang mga tahanan. Pero pagsapit ng dilim, iba na ang tanawin dito. Ang kinaroroonan niyang kalye na puno ng ordinaryong mamimili ay magiging malagim pagsapit ng hatinggabi. Nagtuloy-tuloy lang siya sa paglalakad. May napapatingin sa kanya pero mabilis rin nag-iiwas.

“Tabi!” isang sigaw ang nakaagaw pansin ng mga tao sa paligid. “Alis!” Tinulak nito ang isang pulubi patungo sa direksyon niya.

Bahagya lang siyang umatras para hindi tamaan ng pulubi. Pero hindi nakaligtas sa kanyang paningin ang mabilis nitong pagkuha sa isang sobre sa loob ng jacket ng tumatakbong lalaki.

“Magnanakaw! Tulong! Tulungan niyo ako! Iyon na lang ang pera ko para sa pagkain ng mga anak ko! Parang awa niyo na, tulungan niyo ako.” Umiiyak na babae naman ang nakalapit sa direksyon nila. Halata ang pagod nito dahil sa pagtakbo.

Tumayo ang natumbang pulubi at lumapit sa umiiyak na babae.

“Sayo po yata to.” Inabot nito ang isang sobre sa babae. “Sa susunod po ingatan niyo na yan lalo na sa mataong lugar.”

Mabilis kinuha ng Ale ang sobre at masamang tumingin sa pulubi.

“Siguro kasabwat ka ng magnanakaw na yun ano?”

“Kung kasabwat niya po ako, hindi ko yan ibabalik sayo.” Halata ang pagkainis sa boses ng pulubi.

Umalis na lang bigla yung Ale. Hindi niya gustong panoorin ang mga nangyayari pero agaw pansin ang sitwasyon na ‘yon sa kalye. Humakbang siya paalis para ipagpatuloy ang naudlot na paghahanap. Maraming street ang Black District kaya't habang maaga ay sinisimulan na niya ang pagtugis sa Class A na yun.

“Hinusgahan at pinagbintangan na nga ako pero hindi man lang nagpa-candy bago umalis.” Narinig niyang sambit ng pulubi.

Bumili siya sa malapit na stalls at hinagis ang hawak na plastic sa pulubi.

“Aray.”

“Pagkain.”

“Kung sino ka man, niligtas mo ang pagra-rally ng mga bulate ko.”

Narinig niyang sabi nito bago siya makalayo. Let us just say, it's her price for doing a good job.

...

...

Madilim na ang paligid kaya't sinuot ni Zyrex ang normal nilang kasuotan. Random niyang pinapasok ang mga street sa Black district at ngayon ay nasa 7th street na siya.

Nagkubli siya sa dilim nang marinig ang ilang pag-uusap.

“Wala pa ba si Cannon?”

“Hindi pa siya dumarating.”

“Late na siya sa usapan natin.”

“Hindi mo siya masisisi. Marami siyang ginagawa para palakasin ang pwersa natin.”

“Kailan ba isasagawa ang paglusob?”

“Wala pang abiso, pero pakiramdam ko malapit na yun.”

“Oh… narito kana pala Cannon.”

“Bakit...? May problema ba?”

“Lumabas ka na riyan bata, hindi magandang asal ang pakikinig sa usapan ng matatanda." Mabilis siyang umiwas sa paparating na patalim.

Tumambad sa kanya ang mga armadong kalalakihan at nasa unahan ang kanyang pakay.

“Assassin na naman? Pang-ilan ka na ba sa pinadala nila rito? Hmm...” Kunwari itong nag-isip pero nakangisi pa rin sa kanya. “Twenty? Thirty? Ahh... Hindi ko na mabilang.”

“Blaze,” pagkilala niya sa kaharap.

Bahagya pa itong natigilan pero malakas na tumawa nang makabawi.

“Havoc Assassin, huh. Akala ko isa ka na naman sa Unodos. Mukhang natuto na ang Mafia'ng yun sa pagkaubos ng personal assassin nila.” Napakunot ang noo niya sa narinig. Hindi siya pamilyar sa Unodos na sinasabi nito. “Are you here to capture me...? Or kill me? Sa pagkakaalala ko, wala akong kasalanan sa Organisasyon para patayin ako.”

“Gathering a member to revolt is enough reason to kill you.”

“Oh... That's it? Walang kinalaman ang Havoc sa ginagawa ko. Maliban na lang kung… kinuha ng Unodos ang serbisyo niyo? Are you one now?” May bagsik sa titig nito ng banggitin ang Unodos.

Wala siyang obligasyon na sagutin ito. Narito siya para isagawa ang misyon. Inalis niya sa scabbard ang hawak na katana. Hindi natinag ang kalalakihan. Pinagtawanan pa siya ng mga ito.

“Bata, pwede mong pag-isipan ang pinaplano mong gawin. Mamili ka…  sumapi ka sa ’min para sakupin ang buong Urvularia. Babaguhin natin ang mundo. Aalisin natin ang paghahari-harian ng White District...o papata...”

“Nonsense,” putol niya sa kausap at mabilis na umatake.

Hindi nakakilos ang mga kalalakihan sa paligid. Minaliit siya ng mga ito at hindi nakapaghanda sa kanyang pag-atake.

Tinutok niya ang katana sa huling tao na nakatayo.

“Bibigyan kita ng pagkakataon mamili... Magpapakamatay ka o papatayin kita?”

“H-hindi m-maaari.” Gulat na gulat ito habang nakatingin sa kanya. “P-patay kana hindi ba? Kasama ka sa UG ng araw na yun. P-paanong nakaligtas ka, p-pero siya hindi?”

“Anong ibig mong sabihin?” Naguguluhan siya sa sinasabi ng kaharap. Pero malakas ang pakiramdam niyang may nalalaman ito sa nangyari 3 years ago.

“I-ikaw si Tyrex, hindi ba? Siya lang ang nakakagawa ng ganyang atake. B-bakit buhay ka pa? A-ang sabi niya walang nakaligtas... B-bakit...?”

Nandilim ang paningin niya ng banggitin nito ang pangalan ng kakambal.

“Anong nalalaman mo sa pangyayari 3 years ago?” Nawala ang pagkagulat nito dahil sa tanong niya.

Unti-unting sumilay ang ngisi nito habang nakatingin sa kanya.

“Kung ganun hindi ikaw si Tyrex?” Malakas itong tumawa ng marealize ang isang bagay. "Imposible ka nga naman mabuhay kung White District ang iyong kalaban.”

Gustung-gusto na niyang tapusin ang buhay nito pero may gusto pa siyang malaman.

“White District?” Napakaimposible ng sinasabi nito. 

White District ang ruler ng Urvularia. Sila ang nagpapatupad ng balanseng pamamalakad sa buong city. Imposibleng gumawa ang mga ito ng isang krimen na magpapabago sa lahat. Marami ang nasawi sa UG at maaaring mag-aklas ang ibang distrito sa White District kung sila ang may kagagawan nun.

“Hindi ka ba nagtataka? Lumitaw ang napakalaking hukay sa kagubatan ng Red District pero walang ginagawa ang White District para solusyunan ang misteryosong hukay. Pero anong ginawa nila? Pinagtakpan nila ang krimen na yun.”

“Pinaglalaruan lang tayo ng White District. Sila ang totoong kriminal! Gumawa sila ng paraan para wakasan ang malalakas na nilalang sa buong distrito. Mga kriminal sila... Kriminal!” sigaw nito.

Makikita ang galit at paghihinagpis sa mga mata nito.

“Nawala ang fiancee ko dahil sa pagsabog na yun. 2 days na lang ikakasal na kami pero nasawi siya sa pagsabog na yun. Kaya hindi mo ako masisisi kung maghiganti ako sa White District!”

“Walang nakakaalam kung ano ang totoong nangyari noon. Paano mong nasabi na kagagawan lahat ng White District?”

“Hindi pa ba malinaw sayo? Ginawa nila ang lahat ng yun para sa kapangyarihan. Hindi sila makakapayag na may umagaw sa pwesto nila. Marami ang kanilang sinakripisyo para lang magawa yun. Sigurado akong may importanteng tao sa buhay mo ang nakasama sa pagsabog. Hindi pa huli ang lahat, sumanib ka samin. Maghiganti tayo.”

“Kung anuman ang kinalaman ng White District sa nangyari noon, ako na ang bahalang lumutas. Salamat sa impormasyon.” isinaksak niya ang hawak na katana sa dibdib nito.

“Ahhh!” sigaw nito.

Isinunod niyang hiwain ang leeg nito.

Bumagsak ang katawan nito habang hawak ang leeg.

“A...n-no...” Lumapit siya para marinig ang sinasabi nito. “…n-ny...m-mos.” Napailing na lang siya dahil hindi niya maintindihan ang sinabi nito.

Ngunit may narinig siyang tunog. Napatingin siya sa pinanggalingan no’n.

Witness.

Hindi siya pwedeng mag-iwan ng witness. Isa itong sikretong misyon sa pagitan nila ng Supreme Havoc. Humakbang siya papalapit sa witness. Tumakbo ito ng makita siyang papalapit. Kahit anong takbo nito, sigurado siyang maaabutan pa rin niya ito. Bigla itong napatigil ng makita siya sa harapan.

“S-sino ka?” kinakabahan nitong tanong. Halata ang kaba sa boses nito pero hindi niya nakikita ang takot sa mga mata nito na bahagyang nasisinagan ng ilaw.

Mabilis siyang nakarating sa likuran ng witness. Nilagay niya ang hawak na katana sa leeg nito.

“P-pakiusap... Huwag mo akong papatayin. Marami pa akong pangarap sa buhay. Hindi ko pa nararanasan maligo araw-araw. Kahit tatlong beses sa isang linggo ayos lang.” 

She's impossible, nakakatiis itong hindi maglinis ng katawan?

“At higit sa lahat..." wala siyang pakialam sa huling hiling ng kanyang biktima pero hindi pa rin niya maiwasan magulat sa sinabi nito.

“... Hindi pa ako naghahapunan.”

Pwede na itong mamatay anumang oras pero iniisip pa rin nito ang hindi pagkain?

“P-parang awa mo na, pakainin mo muna ako ng hapunan. Ayokong maging palaboy ang kaluluwa ko dahil namatay akong gutom.”

“Pagkatapos kong kumain pwede mo na akong patayin. Promise.”

Seriously? Tinaas pa nito ang kanang kamay.

“Nasaan na?” narinig niyang sambit ng lalaking papalapit sa kanilang direksyon.

“Naku, lagot nasundan yata ako,” nataranta itong gumalaw hindi alintana na may patalim sa leeg nito.

Kusang gumalaw ang kamay ni Zyrex para iiwas ang patalim dito pero alam niyang nahiwa pa rin ito dahil sa biglaang pagkilos. Nagulat rin siya ng hilahin siya nito sa kumpol ng b****a at sinama sa pagtatago. Nag-iisip ba ito? Mas delikado ang sitwasyon nito kasama siya kumpara sa basag-ulong humahabol dito.

“Shhh! Huwag kang mag-alala akong bahala sayo,” bulong nito sa kanya.

Baliw ba ang isang to?

Hindi niya ito pinakinggan at tumayo. Pero hinila siya nito para umupo muli.

“Huwag kang gumalaw, baka makita ka,” bulong nito sa kanya.

“Nakita mo ba yung mga bangkay sa loob?” walang emosyon niyang tanong.

“Nagsasalita ka?” gulat nitong tanong pero bigla din tinakpan ang bibig dahil sa napalakas na boses, "maraming krimen ang nangyayari dito sa Black District. Naging normal na rin yan sa mga tao dito. Kapag dito ka nakatira, para na rin kaming patay, pero ayoko pa mamatay. Hindi pa ako kumakain,” paliwanag nito.

“Kaya...”

Hindi nito natapos ang sasabihin ng pinukpok niya ito sa batok.

“Hindi ko matatagalan ang utak ng isang to.” Binalik niya sa scabbard ang katana.

Tinakpan ni Zyrex ng mga supot ng b****a ang babaeng walang malay bago nilisan ang lugar.

Kaugnay na kabanata

Pinakabagong kabanata

DMCA.com Protection Status