Chapter 5

Avril

Maaga ako ngayon gumising at mag luluto pa kasi ako ng breakfast namin ni dragona. 

Ano kaya ang kinakain nun? Light lang kaya o heavy breakfast? Hmmmm try ko na lang mag luto ng rice if ever man na heavy ang gusto nya. Pero I doubt it. Kasi ang payat nito kaya malamang na hindi iyon masyadong kumakain. Pero mag luluto na rin ako para incase lang naman diba. Mahirap ng mapagalitan pag hindi ako nakapag luto. 

After ko makapag luto ay umakyat ako saglit para maligo na at ng makapag ready na rin sa pagpasok. Baka kasi ma late pa ako pag hinintay ko pang magising si Ma'am. 

Natatakot naman ako gisingin si Ma'am Jane at baka magalit na naman ito sa akin. Mukhang mainit pa naman ang dugo nun na akala mo ay laging may dalaw. Minsan nga pag maganda ang mood ni Ma'am tatanungin ko ito kung gaano kahaba ang araw na meron ito. 

Kaya maglalagay na lang ako ng note para makapag paalam na rin dito na nauna na akong pumasok. 

Panigurado din naman kasi na hindi rin naman iyon sasabay sa akin pumasok. Ni hindi nga iyon namamansin pag nagkikita kami sa school. Akala mo naman kung sino na hindi manlang marunong bumati. Kainis

Kung di ko lang siguro ito teacher sa isa kong subject ay baka hindi din ako kilala nito. 

May attitude kasi talaga silang mag babarkadang guro. Mga pinaglihi sa sama ng loob at sama ng ugali. Buti na nga lang at binawi naman sa itsura. Pero kahit na nakakainis pa rin kaya pag ganun. Hindi naman porket maganda ka may label kang mag m*****a. Wala sa itsura yan no. Kaya tuloy silang magbabarkada lang ang nagkakaintindihan at magka vibes.

Nang makapag ready na ako ay bumaba na ako at sumakay na sa aking kotse papuntang school. 

Hanggang ngayon ay tulog pa rin si dragona. Mukhang tulog mantika pa yata ito. Maganda ng tulog pa ito kahit paano ay makakakilos ako dito sa bahay niya ng hindi naiilang. 

Bakit ba naman kasi nagkaganito ang buhay ko. Hindi pa ako nag eenjoy sa pagiging single ko tapos bigla na lang ako nagkaroon ng asawa. 

Naiiling na lang na lumabas na ako ng bahay at tumuloy sa may garahe at nag drive na ako papuntang school. 

Nang makarating sa school ay hinanap ko na agad si Stephanie. Baka kasi binubully  na naman ito ng aming queen bitch este queen bee kuno. Siya lang naman nag label ng sarili niya na siya na daw ang queen bee sa campus. Ano yan reyna ng mga bubuyog? Parang tanga. Nasa talampakan na yata ang utak nito kaya ganun na mag isip. 

Ano na yan di anak niya na kaming lahat na nasa campus at siya ang aming ina? Tanga ang puta. Hindi nag iisip. Basta maki uso lang. Dinaig nya pa si Dean kung ganun. 

Di ko nga alam doon sa babaeng iyon at kung bakit pumapayag na ginaganon lang ni Samantha eh ang alam ko ay magaling ito sa martial arts. Sabi ko nga balian niya na ng kamay ng magtanda. Ang bilis din ng kamay nun kung manampal. 

Akala mo naman entitled ito sa mga ganung gawain. Kasura lang. 

At ito naman si Stephanie sabi hindi niya na lang daw papatulan at mananawa din naman daw ang mga ito ka ka bully sa kanya. Sus kailan pa kaya iyon? Pag naka graduate na siguro kami. 

Paanong mananawa ay ilang buwan na kaya. Magtatapos na nga ang isang sem ay  hindi pa rin sila nana nawa sa kanya. 

Madalas niyang sabihin pa sa akin ay ayaw nya na lang daw patulan at kawawa lang daw ang mga ito sa kanya pag nagkataon. 

Tsaka ayaw niya daw gamitin sa basag ulo ang mga natutunan niya. May point din naman siya sa bagay na iyon. Hindi nga naman ginagamit ang martial arts upang ipagyabang lang na magaling ka sa ganito kaya dapat ka nilang katakutan. 

Ginagamit ito sa self defense. Pero self defense naman ang pag gagamitan niya ah. Ipagtatanggol niya lang rin naman ang kanyang sarili laban sa mga m*****a na iyon.

Kaya nga pag may pagkakataon ay ipinagtatanggol ko na lang siya kila Samantha. 

Na kung minsan kahit ako ay napag bubuntunan din nila ng inis kay Stephanie. Mabuti na nga lang at hanggang salita lang sila sa akin. Hindi pa naman lumapat kahit minsan ang dulo ng mga daliri nila sa akin. 

Nakita ko naman agad si Stephanie na nag lalakad na palapit sa akin. Ang lapad ng ngiti eh. Kung may jowa lang ito mapagkakamalan ko na naka score ito sa jowa nya.  

Mukhang good mood yata ito ah. Baka di pa sila siguro nagkikita ng grupo ni Samantha kaya mukhang malinis pa ito. Alam nyo naman na siguro ang ginagawa ng mga bully sa mga medyo nerd na tulad nito diba? Palagi ngang may baon na damit yan eh. Incase of emergency daw. 

"Oy Avril long time no see ah. Bakit di ka pumasok nung friday? Nag quiz pa naman tayo sa English 20 points din yon ha." Ang salubong nitong tanong agad sa akin. 

"Ah e may importante lang na pinuntahan kami ng parents ko kaya hindi ako nakapasok. Bawi na lang siguro ako sa susunod." Nasabi ko na lang sa kanya. 

Hindi ko naman pwedeng sabihin dito na pumunta kasi kami ng states ni Ma'am Jane at doon nag pakasal. Nakakauwi nga lang namin kagabi. 

Baka mag freak out lang ito at sabihan pa ako ng libre mag pantasya gurl. Sa lahat naman ng pwedeng pangarapin si Ma'am Jane pa talaga? Really? Avril.? Baka masapak ko lang ito pag nag gaganyan sa akin. Anong tingin naman nito sa akin hindi pwede mapangasawa ang isang Ms. Jane San Gabriel? Duh asawa ko na nga ngayon eh. Yun nga lang sa papel at sa loob lang din ng isang taon. Pero atleast naging asawa ko ito diba. 

"Hindi pa siguro kayo nagkikita ni Samantha noh kaya mukhang malinis ka pa hanggang ngayon?" Pang aasar ko na lang dito. Para maiwasan ko na rin siya na makapag tanong pa about sa hindi ko pagpasok nung Friday. 

Bigla naman itong sumimangot ng mabanggit ko dito si Samantha. 

"Huwag mo na nga lang banggitin ang pangalan ng bruhang iyon at sumasama lang ang araw ko pag naririnig ko ang pangalan nya." Nabwibwisit naman na sabi nito habang salubong na ang kilay. 

If i know may crush ito doon. Halata din ito minsan. Makatitig doon sa isa wagas. Pero syempre sa akin na lang iyon para hindi naman ito mailang pag topic namin si Ms. Queen bee

"Okay sinabi mo eh." Taas kamay na pagsuko ko na lang dito. 

"Tara na lang sa Canteen at nagugutom ako. Hindi kasi ako nakapag breakfast kanina at tinatamad ako na magluto." Yaya nito sa akin sabay hila ng kamay ko papuntang Canteen. 

Sinamahan ko na lang sya at tumuloy na kami doon. Mag o order na lang siguro ako ng coffee habang hinihintay ko syang matapos kumain. 

" Mag co coffee na lang ako Stephanie at kumain na kasi ako kanina ng breakfast eh." Sabi ko na lang sa kanya ng mag ask siya sa akin kung anong like kong kainin. 

Habang hinihintay ko siyang makabalik dito sa table ay may bigla naman na pumasok at siyang nagpa tahimik sa mga maiingay na estudyante.

Nilingon ko naman kung sino ang pumasok. Ang mga dyosang m*****a pala na ngayon ay nakatingin sa akin ang isa.

Agad akong nilapitan ni Ma'am Jane nang mapansin niya akong nakaupo dito. 

"Binabalaan kita Del Carmen na huwag na huwag kang mag kwe kwento ng about sa atin kahit na kanino. Nag kakaintindihan ba tayo" may diing bulong nito sa akin. Sabay pisil ng mariin sa aking balikat na ikina d***g ko. Medyo napasobra kasi ang pagkakapisil nito. Mukhang mag kakapasa ito mamaya.

Hindi ko naman maiwasang maamoy ang mabango nitong perfume na humalo sa natural scent nito dahil sa sobrang lapit niya sa akin. 

"O-opo Ma-amm," pautal na sabi ko naman sa kanya. Kinabahan talaga naman kasi ako sa kanya. 

"Maganda na iyong nag kakaintindihan tayo. Baka kasi maka limot ka sa usapan natin eh. Nga pala sino ang kasama mo ngayon dito?" Taas kilay na sita nito sa akin ng mapansin na may isang bag na nakapatong sa table. 

"Eh si Stephanie po Ma'am Jane. Sinamahan ko lang po at hindi pa daw kasi siya nag be breakfast." Sabi ko sa kanya ng nakayuko. Di ko kasi kayang salubungin ang mga magaganda nitong mga mata. 

Madalas kasi akong mawala sa aking sarili pag tinititigan ko ang napaka expressive nitong mga mata na para bang laging nangungusap sa akin na bigyan ko siya ng attention. 

Na syempre ay hindi naman talaga ganon. Kasi nga kung titignan mo ito ay parang laging galit kasi masama ito kung maka tingin. 

Di ko nga alam sa sarili ko kung bakit ganun ang dating sa akin nito eh. Wala na talaga malala na ako nito. Baka mamaya hindi lang crush ang maramdaman ko dito na sana naman ay huwag ng lumalim pa. 

"Sa uulitin ay huwag ka ng kung kani kanino sumasama ha." Taas kilay ulit na bilin nito sa akin

Tumango na lang ako para matapos na ang usapan namin. Hindi kasi talaga ako mapakali pag nasa malapit lang sya eh. Parang laging nabibitin ang aking pag hinga.