Chapter 22. Masalimuot na Paghaharap

"Babaguhin natin ang plano. Lilipad tayo papuntang England. Doon na lang tayo magkita." ani ni Clyde sa kausap nito sa telepono.

Nakatayo lang ako dito sa hallway papuntang study room nya. Bahagyang nakabukas ang pinto kaya naririnig ko ang usapan nila.

"Alam kong sila ang nagtangka sa buhay ko. Pagkatapos nilang patayin ang asawa ko. Sigurado akong ako ang isusunod nila" ani pa nito.

Kinabahan ako sa mga narinig ko. May mga taong nagbabanta sa buhay ni Clyde at ang asawa nya..... ?

Hindi. Dapat ay may gawin ako. Kailangan kong protektahan si Clyde. Naging mabuti sya sa akin kaya dapat kong ibalik yun sa kanya.

Tulungan ang mga mabubuti at pagbayarin ang masasama, yan ang bagong prinsipyo ko ngayon.

Nasa malalim akong pag-iisip nang bigla nyang pinukaw ang katauhan ko.

"Zyesha? Kanina ka pa ba dyan?" pagtataka nya. Makikita sa mukha nya na tinatantya nya kung may narinig ako o wala.

"Ah ,hindi kadarating ko lang din. Tatanungin ko sana kung gusto mo ng kape o kaya pagkain?" palusot ko