Chapter 43. Paliwanag

SHIN'S POV

Nagising ako dahil sa malalakas na tawanan ng mga taong nandito sa loob ng private room.

Napangiti ako dahil mukhang napagtitripan nila si Janvir ngayon.

Bigla kong pinikit ang mata ko dahil lumingon sa gawi ko si Zach. Ayaw kong makita nya na gising na ako. Gusto ko pang marinig ang tuksuhan nila.

Pinapakinggan ko lang ang usapan nila nang biglang nagsalita si Drake.

"Yang nararamdaman mo ngayon sa batang iyan ay naramdaman ko rin noon sa anak kong si Jaleel at yan ang tinatawag nilang......" ani ni Drake.

Hindi ko na mapigilan ang sarili ko kaya sumingit na ako. Ito na kasi ang nakikita kong pagkakataon para makausap si Neo.

"Lukso ng dugo" nakangiting sagot ko sa kanila.

Napalingon naman silang lahat sa akin ng magsalita ako.

Nakita ko rin ang reaksyon ni Neo na hindi makapaniwala. Parang tumigil ang mundo nya sa salitang binitawan ko.

"Mommy you're awake" masayang wika ni Nico. Patakbo syang lumapit sa akin at niyakap ako.

Lumapit naman sa akin si Zach para alalayan a