Chapter 17 (Part 1)

Chapter 17 (Part 1)

“When are you going to give me a grandchild?”

Napa-ungol sa pagkadisgusto si Alejandro nang mabungaran niya ang ina na nakatayo sa harap ng malaking front door. Inaabangan siya para itanong na naman ang hindi matapus-tapos na hinihingi sa kanya.

Kung simple hinuhugot lang mula sa tadyang ang bata o kaya ay pinipitas sa puno, ay ngayon at ngayon din ay bibigyan niya ang ina ng isang dosenang apo.

“Where’s Dad?”

Tumikwas ang kilay ni Mrs. Ellaine Almeradez sa pagtangka niyang ilihis ang usapan. Napabuga siya nang hininga at hinalikan ang ina sa pisngi bago umupo sa sofa. Wala talaga siyang takas sa babaeng nagluwal at bumuhay sa kanya.

Alam na alam ang mga taktika niya. Daig pa ang heneral sa militar.

“Mom, huwag mo naman akong madaliin.”

“Hindi ako nagmamadali. Kung minamadali kita, hindi ka sana umabot ng trenta y kwatro na walang anak. Sana bente-dos ka pa lang, hiningi