Chapter 61

Binisita ni Isabel ang puntod ng kanyang mahal na ina sa sementeryo sumunod na araw. Hindi alam 'yon ng boyfriend niya na si Callix na nasa opisina ng kompanya niya. Wala naman sa plano niya ang pumunta doon. Naisipan lang niya na dalawin ang puntod ng mahal niyang ina baka sakaling mawala ang bigat ng nararamdaman niya. Bumili muna si Isabel ng bulaklak at kandila bago pumasok sa loob ng sementeryong 'yon. Siya lang ang taong nandoon sa loob. Napakatahimik sa loob ng sementeryo.

Pagkarating niya sa puntod ng mahal niyang ina ay kaagad naman niya na inilapag ang bulaklak na binili niya at sinindihan ang kandila. Matapos 'yon ay taimtim siyang nagdasal.

"Mama, kung nasaan ka man po ngayon ay sana po ay palagi n'yo po akong bantayan lalo na po sa panahon na 'to na masasabi ko na bagsak na bagsak po ako. Alam mo naman po siguro ang nangyari sa akin kaya nagkaganito ang lahat sa buhay ko. Hindi ko naman po gusto na mangyari 'to, eh. Nagmamahal lang po ako pero hindi ko inaasahan na ito an