Chapter 47

"Good afternoon, Mrs. Harisson," bati ni Sunday sa Ginang.

"Oh, Sunday. Bakit basang-basa ka?"

Niyuko naman niya ang sarili. "Ah, aksidente lang pong natapunan ng tubig."

"Gano'n ba?"

Ngumiti s'ya. "S-Sige po. Alis lang po muna ako sa para makapagpalit."

"Oh, sige."

Napatingin naman s'ya kay Matteo na prente lang na nakatingin sa kaniya. Tumalikod na lang s'ya at saka lumabas. Nasapo niya ang dibdib nang tuluyang makasakay sa elevator.

Ano ba ang nangyayari sa kaniya? Bakit hindi niya mapigilan ang sarili?

"Oh, anong nangyari sa'yo? Basang-basa ka. Pulang-pula ka pa." Nakasunod sa kaniya si Jessa papasok sa locker.

"Aksidenteng natapunan lang ng tubig ng isang guest."

"Nakipag-away ka?"

Binuksan niya ang locker at kinuha ang extrang uniform niya. "Hindi ah."

"Namumula ka kasi at iyang buhok mo, medyo magulo kaya naisip kong nakipag-away ka."

Pasimple naman niyang inayos ang buhok