59-Nutella

PAPUNTA ngayon si Sandra sa mansion nina Aj. Kanina after lunch ay hindi na naman ito bumalik sa opisina. Hindi rin ito sumasagot sa kanyang tawag. Buti nalang at sinubukan niyang tumawag sa mansion at sabi nga ay naroon ito. Hindi niya alam kung ano'ng nangyayari. Bakit bigla itong nagbago.

Natatakot siya.

Napatanaw siya sa labas ng bintana. Papasok na pala sila sa mansion. Nang huminto ang sasakyan ay huminga muna siya nang malalim bago bumaba.

"Salamat po Kuya Jaime." Tinanguan naman siya nito at umalis na. Humakbang na siya papasok, it's already seven in the evening.

Sumalubong sa kanya si Manang Nena.

"Magandang gabi po," magalang niyang bati rito.

"Magandang gabi naman iha, mabuti at narito ka si Andrew kasi… simula dumating hindi na lumabas," may inabot itong susi," naka-lock ang kwarto niya. Ikaw na lang ang pumasok at tumawag ka na lang kung magpahanda kayo ng pagkain."

"Sige po, salamat," tugon niya rito at humakbang na patungo sa elevator.

Ano ba talaga problema?

Malakas t