Chapter 23

Nakaupo silang apat sa isang coffee shop, nakatingin lang si Thea sa kape niya, malalim ang iniisip, sila Paulo, Pauline at Peter nakamasid lang sa kanya.

"Thea anong nangyari, pwede mo naman i-share sa amin" concern na sabi ni Pauline, hinawakan pa nito ang kamay niya.

Bumuntong hininga si Thea, "Nagtalo kasi si Neri at Brent, kaya umalis si Brent, tatlong araw na siyang di umuuwi" pagsisimula ni Thea, mataman naman silang nakatingin dito.

"Bakit, anong pinagtalunan nila?" Tanong ulit ni Pauline sa kanya. Halata dito ang pag aalala kay Thea.

"May lumapit sa amin mag asawa, sila daw ang tunay na magulang ni Brent" sagot ni Thea, napatingin siya sa reaksiyon ng tatlong kasama, nakakunot ang mga noo ng mga ito. Di nila siguro alam na di talaga silang magkakadugong tatlo. Hindi din naman sila open tungkol dun, hindi sa nahihiya sila, dahil alam nila na kahit hindi sila magkakadugo, tunay na magkakapatid ang turingan nilang tatlo, ganun sila pinalaki ng mga magulang nila.

"Hindi kami tunay