CHAPTER FORTY

ILANG BESES pang pinilit ni Drake si Calli sa pagpunta nila sa ocean park pero tumigil na siya nang malakas siya nitong sinigawan kaya minove niya na lang ang reservation nila sa ibang araw. Kakagising lang niya at nang makapasok sa kusina ay nagulat siya nang makita ang kanyang mag-ina na kumakain ng umagahan.

Alas sais pa lang ng umaga at usually ay kumakain ang mga ito ng alas otso.

"Saluhan mo kaya sila," udyok sa kanya ng mayordoma nung pinanuod niya ang dalawa.

"Ayoko silang istorbohin manang."

"Subukan mo lang na sumabay, baka pumayag na. Huwag ka lang magpaalam at umupo kaagad."

Humugot siya ng malalim na hininga at tumango, mukhang maganda nga ang naisip nito. Tahimik siyang pumasok ng kusina, busy sa pag-uusap ang dalawa kaya hindi siya napansin ng mga ito. Kumuha siya ng tinapay staka palaman bago lumapit sa kanyang mag-ina. Nanginginig pa ang mga tuhod niya at nanuyo ang labi na umupo sa lamesa.

Napatigil sa pag-uusap ang dalawa habang siya naman ay hindi pinansin an