Chapter 17: A Night of Love & Infidelity

NAKARATING ng bahay sina Kai at Blessie na hindi nababasag ang katahimikang namamagitan sa kanilang dalawa. Iyon ang ibinigay ni Kai kay Blessie dahil alam niyang iyon ang kailangan nito lalo na masyado itong naguguluhan sa mga nangyayari lalopa’t ang katauhang meron ito ay ang walong taong gulang na bata walang kaalam-alam sa gaanong mga bagay. Muling napatiim-bagang si Kai sa tuwing nananariwa sa kanyang isipan ang nangyari kani-kanina lang. Gusto nitong patayin si Trey ngunit hindi niya maaaring ilagay ang dahas sa kanyang mga kamay. Hindi niya hahayaang madungisan ang kanyang mga kamay dahil sa isang baliw na tulad ni Trey. Pinagmasdan ni Kai si Blessie na tahimik na naglalakad papasok ng bahay ngunit bigla siyang napatakbo papalapit sa dalaga na babangga sa poste ng bahay.

‘Shit!’

Napalingon sa kanya ang dalaga na parang wala sa sarili nitong katinuan dahilan para mabilis niya itong niyakap. “You don’t have to try…”