Chapter 37

NAALIMPUNGATAN ako kinabukasan dahil sa parang sasabog kong pantog. Bumalikwas agad ako ng bangon pero pagkuwa'y bigla ring natigilan. Ang naaalala ko kasi kagabi ay nakatulog na ako habang nakayakap sa likod ko si Jass. Wala akong natatandaang bumangon ako para magbihis ng damit. Pero ngayon, nakadamit na ako. Kumpleto mula ulo hanggang paa.

Si Jass kaya ang nagbihis sa akin? Malamang. Hindi naman puwede si tatay o mga kapatid ko.

Naiiling na bumangon na ako at lumabas ng kuwarto. Wala si Jass sa tabi ko, baka umalis na at pumasok sa trabaho.

Kailangan kapag naglakwatsa ako ay maaga akong makauwi. Para maabutan niya ako rito sa bahay pagbalik niya.

Baka 'magtampo' na naman eh. Kung ano na namang maisipang gawin.

Dumeretso agad ako sa banyo. Nagderetso ligo na rin ako dahil nalalagkitan na ako sa sarili ko. He kissed my whole body last night. Nakakainis bakit sumasagi sa isip ko?

"Sigurado kayo, 'Tay? Kaya n'yo pa?"

Natigilan ako nang marinig ang boses na 'yon sa labas. Dali-dali