DANGER ZONE "FLASHBACK"

CHAPTER 16: Deal Only in Death

Malayo na ang nararating niya subalit wala pa rin siyang tigil sa pagtakbo. Masasakit na ang kanyang mga paa at ramdam niya na puro galos na rin ang kanyang mga binti.

Dahil sa mga tuyong sanga at damo na kanyang nadaraanan. Pero wala na siyang panahong pakiramdaman pa ang mga ito. Hindi na nga niya alam kung saang parte nawala ang kabiyak ng kanyang sapatos.

Kahit yata ang mapagod wala na rin siyang karapatan. Kailangan niyang tumakbo upang takasan ang mga humahabol sa kanya. Siguradong hindi siya bubuhayin ng mga ito tulad rin ng ginawa sa mga kasama niya kanina. Hindi siya maaaring mamatay dito kailangan pa niyang makabalik at kailangan pa niyang makauwi sa pamilya niya.

"Hihintayin nila ako." Bulong ng pagal niyang isip.

Nang bigla na lang..

"plak!" "plak!" "plak!"

Tunog ng tila nabulahaw na hayop ang umukupa sa kanyang pandinig. Kasunod nito ang biglang pagputok ng baril.

"Bang!!"

Kaya sa hinuha niya malapit na ang mga humahabol sa kan