MISSING YOU

CHAPTER 89:

_

JOSEPH

Narito sila ngayon sa bahay ng mga Ramirez na narito rin sa Alabang. Dito na sila namalagi sa nagdaang magdamag.

Kasama niya si Joaquin at ang mga pinsang si Joshua at Arvin.

Habang si Liandro at Dr. Darren ay bumalik na ng Batangas. Dahil kahapon pa sila narito at patuloy na naghahanap kay Angela.

Kahapon kasi nalaman nila na narito sa Maynila si Angela. Dahil nalaman rin nilang ibinenta nito ang bag nitong dala. Madali lang naman nilang natunton ang pinagbentahan nito ng bag sa online.

Alam nila na walang dalang pera si Angela at mangangailangan ito ng panggastos. Ngunit kung nasa maayos na isip pa rin ito tiyak na alam nito kung ano ang dapat gawin.

Ayon sa salaysay ng nurse na huling nakausap ni Angela noong manggaling ito sa Ospital.

Maayos itong makipag-usap at nasa tamang pag-iisip at normal mag-isip.

Kaya't naisip ni Joaquin na kung hindi ito gagamit ng pera sa sarili nitong account. Maaaring wala itong pagpipilian kun'di ang magbenta ng gamit niton