Chapter 13

"HINDI nagkakasakit ang isang Agatha Buenamente." Saad ni Agatha sa sarili bago tuluyang nawalan ng malay. Mahihimatay na lang dahil sa panghihina at mataas na lagnat, pero mas mataas pa rin sa pangarap niya ang pride niya. Kahapon pa masama ang pakiramdam niya ngunit binabalewala niya.

Natatarantang inalalayan siya ng mga kapwa-katulong na maihiga sa folding-bed na naroon. Inaapoy ng lagnat si Agatha at paos na ito dahil sa malalang ubo. Mabilis nilang tinawag si Aling Lydia.

"Dadalhin natin siya sa ospital."

Sa gitna ng pagdedeliryo ay tumanggi ang dalaga, ayaw niya magpa-injection at ayaw niya ng lasa ng ano mang gamot.

"Agatha, ayaw ni Sir Khevin ng matigas ang ulo." ani Aling Lydia habang nilalagyan ng bimpo ang noo niya. Balot na balot ng kumot ang dalaga.

Si Sir Khevin ang kailangan ko hindi gamot-" anas ni Agatha sa gitna ng pagdedeliryo. Nailing na napangiti ang ilang kasambahay. Hindi lingid sa lahat na pinagpapantasyahan nito ang Boss nila.

"Mamamatay na ambisyosa pa