13. IMPORTANT 1

FREYA

“Doña Elisa Esposito,” basa ko sa pangalan ng babae na nasa album.

May dalawang picture si Doña Elisa Esposito na naroon. Ang isa ay noong edad niya ay twenty years old at mukhang kakakasal niya pa lang base sa ayos niya sa larawan. Ang isa ay picture niya noong matanda na siya.

Napatitig ako sa mukha niya noong kabataan niya. Napakaganda. Sana kung babae ang anak namin ni Alguien ay kamukha ni Doña Elisa. Pero gusto ni Alguien ay lalaki. Napangiti ako. Siguradong kamukha pa rin ni Doña Elisa kahit lalaki dahil kamukha rin naman ni Alguien ang lola niya. Nakakatuwa. Siguradong napakaganda o napakagwapo ang magiging anak ko.

Kinuha ko ang ibang album na naroon at iyon naman ang binuklat ko. Makikita si Doña Elisa na kasama ang tatlong anak nito sa mga larawan na naroon sa album.

“Raymundo… Rafaella… Ramona…” basa ko sa pangalan ng mga anak niya. Si Raymundo ang papa ni Alguien.

Tinitigan ko ang larawan ng ama ni Alguien, ang lolo ng anak ko. Ayon sa larawan, ang edad na