CHAPTER 12 - I FOUND HER

"Ibig sabihin, totoong nakulong siya ng siyam na buwan?" Hindi makapaniwala ang mga mata ni Clarence habang nakatitig sa police record na hawak n'ya. Kapapasok lang ni Brando sa loob ng opisina niya mula sa paghatid ng pagkain kay Ciara.

"Yes boss, at ayon sa nakausap ko na pulis, buntis si Ciara ng mangyari ang sunog sa kulungan. Hindi nila nakita ang bangkay nito, ngunit natagpuan nila ang kulay puting bathrobe na lagi nitong suot simula ng araw na nakulong ito. Nakasabit ang nasabing bathrobe sa bintana ng banyo na pinaniniwalaang gagamitin sana nito upang makatakas sa sunog. Hanggang ngayon hindi nila alam na nakaligtas si Ma'am Ciara mula sa pagkasunog. Ang akala nila, patay na ito."

Biglang pumasok sa isipan ni Clarence ang tungkol sa nawawala niyang bathrobe 5 years ago. "Nakita mo ba kung ano ang itsura ng bathrobe na sinasabi ng pulis?" Interesado siyang malaman ang tungkol sa bathrobe na sinasabing suot ni Ciara ng makulong ito.

Kinuna ni Brando ang cellphone niya at binuksan