CHAPTER 46 - BEHIND HIS PLAN

MONTANA COVE RESORT

6:00 P.M.

ALAS Sais pa lang ng hapon; unti-unti ng napuno ng mga bisita ang kabuuan ng resort. Sa ikatlong palapag ng hotel nakatayo si Clarence mula sa veranda sa labas ng silid niya. Hawak ang kopita na may laman na alak; panay ang pag lagok niya. Walang ekspresyon ang kanyang mukha, at mahirap basahin ang kanyang iniisip. Gayunpaman, suot ng kulay asul niyang longsleeve na pinatungan ng kulay asul din niyang tuxedo, kahit na sinong babae na makikita siya hindi maaaring hindi mapahanga at maglaway sa angking kagwapuhan niya. Ang mukha niyang perpektong hinulma sa angkan ni Adonis ay nagbibigay ng malakas na domino effect sa sinumang babae na nangangarap kahit isang sulyap mula sa kanya.

Pinasok niya ang isang kamay sa loob ng bulsa ng pantalon habang ang isang kamay naman ay humahawak sa kopita. Lihim niyang pinagmamasdan ang bawat pagdating ng mga bisita sa ibaba. Napansin niya na halos lahat ng mga dumalo ay puro kilala ng kanyang ina. Kahit nga celebrity nagta