CHATER 74 - HIS LAST WILL

MATAPOS ANG ILANG ARAW na pamamahinga ni Clarence1 mula sa kanyang huling laban, nagpasya sila ni Ciara na bisitahin si Norkis sa loob ng kulungan.

“Akala ko hindi ko na muli pang masilayan ang mukha mo, Clarence. Sino ang mag-akalang ikaw pala ang pumalit na bagong Master ng lahat ng mga Demonyo! hahahaha–AUrrrgh!” naudlot ang malutong na pagtawa ni Norkis ng bigla s’yang nakatikim ng malakas na suntok mula sa kamao ni Clarence.

“Ikaw lang ang Demonyo na hindi nagbibigay-galang sa master mo. Baka gusto mong palabasin pa kita dito sa kulungan, at gawing maaga ang pagpapahirap ko sa’yo.” puno ng pagbabanta ang tono ng boses niya.

Tila naging katawa-tawa naman ito sa pandinig ni Norkis dahil imbes na matakot nagpakawala pa ito ng malutong na tawa. “Hah? Ikaw? Nakalimutan mo na ba ang ginawa ko sa’yo dati? Utang mo pa nga ang buhay mo sa akin dahil hindi kita pinatay! Kung tutuusin, dapat buto na lang ang natira sa katawan mo ngayon sa ilalim ng lupa. Hindi ka ba marunong magpasalamat?”