CHAPTER 33 : THE LIAR

Kakatok na sana si Ella sa pinto ng hotel room ni Victor nang makita niya ito na nagmamadaling papalapit sa kanya.

“Mukhang hindi ka agad nakatakas sa iyong future ex-girlfriend.” Pagbibiro niya nang malapit na ito sa kanya.

“FYI hindi totoong girlfriend ko si Nurse Sophie Samonte.”

“Oww?”

Binuksan ng lalake ang pintuan. Pumasok si Ella, una kay Victor at walang pangiming naupo sa kama.

Matapos isara ang pinto, hinatak ni Victor ang silya na para sa dresser, at doon naupo, nang nakaharap sa nakaupo sa kama.

Napangiti si Ella.  Nasiyahan dahil wala naman talaga siyang balak akitin ang inakala niyang karelasyon ng dating kaibigan. Ibig lang niyang saktan ang damdamin ni Sophie, at sa ganoon ding pagkakataon ay nais niyang kumuha ng impormasyon tungkol sa mga ginagawa at pinupuntahan ng dalawa.

“Ano mo si Sophie, kung hindi mo siya girlfriend?” Pagsisimula n