CHAPTER 42 : SASAKYAN KITA

Gulantang na nagising si Sophie sa mainit na sinag ng araw na nakadantay sa kanyang katawan. Pabiglang bumangon, iginala niya ang tingin sa paligid.

Ang malaking telebisyon na nakakabit sa medyo mataas na bahagi ng dinding sa paanan ng kama ang unang napansin niya.

Bigla ay naalala niyang pinalipat nga pala siya ng silid ni Senyor Gaspar, at doon siya dinala sa malaking silid na iyon na halos kasinlaki na ng isang simple, maayos na bahay.

Ibinagsak agad niya ang katawan sa kama nang makaalis si Senyor Gaspar at mga tauhan ni Tony. Dahil sa sobrang pagod, stress, tensyon at kasabikan na rin na makapagpahinga sa maayos na kama ay ipinikit niya ang kanyang mga mata. Pinakiramdaman ang parang ulap sa lambot na higaan,   at ang kasiyahang hatid niyon sa likod niyang nakalapat doon.

Nakatulog siya nang hindi niya alam kung gaano katagal at nagising lang sa matinding init ng sikat ng araw.

Tiningnan niya ang pinto ng