CHAPTER 43

AVERY POV

Nang gabing iyon tumawag sa akin si Tita Shaila kaya inabala ko na ang isipin ko sa pag-aasikaso ng mga business permit bukas sa munisipyo.

Ang sabi sasamahan ako ng sekretarya niya hindi ko pa iyon nakikilala.

Nagulat ako kinabukasan ng may isang matipunong lalaki ang prenteng nakaupo sa salas.

"Good morning ma'am! Ako nga pala si Ismael sekretarya po ni Madam Shaila." hindi ko namalayan nakababa na ako ng tuluyan ng hagdan.

Akala ko ay bagong bodyguard.

Required ba sa mga tauhan namin ang malalaki ang katawan? Winaksi ko ang kaisipan iyon. Paniguradong iniisip lang nina Tito Bert ang safety ng pamilya. Kaya pati sekretaryo ng asawa mukha nag-aral sa army. For double purpose. Safety at makatulong sa negosyo.

Sa loob pa lang ng munisipyo kita na ang mga labas masok na tao at empleyadong abala sa kani-kanilang trabaho.

"Hmm.. How--" naputol na ang balak ko pagtatanong kay Ismael ng paupuin na lang ako nito sa waiting area malapit sa mga window para makausap ang mga empleyado.