CHAPTER FORTY FIVE : UNFOLDING THE TRUTH

INABOT ako ng isang oras bago ko tuluyang matunton ang tinutukoy na lugar ng mga kidnapper.

Katulad lamang sa mga pelikula, isang abandonadong lugar ang pinagtataguan nila at nagsisilbing hide out nilang lahat. Mukhang dati itong pabrika na napabayaan na lamang.

Dahan dahan akong naglakad patungo sa loob nito. Dala dala ang isang itim na bag na ang laman ay puro mga pera na nagkakahalaga ng sampung milyon.

Nakalimutan ko pang dalhin ang cellphone ko at naiwan ko pa ito sa loob ng kotse kaya naman napamura na lamang ako sa aking isip.

"Nakakatuwang sumunod ka sa usapan natin..."

Napatigil ako sa aking paglalakad nang may tumutok na isang matigas na bagay sa likuran ko.

Hindi ako nakagalaw dahil ramdam kong nguso ng baril 'yon at isang maling galaw ko lamang ay may balang bubutas sa katawan ko.

"Dala ko na ang perang hinihingi niyo sa akin. Nasaan na ang nanay ko? Bakit hindi ko siya makita rito?"

Bumitaw ito sa akin kaya naman malaya na ulit akong nakaharap sa kaniya. Hindi ko nga ta