Chapter 24

Maayos ang naging buhay ko sa loob ng isang linggo. Magluluto ng agahan para kanila Andrei, tapos papasok na sa trabaho sa bayan. Nakauwi na rin ang may-ari ng flower shop kaya minsan ay binibisita niya ang shop para i-check.

"Maayos ba ang sales iha?"

"Yes po! Ubos na rin po pala iyong red roses at pink tulips," saad ko habang pinupunasan ang mesa. "Bentang-benta talaga ang mga bulaklak na iyon, ate."

Sumenyas siyang lalabas muna para sagutin ang tawag kaya tumango ako. Pinagpatuloy ko ang ginagawa. Napatigil lamang nang may pumasok na customer. Agad akong ngumiti sa binata na nakatitig sa akin.

"Magandang umaga, sir."

Tumango ito saka tumingin sa mga bulaklak. "Wala na bang pulang rosas, miss?"

Nilapitan ko siya at tinuro ang mga rosas na puti. "Iyan na lang po ang kulay na narito, sir. Naubos kahapon lang ang pula."

Tumango ito at kumuha ng dalawa. Tinulungan ko siyang ibalot ang mga iyon.

"Here." kinuha ko ang inabot niyang pera at inilagay iyon sa lalagyan.

"Sukl—"

"Keep the