AIJAN: 11

Now playing: Dear no one by Tori Kelly

Cara

I woke up with a smile on my face. Ikaw ba naman ang magising na katabi ang taong gustong-gusto mo. Iyong mala anghel niyang mukha ang bubungad sayo. Hayyy. Napaka perfect sa pakiramdam na tila ba ayaw ko ng matapos pa ang bawat sandali.

Hindi ko na rin namalayan na nakatulog na rin pala ako kagabi. At hindi ko namalayan na, magiging magkatabi kami sa pagtulog dito sa medyo makipot na couch na ito.

Muli akong napangiti at marahan na hinaplos ang kanyang mukha. Ang ganda-ganda talaga ni Ms. Lopez. Hindi ko rin napigilan ang mapalunok noong bumaba ang mga mata ko sa medyo nakaawang niyang labi.

Mabilis na napaiwas ako ng tingin bago napailing.

Noon din nagpasya na akong bumangon na. Maingat na at dahan-dahan na tumayo ako upang hindi ito magising. Pansin ko na medyo giniginaw siya dahil sa lamig ng aircon kaya naman hininaan ko ito.

Nagtungo rin ako sandali sa kanyang kuwarto para kumuha ng kumot at maingat ko iyong ipinatong sa kanyang