CHAPTER 135: RED ROSES

SA HAPON ng kasunod na araw nang magpasya si Blythe na magkape kasama si Addi sa isang sea side restaurant. Nagkasundo kasi sina Dame at Venedict na mangisda sa isang floating cottage sa isang isla, nagkaroon naman ng problema si Addi sa negosyo nito kaya't kanailangan niyang makipag-meeting sa harap ng computer ng ilang oras. Gano'n din siya pero hindi naman iyong sinlala ng sa kaniyang kaibigan kaya't nagkaroon kaagad siya ng oras para sa sarili.

Nagpaalam sa kaniya si Addi nang muling tumunog ang cellphone nito, bahagya itong lumayo para humanap ng signal. Nangalumbaba naman si Blythe mula sa lamesa habang pinamamasdan ang araw na dahan-dahan nang nagtatago sa ilalim ng makakapal na mga ulap.

Hindi pa siya nangangawit sa kaniyang posisyon ay tumambad naman bigla sa harapan niya ang isa sa mga staff dala ang isang palumpon ng pulang rosas. Napapataas ng kilay si Blythe habang pinagmamasdan iyon; this is new to her eyes. Aside from Venedict's still on the nearby island, he also never