Chapter 47- Burning sensation

HINDI magkandaugaga ang mag-inang Akiel at Alisha na magkatulong sa pag-akay kay Andrew na lasing na lasing pabalik ng kanilang bahay.

"Kasi naman, inom nang inom tapos hindi kayang umuwi mag-isa!" Nanunulis ang labing reklamo ni Akie na nakasunod sa likuran ng ina at kapatid nito. Gustuhin man niyang tumulong sa pag-akay sa binata ay hindi niya ginawa. Mahirap na at baka mapaanak siya ng maaga. Siya ang may hawak ng flashlight upang pailawan ang daan, at dahil mabigat ang binata ay hindi maiiwasang sumemplang paminsan-minsan ang ina at kapatid niya sa lupa kasama nito.

"B-bukas ka na manermon, anak. Itutok mo muna ng maigi iyang flashlight sa daan at ako'y naduduling na sa bigat nitong asawa mo." Ang sabi ng inang niya.

Sinunod naman niya ang utos ng ina. Itinutok nga niya sa daan ang flashlight, pero bigla siyang may naalala sa sinabi ng ina.

Asawa?

Napatitig siya sa likuran ng ina na hirap na hirap sa pag-akay kay Enton. Sa huli ay napailing nalang siya sa isiping baka nagkamali l