Chapter 17

"Huwag mong bibitiwan ang kamay ko!!" nagbabanta at natatarantang tili ni Abigail nang lumuwag ang hawak ni Axis sa dalaga. She was so terrified that her knees trembled in fear. "Ayaw kong maulit muli ang pagkakahulog ko sa putik!" natatarantang dugtong pa nito at mariing kumapit sa kaniyang kamay.

Nagpumilit kasi si Abigail na isama niya ito sa palayan. Kahit na tumanggi siya lalo na at hindi pa magaling ang paa nito. Pero ang rason nito ay mabo-bore daw ito sa bahay niya na walang kahit anong source ng entertainment. Nagsawa raw ito sa mga palabas sa pipitsuging TV niya na tinawanan lang niya.

"Paano tayo makakaabante sa paglalakad kung kailangan na magkatabi tayong maglakad? Ang liit ng pilapil, oh!" Tinuro pa niya ang dadaanan nila na isang tao lang ang puwedeng dumaan. Tapos may may 3 feet pa ang taas at kapag hindi ka talaga maging maingat ay baka sa ibabang palayan ka mahuhulog.

"Bakit ba kasi ang liit? Wala bang ibang puwede nating daanan?" protesta pa rin ni Abigail. "Doon n