Chapter 57

Nagpatuloy ang panlalamig ni Abigail kay Axis ng ilang araw at kahit anong gawin ng binata para mag-usap sila ay palaging umiiwas ang una. Kung sinusubukan niyang i-corner ito sa kusina, sa sala, sa kuwarto nito o kahit saang parte ng bahay pero palaging nakakawala ito sa kaniya. Ni hindi magawang salubungin ng dalaga ang mata niya. Palaging nakayuko ito. Kung hindi naman ay tagos lang ang tingin nito sa kaniya. At kung 'di sinasadyang magtama ang mata nila ay nauumid ang dila niya. Her eyes were full of mockery and loathing. Wala na roon ang saya at pagmamahal na nakikita niya noong nakaraang araw.

He tried so hard to talk to her but every time, she will lock herself inside her room. At kapag tatayo siya sa labas ng pinto at magsisimulang magsalita ay bigla nitong bubuksan ang pinto at lalabas ng bahay. Para silang nagpapatintero na dalawa. Siya ang taya at ito ang haharangan niya. Pero sa tuwina ay nakakalampas ito nang hindi man lang niya ito nagagawang hawakan. Sa iisang bahay nga