KABANATA 51 I SALAMAT, DAD

Nang matapos ang press conference, inakay ni Xavier at ng iba pang guwardiya si Sean palabas ng kwarto sa ilalim ng mahigpit na seguridad. Naglakad sila sa hallway patungo sa ibang elevator para maiwasan ang mga media.

Nadadaanan pa lang ng grupo ang dalawang kwarto nang biglang nakita nila si Daren na matagal nang naghihintay sa may elevator.

“Pwede ba tayong mag-usap? Sandali lang,” tanong ni Daren bago pumasok si Sean sa elevator. Huminto ang mga hakbang ni Sean kasunod ang mga lalaki sa likod. Lumingon siya at tumingin kay Daren na may masamang tingin.

“Busy ako,” sagot ni Sean balak na sanang magpatuloy sa kan’yang paglalakad ngunit napatigil siya nang ilabas ni Daren ang kan’yang pamilyar na knitted na medyas.

“Naiwan mo ito noong nasa opisina ka pa,” saad ni Daren habang inilahad sa kaniya ang medyas. Nang walang sabi-sabi’y hinila ni Sean ang bagay at tiningnan ang pattern na ginantsilyo ng kamay ni Via. Maingat na hinaplos ng mga daliri ni Sean ang maliliit na medyas ng buon