Chapter 20 - The hot kiss

Napakunot ang noo ni Amber sa ginawa ni Ashton. Anong meron? Sigaw ng isipan n'ya. Nakakapanibago naman ata. Habang nakakulong s'ya sa mga bisig nito ay ramdam n'ya ang init na nagmula sa katawan nito. Maging ang amoy ng katawan ni Ashton na nakakalasing at nanunuot sa kanyang ilong ang bango nito. Hanggang ngayon ay hanap pa rin n'ya ang init na iyon. Mariin siyang napapikit nang maramdaman ang kamay nitong dahan-dahang humahaplos sa kanyang likod. Bolta-boltaheng kuryente ang dulot niyon sa kanyang sistema. Kung hindi pa s'ya aalis sa bisig nito ay baka masunggaban pa n'ya ito ng halik.

Bahagya niyang itinulak ang lalaki, ngunit mas lalo naman siya nitong hinapit palapit kaya dumikit lalo ang kanyang katawan dito. Ramdam n'ya ang matigas na dumikit sa kanyang puson. Dahan-dahan siyang tumingala upang tingnan ito sa mukha. Tinaasan lang s'ya nito ng kilay saka nagkibit-balikat.

"A-anong ginagawa mo?" bulong n'ya rito saka lumingon sa likuran nito. Nag-alala s'ya dahil baka biglan