CHAPTER 35

CHAPTER 35

Hindi ko alam ang sasabihin ko. Lalo pa't nakikita ko siyang humahagulgol. Alam ko yung sakit na pinagdadaanan niya kahit sabihing hindi ko pa napagdadaanan ang lahat ng iyon. Nagiging malinaw sa akin ang lahat kung bakit gusto niyang layuan ako kahit pa hindi naman iyon talaga ang tinitibok ng kaniyang puso.

"Shhhhh! Tama na. Tama na..." napapaluha ako. Nadadala ako sa kaniyang emosyon.

"Bakit sa inyo, ang daling mabuhay? Bakit ako sa murang edad, andami ko nang kailangang ipaglaban. Ang prinsipyo ng hukbong tumutulong sa akin at naniniwala silang lahat na ako ang magpapalakas muli sa aming ipinaglalaban, ang maningil at bigyan ng hustisya ang pagkamatay ng mga mahal ko sa buhay, ang aking kalayaan, ang pagmamahal ko sa'yo? Ngunit bakit sa lahat ng ipinaglalaban ko ay yung pagmamahal ko sa'yo ang napakahirap kong pagtagumpayan? Bakit napakahirap kitang kalimutan? Ngayon Aya, sabihin mo sa akin ngayon kung paano tayo pagkatapos nating grumaduate ng high school? Paano natin