CHAPTER 68

CHAPTER 68

"Baka doon muna ako sa 5th Infantry Division sa Gamu, Isabela.”

“Isabela? Bakit doon?”

“Matagal ko nang gusto doon kasi alam kong doon ko mahahanap ang hustisya sa pagkamatay ni Daddy. Ngunit tentative pa lang basta ang mahalaga kahit saang bahagi ng Northern Luzon ako ipapadestino ay okey lang. Gawan ko ng paraan na makaharap ang kuya ni Dindo para magtuos kami sa huling laban.”

“Kasama ba si Dindo sa paghihigantian mo?”

“Iyon ang pinili niyang buhay at ito ang sa akin. Kapag makatapos ako at ganan ng sundalo, mortal na rin kaming magkaaway.”

Tumango si Rave. "Huwag mong pabayaan ang sarili mo doon chief ha?"

"Makakaasa ka chief."

"Mahirap man pero ganito talaga ang buhay. Nothing is permanent at kailangan nating sumabay sa mga pagbabago. Masaya akong sa kabila ng pagbabagong iyon ay nanatili akong bahagi ng buhay mo. Iyon ang lagi kong ipinagpapasalamat. Gusto kong samahan ka kahit saan ka man mapunta. Gagawin ko ang lahat para masundan kita doon chief."

"Kaya nga hindi